” Urirei ” **** Last Part( Part31 ) ****

Urirei gi waheising asina Punsiba gi thamoida hennadum awaba pirari.

” Karigi eraga thamlamli diary aduda,mayek laraba amakpa yaodraba waheising aduna eibu amukka henna otlari ”

” Nang’na eibu nungside hairamlaga,eibu thina thina cheiramlabadi eigi thamoina kayada penjagani.
Karigino nang’na eibu asukyamna nungsibiramliba ”

Kapna kapna tanniklaba khonjelna hairak’e Punsiba.

” Nangbu nungsibana ngaorabi eina nanggi maikei tabu yengjakhi,nanggi yaifanabata khanjakhi.
Adungei’gi houkhraba wari kayabu ningsinglaga edom momon nokchakhi nangbu ngaijaba oina ”

” Sagatcharui asha kayasu nang eitagi oiba.
Adubu Punsiba,ngasidi pumnamak aremba tare,pumnamak manglan gi wari oihourani ”

Echik chik’na leiramba mafam ado kappagi khonjeltana nillare.

Asiba achangba anigi nungsi warini mafam adugi leiteng oirari.

” Punsiba….nungsidra matamdo.
Eigi gari yadana leiringei nang’na eigi gari sembikhibado.
Nungsiko matamdo,amuk hanna laklaroi ubasu fanglaroi ”

” Ei kaodri ei ningsingliye,nangna eigidamak wabikhiba hotnabikhiba pambom tingbikhiba.
Pumnamak adugi laman nongmadi sing’ge khanjakhi eina ”

” Eigini haibada ahenba karisu leite.
Eina nang’gi nafamda thawai hakchang animak katchage khanjakhi.
Adubu…. ”

Wa ngangba ngamdraduna kaplak’e Urirei.

” Adubu thawai sida mangaire eina nang’gi nafamda katchagadaba ”

” Punsiba….ei nangbu yamna nungsiye ”

Khaangba ngamlaktraduna famlambadagi hougattuna maikei thungnaba koichen chelli kapla kapladuna.

” Bema….eigi mitmangda mikup amatang supnagi mikup oirabasu thoklak’o ”

” Nangbu amuktang ujaraga sirabasu sirage….leplaro eigi mitmangda ”

Hanjin hanjin haijei koujei adubu pumnamak aremba tai….

Punsiba gi masa adu chadabaga wabaga nungaitaba punbana yam pathana sonna ure.
Chumnafao leppa ngamsillaktre,wa ngangbada khonjelsu sirak’le

Leptuna leirambadagi amuk famthei.

Taduna leiriba leiriba nungdum adu paikhattuna munna yenglaga makok’ta mathanta thomjinjage tou’e.

Mikup aduda….

Tungdagi kanagumba amana thaan’gatke touramba khut adu farak’e.

Onthoktuna yengthoklubada uba fangle ningthirabi nungsirabi saktam ado.

Saji mittabu ngamjabi maithong adudagi chentharakli mitki pi,tanganglabi chimbalna hainingli nungsi haina.

” Bema ”

Famlambadagi hougatlak’e,khongthang tapna thangduna Urirei gi manakta changsillak’e.

Thamoina nungsijaba mahak’ni,pukning’na khanjabasu mahak’ng,wakhal’na ningjaribasu mahak’ni….Pumnamak mahak’ni magidamaktani.

Thawaidagisu henna nungsibi mahakpu uraktraba matam kuina chahi kaya,karamba thamoina khaangba ngamgani.

Uba fanglaroidra saktam amana emaangda leplarabadi kari faogani,kari khan’gani kari oigani.

Mathanungda nungsina chetna amuktang konsinjage khanduna tingthoklui choktharaba khutsa sing adubu….

” Punsiba….madu yaroiye ”

Wahei asina Punsiba gi thamoi kaihankhi.

