https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part-98

Meerangdo Leirangdo (98)

Mengang gi wahei duda Neeva du chingnaduna hairak e….

“Karino nangna hairiduna”

Mengang du amukka henna houna nokthorak e….

Adubu khanghoude thangnaba mitkup ta anidu hoo gi cheinakhol masada faoba hourakle…. anidu makhanao paisinli… aduga mapanda chenthok ke touwi….

Mengang na chensinkhraga kagi thong du lonkhre aduga anidu laktana manungda insillaga hairak e….

“Eigi punsibu noi anina manghanbani… nakhoi anisu eigumna mangba tabani. Nakhoi ani mafamsida eigi emangsida eigi apenba minoklakta sigadabani….”

Anidu tuthakhre hougatpa ngamdre…. wa ngangna ba hotnarabasu ngamdre…… adubu Neeva na lat lat touna hairak e….

“Nang….. nasana ….. tou”

Adubu upai leitre ngangba ngamdre…. Kebi di tharo tharo onba hourakle… tinbong tarakle…..

Mengang na angaobigum noklaga hairak e….

“Kamdouwi …..eigi echa ewa na eibu inthokle hairaga nakhoi anina haraoduna nokkhibadu ningsingbra…. houjikti kamdouwi noi ani ha…. eina naitom taraga nakhoina fare khankhiba…. nakhoigi minai oina sijinnaba yani khankhiba…. eigi punsina channafam khangdana manglaga nakhoi anina penkhiba… houjikti nakhoi anisu nungaibra ha….”

Tasengna hairabadi Mengang normal oidrabani…. Yaimaran gi yumda thokhina thoudok aduna maram oiraga mapuroibaga macha singgana mabu yamna tamthina miraikhiba numit adudagi mahak ki pukning shanti leitrabani…matek matek wakhal choirabani…..

Neeva na aroiba panggal puthoktuna amuktang ga chennaba hotnabada Mengangna laktuna chingsillaaga hairak e….

“Lin pubibu sanariba linduna chiklabada linpubi du masana siramdai youre khanglakpa mitkup tuda lin du makhouri metkhaiduna simimnaba gum ngasi esana eigi punsibu maru fangna manghanlamdai asida nabani busu lemnadi tharamlaroi. Machabu takpi tikpigani khonggul tahangani khangdaba … machagi punsi sanna yengba ngamdaba eigumba noigi nama napa dusu macha mangjasanu. Eina echa kainabagum makhoi su macha kainasanu.”

Mengang du amuk kaplak e…..

“Adubu eigi echasingdi mama eina khonggul tadrabasu mapa na warak watembana meerak tinba faodi ngamlagani…. samaj ta mee oina panjabadi ngamlagani. Madugi damak eina eigi epuroibada singba ngamlaroidaba laman ama tonsinlamlaga eigi punsi manghankhragani…. ”

Anidu sire…. akanba hoo ni. Makhoi anina Yaiskullakpa hatlu haiduna pikhina hoo aduni. Houjik Mengang du nokfet tourak e….

“Um pumnamakki potlum oigadaba pottumadi eina thangtharamlabani taibungo… masimaktana eigi enaoebungo Yaimaran na eigi emunggi… eigi epuroubagi amadi eigi echasinggi hotnabikhiba adu khajikta oirabasu laman singba saklasanu…”

Adudagi amuk mapee era chellak e….

“Echasa leihouro…. emadi nakhoiga punna punsi lambi chatminnaba yadre… Emana toujaruba thabak adugi praichit touba ema chatle…. adubu nakhoibu mihatpigi machani haiba kali ama thamlamba sigi damaktadi nakhoi emabu warouraganu. Kalak kanjaoba thamoisina sel pamlubadagi emagi soikhraba khongthang sina eibu mihatpi haiba mingthol sidagi nathei duna chatpa ngamdre. HEY TAIBANG MEEOIBA KEIDOUNUNGDA APAMBA KALAKPA MEEHOUBA HAIBASINA MANGOINAGANU…. eigi dasha si fanggani.”

Kappa makhei kaplaga Mengang du mamai tathoklaga tuminna thokhre…

Sumangda Teturamsana thengnei. Adubu Mengang du wa amtta nganglamdana chatkhre. Aduga khwaidagi manak nakpa police station da thungkhre…

Sumangda Mengang ga thengnaramba Teturamsana du emungda changaktuna macha bu thirakpada mathakta masam mana efa fana tinbong oduna anidu taraga leiramba du ubada khanglao laorak e….

“Kana kana lei eigi echasing keinoma toure….”

Mayam chenkhatnarak e…. Teturamsana du khudaktuda wanthaduna takhre….

Yaimaran du tasengnamak hek masaokhre…. Leisna ubada thei theiduna pangchatta chatli…. kouwi khumde ngangi tade…..