” Eina asiba nang’na achangba ani asigi pal’se nang lanba ngamloiye Punsiba ”

” Nang adumna tougano ei khaangba yamna waiye ”

Ningba kaina kairaba thamoi ama sagonnaduna ningthirabi saktam aduda mitfam hongdana yengliba Punsiba da yengladuna hairak’e.

” Bema….karigumba eisu sirabadi nangbu ethanungda chetna konsinjaba fanggadra.
Karigumba eisu sirabadi nang’gi mitki adubu teithokchaba fanggadra ….karigumba eisu sirabadi….”

Wa makha taba ngamdraduna amuk makhol thok’na kaplak’e.

” Karigumba eisu sirabadi nang’ga leiminnaba fanggadra.
Pumnamak asi fang’ni hairabadi eisu nang’gi nanakta lak’ke ”

” Ei ngamganiye ei siba ngamgani.
Eina nanggidamak ngamloidaba amata leite ”

” Bema….eibusu nanakta leihanbiyo ”

Pammuba nungsijaba nungsijaba mahak’ki mitki pibu uraga karamba nupigi thamoina khaangduna leiba ngamgadage.

” Punsiba….ei wa khara haijage munna tabiyo.
Punsiba….ming asinasu hairi nangdi punsigadaba misak amani ”

” Eina nangbu thamoi seng’namak nungsiba oiramlaba,Punsiba nang kuina punsiba oibiyuko.
Ema baba na haiba enbiyo,makhoigi ningba thunghallo ”

” Yum panbiyuko luhongbiyuko.
Laibak fabi mahakpu eimak’ni khanna luna toubiyo.
Kainaramdai mikup asida nanggi nafamda tamjaningba hainingba wadi loinairoi adubu eigi efamda matam leiraktre Punsiba ”

Kapladuna Punsiba na yanningde haibagum mangak hairak’e.

Punsiba : Madu pumnamak arembani.
Bema….ei yum palloiye.
Nang adumna haigano.
Ei mafam asida adum leiniye,nanggi nanakta adum leiganiye.

Urirei : Punsiba….nang eina haiba khuding enni haibadai.
Aduga ngasina karigi yadribano.
Kadaida leikhre mangkhre nanggi thouna.

Punsiba : Bema….ei siyu hairabasu khudak asida sige.
Adubu madutadi eigi efamda haigano.

” Karigino nang’na ningai asukyam chaoriba.
Nang’gi ningkhibada hongdaba wakhal aduna eibu asukyam wahalliba karigino ”

Makhol thokna kapladuna Urirei na hairak’e.

Kappa laobagi khonjeltana mafam adu pumnin nilli.
Thamoi anigi nungsi warina mafam adugi achikpa adubu thugairi.

” Punsiba….eina pubirak’o haikhiba singdo pubirakpra ”

Hoi haibagum Punsiba wadi ngangda mangak nommi.

” Asiba achangba….anise keidounungda leiminnaba yaroiye Punsiba.
Ngasidi eigi matam yourak’le ei chatlage.
Eibu khamlakkanuko Punsiba ”

Hairakliba waheising asi tabada Punsiba wadi ngangda angaoba amagum kappi,awa cheina khaangjei.

” Punsiba….eibu potloibiro.
Chukkhatpiro Sanskaar gi meiri ”

” Nang’na chukkhatpirakliba Sanskaar meiri aduna nungsi panthung’ni khanjarage ”

Karamba thamoi khaangba ngamgani,karamnadi waroi kainaramdai mikup asida.

” Bema….nang chatkhino.
Nang adumna haigano.
Eibu thadoklaga chatkhino ”

” Huhh….huhh….ei mafam asida leige ei lengdana leige.
Yeng’o ei leige.
Karitouba haibano ei touge adubu nang chatkhibadi yaroiye ”

Tanniklaba khonjelna waheising asi hairak’e.

Mafi marol emot mot,mamai mamit epom pom.
Uful waiful maraktuda tasinnaduna tuminna hiptuna amuk lei.