Leisna du themfam ama khangdre…..

Nahankhei adu thakke ada chagae haiba mayamdusu amta hairak te…..

Numidang du Thebo chak chamang da chaksang manakta leiba t.v du thagattuna yenglubani…. atei mayamsu ma ma thokpa tounari….

Thebo na khanglao laorak e….

“Ai ai keino sidi…. mayam Neeva ga Kebi ga du Fulan Devi na beitarani torban da thakhreye…. emaimai eikhoinaga gunda tourini kaina tourisidi aremba tarene sidi….”

Kanagi adaida leiramba nupa singdu grung hupchallak e… Chakthongbi singdusu chensillak e… Leisna su chakkhum da leirambadei chensillak e….

Paoda fajana yaore….

“Teturamsana gi machanupi Neeva amadi magi mamanabi ama hatlamle…. Hatliba meesaktu masana surrender toujakhre… maming Mengang kouwi hairi….”

Mayamdu maya karaduna yengnei….. murum murum sonnaduna kamai touri jatno kamai touri jatno loina hainare….

Thebo na amukka hanna kanna laorak e…..

“Kariro ngarang nahanta swaida foinarambani…. eibu mangla taibang la sibo….. ho dairan taribro nangbo….”

Thebo na kanna kanna laobadu Ibohal Yaimaran amadi Yaiskullakpa du tare….. Ibohal du Yaiskullakpa ga leibani…. khudakta Yaiskullakpagi kagi t.v du on touwi…. Ibohal amadi Yaiskullakpa mamit mana chap hek yungi….

Yaimaran su mapanda famlambadagi laoba makhondu tabada karino haiduna changak e…..

Mayamdu makhada chakkhum mayada khundinnaduna leibadu urak e…..

Thebo na ma ubada pakhatna amukka hairak e….

“Dairan aribi ani du linduleima na chikkhra malle”

Mayamdu haraoba khotpa amtta tounade…. paodu makhoida yam engak ngakkhre…..

Leisna na prap prap changsillakpadu ubada Yaimaran du khudakta mamai leiraga mathakta kakhatkhre….

Leisna du handakti ma oina saoningak ae…. hekta innei. Ka hek yourakpada Yaimaran gi makhut tu taap farak e……

“Karino sum sao leiridubo adumai na kanana saonagae…..”

Yaimaran khumde… mamittu atopa jaga amada yengi…..

Leisna-eina lalle hairedana…. mathangdei amuk hanna touraroi hairedana… fare saoba fanaba kei tou haibano hairak o….

Yaimaran khumdabida amuk chatke touwi….. Handakti Leisna na prap prap thatlaga Yaimaran bu chejet konsinkhre aduga tapna hairak e…..

“Ei lalleba…. saoranoba…. echana magi baba saohallena eingonda yam saorena …. saoranoba se….”

Hairaga Yaimaran gi makhut pairaga mabukta tapna thammi…. Yaimaran du fana mak saoramlasu adu youraklaba dudadi taptharak e…. aduga wa ngangak e….

“Ei ngasai kayam pakhatli nang khangbra…. ei thabak loinamak cancel touramlabani ayamba…. nang adumai tougano haiba…. ei leifam khangde wane…. eingonda taktana thabak touganu haiba….”

Leisna du Yaimaran gi matha da sor mapi ama hondoklaga wakhal potharak e…. aduga hairak e….

“Um touraroi ba….”

Yaimaran na mabu fana kuina chetna konlaga magi thamoibu ingthahallak e….. aduga konathangda yengduna hairak e…..

“Keino makhada ngangnahourise Neeva keidouwe haino….”

Leisna taha taha hairak e….

“Ou ….. Neeva do Mengang na hatle haiye…. mamanabi amasu sire hai… Kebi oiramdou malli….kamai touri jatno….”

Yaimaran du sor mapi ama hondoklaga hairak e….

“Afaba masel thenggainei haiduni….. farese adugi amuk khanluranu…. ei Neeva kanano masak khangde…. ”

Leisna na tapna hairak e….

“Eidi gyan ama eta tadreda tourise….”

Yaimaran-asi anagi wa yam khangano echa do makok chaklani…. atei lairi ngasaikhei saoringeidadi keim touramdabani …. keino houjik chak kanna lamkhatlak esina….

Leisna na Yaimaran gi mamaida nanlaga tapna hairak e….

“Chak ti ngaihak watkhini…. ei sanggom glass ahaoba ama semmakke….”

Yaimaran-hoi sat lak uko…. kuirakanu….

Leisna du hoi hairamlaga thokhre…. Yaimaran du Leisna thokhibaga tapna sofada famtharaklaga nungsasor mapi ama hondok e….

asoiba aranba ngakpigani 🙏

Leave a Comment

Your email address will not be published.