” Ei mafamsida adum leige,nang chatkhino.
Chatkhiba yaroiye ”

Angaobagi masak oiraba saktam aduga uraga Urirei na kayagi matik wajaba.

” Nang adumna tougano,eibu kari oiro haibano.
Karino nang’na eigi mitmangda uhalliba mayam asibo ”

” Hougatlo Punsiba,eigi wase amukta tabiyo ”

” Aroiba oina nang’gi nafamdagi karigumba amata nijage.
Eigi ningbase soidana thunghanbigadra.
Karigumba yagani hairadi wasakpiyo ”

Hanglak’e Punsiba da.

” Um….hoi….ei soidana thunghan’gani soidana yagani.
Eigi Bema na sakhi oirasanu ”

Mikup khara mafam adu echik chik’e….

” Punsiba….eigi Sanskaar gi meiri ado chukkhatpiro ”

Hairak’e Urirei….

” Ei madu yaba ngamloiye,madutadi haigano Bema.
Ei nang’ga kainaba ngamloiye ”

Yanningde haibagum mangak haiduna hairak’e.

” Eigi Punsiba di eibu yamna nungsibibani,eibu thamoi seng’na nungsibibani.
Eina haijaba pumba yabibani.
Nate….nang eigi Punsiba nate ”

” Karigumba oiramlabasu eibu nungside takpani ”

Tasondagi henna thouraba waheising asina thillari kairaba thamoi mahak’ki.

” Hey eshwor….eina nang’gi nafamda ngasi karigumba amata nijage.
Eigi efamda pibigadaba nungai yaifaba,haraoba nungaiba pumnamak ado Eigi Bema gi mafamda pibiyuko ”

” Bema..,chukkhatlageko sanskaar gi meirise nang’gidamak ”

Kainaramdai mikup na naksillabada thamoi anina kayada wajaba.

” Punsiba….lairamlenda gi nangbu mikup khuding sennajarak’keko.
Nang mi khatnaganbado touganuko.
Ei nanggidamak khanbada yamna waiye ”

Mamit mana chejet uisinduna makhutta pairiba meiri aduna chukkhat’le Sanskaar meiri adubu.

Uramba penna yengjaramba saktam ado tapna tapna mami samkhi.

Pittana thallaba mit ani aduna aroiba oina amuktang yengjarui Urirei da….

” Punsiba….ei nangbu yamna nungsiye ”

Khonjel houna kapladuna aroiba oina hairammi.

Chatkhre mangkhre lotkhre Urirei.
Tinkhre lairamlenda.

Leihouri ningba kairaba naitom taraba mahak’ti,kapptana masaruk oiduna.

” Bema….lairemlenda eibu ngairammuko ”

Asumna numit adu houkhre.

Mathang’gi numit’ta….

Punsigi nungsi wari amagi hourakfam oikhiba mafam aduda satra mayamna college kanarakpa matamdagi fambaduna college sooti thabafao tuminna karimata machi lengdana famli Punsiba.

Mafam aduda famlamlaba tungda Police station da laktuna asumna hairari….

” Romesh amasung atopa mi’oi mangak’mak eina hatpani.
Eina makhoibu hatpagi maram amata leite.
Eingonda pinningba dandi pibiro,ei esana yare ”

Nong hek nganbaga Punsiba na Police Station da haikhiba wafam adu Newspaper,Radio,TV,social media amasung atopa medium da miyam pumbada khanghankhi.

Matam khara leiraga law gi oiba legal procedure pumba loiraba tungda Punsiba gi punsi Jail da leiba takhi.

Ninghannaba nungaitaba amata leikhide nok’na nok’na jail da leikhi.

Adubu kairaba thamoi magi waridi adumak thamoinungda sagonnakhi.

” Urirei….chukhrabaniko sanskaar gi meirido nang’gidamak ”

**** D N ****

Leo Sap

Comment piba kaobiganu,writer bu pukning thwgatpiyu

%d bloggers like this: