https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part-95

Meerangdo Leirangdo (95)

Neeva dusu Leisna gi wataduda ching laokhre.

“Hei petawa… tumit kumba nangna eigi ming ga setkatlak eduna warakpa oibagira ha….”

Leisna na noklaga hairak e…..

“Nongma nangna enak khullena muklaga nganglamba numittu ningsinglibra Neeva….. numittugi haikhibaduni eina …ei lairabi oirasu warak chetpini haina. Eikhoigi samajta nupi di yum pallabadi nupadu gi yenglaga minggou thagoubasi chatnabani…. hanna khanglamdrabasu ngasidagi khangjillu ebemma… kanade…. sigi wasi thamkhraga nang na sida hui angaobigum lao khonglarabagi maramdu haiyu tasi….”

Neeva-chatnarol khangbi ebemma oja… eina ngangnagae laklibasi nangonda natte … nanggi darkar leite….Yaimaran dani….

Leisna-nangna Yaimaran hairiba du eigidi epuroibani…. eiga maga amttani… eigi epuroibadu nangga chagat chagat ngaihak leitana onsinnagadaba natte….atopa meetop ki nupi angangga maram leitana wa ngangnagadaba natte. Nangna haigadouribadu eingonda haiyu….

Kebi na usittana hairak e…

“Esh yam yumburembiniko…”

Leisna na usittana adubu khonjel di nemna hairak e…..

“Mani mani… ei yumsigi yumbirembini…. nangdi khoubunaira….”

Kebi du ting pankhre…

“Ngarangta lamja sara oirambadu yam thuna kaowina…”

Leisna na noklaga hairak e…..

“Eigi ngaranggi punsida lairabidi oikhi adubu lamja sara di oikhide… madu noina yam munna khanglamgani. Hoine adubu noidi enak khulli peisa pai aduga ngasi nupi….. adusu leisabi… noina yumsida laklaga chatluba sajat asi yenglagadi lamja sara amanasu nakhoidagi henna fei Kebi. Maramdi lamja saradi maraibakna tamduna mama mapa pupang suna naokonbiba fangdrabasu afaba bharida lei…adubu noigi ahalsing dudi keidouduna leibagae? Macha pokthoklaga warak watemgani khangdribabo? Nangondagidi lamja sarana henna feine Kebi… yaningbra nattro ha eigi wase….”

Kebidu pran chakhre… Neeva na pisum suklaga cheihatlak e….

“Hei yare napchobi nawadu kouthorak u”

Leisna du saogadra khanbani adubu awabagi nungsasor ama honlaga hairak e….

“Ebemma nangsibu liridi amuktoiba nangbu kanagi singlikhei sida palli sida palli loina chongthokle. Matongkhei loina lisinkhraga namitka naya gata ngaisillak le. Mee khwai leisabidi liradi yam singi hainei… sakki nattrasu yumbanlondadi mamut tai hainei. Adubu noigumba sina kamai tourijatno. Lira liraga ngaokhatlak esina… khonggun mengun ama eta tade Neeva nang. Ei mangaire haina hek chatladana. Nagun naramchatti higok hek thokladana…”

Yaimaran du thokke tourambadagi Thebo na khamduna famthakhre. Tanjaduda Neeva na laorak e…

“Hai Yaimaran noi napaduna eina ma hatke touwe na haiyeye… wa chamthoknasi lao…”

Leisna du handakti saorakle….

“Hey hey laoganu… hatkebu hatke touwi haibani aduda nangna saoridu keigino”

Neeba ga Kebi gadu angam arai khangdana Leisna da chongsillak e…. kumhei yengduna marumda leiramba Panthoi , Leirik ateising dusu hekta changsilli.

Panthoina laorak e….

“Hai hai changsillakanu…. enaobemma da sokpada nakhut tu thudekkadamni meehatpi ekaidabi”

Si hairaga fat fat changsillaktuna Neeva ga Kebi gagi mamaida khupakna set set thajinduna hairak e…

“Khangbra waraktabi sa…. nang peisa yam paibra… mee nekpa yam ngambra ha…”

Anidusu hande. Leisabi ni haibagi ekaiba machet amtta yaodana yam lemjadaba maongda makhut hallaktuna chakthongbi mariduga sini nani khangdana fudatnarakle.

Neeva na purakliba nupa mayam dudagi amakhakna changsingae tourubada khanghoudana Yaimaran gi security pakhang masa fabaduna mamai da khangkao kaobada longna nahi taraga haithakhre…. Tanjadu yaraktre khangladuna manungda ngasaidei leiramba chang chang laoba sanggu singdu grung hupchillak e…

Thebo na hekta khanghai khangjinda laorak e…

“Dairan eteima pusinkho…. eteima nang changkhro… sidi Thebo gi heinabini eteimana heinararoi. Dairan police taga call tounu… ei touning touningba khita touhoukhigae”

Adu khaktani Thebo na hairamba… adudei paisinkhraga ahanba changsillakpa nupa du hekta totpa houkhre….

Neeva gi atei mising du di changsindre maramdi maduda makhoi yaorubada makhoigi chenfam leiraroi haiba masa masa khangle.

Mayam maraktudei amana kanararoi khanduna khamlak e….

“Ngaikho amukta ngaibikho…. eikhoidi chumna Neeva na thabak ama chatludi haibaduda lakpani… funaribasi amukta khambiyu mayam. Sinaba tare tourisi”

Amana amuk hairak e…

“Tada amukta khambiyu… siba tare nupi anisiga nupa siga…”

Ibohal na nokmi nokmi touraga Neeva tanaba laorak e….

“Khara marei mulhankhigae tounine…. mee masak khangda ba soinao singse… para watli khanghangae touni.”

Neeva du funa funana Ibohal da mamit khana yengak e. Kanagi masam mana ga pungfa hek fare…. Leisna di yengba ngamdraduna tung onthoklakpada Yaimaran du laibak pairaga namduna leirammi…..

Ibohal na onthokpa angangni khallaga hairak e….

“Hai Thebo yare yare… khara furadi thadokhro”

Mujao chaoba Thebo du nupa du pak thadokte. Neeva da magi ee kaba du nupa duda oina tainarak e. Adumaktada Neeva na Panthoida khudombi singduna hairak e….

“Nanggumba na eibu fubadi…. nang khangni… chudatnabi nang siba tabani”

Panthoina thousadana khumlak e….

“Taningde chatluhe aada… nanggumbasidi eina tararak pokpa yaribani. Napagi nabungo amaga nabemma amaga Panthoi kanbinaba echao chaona lei haibasi khangjillu…. peisa paibi enak khunbi nang sorat ka yenakha thangnare haidu khangjouhe nang…. nanggumbana ei leiri ngeida enaobemma tamnaga changsillakladana… ngarangdeini Panthoi eina nangbu amuktang totpa fanghanbiyuna lai khoiramlak esi…. eshwor leite haiba yapote nong nganbaga pibire se…”

Kanararoi khanduna security singduna makhoi gi kangbu du hoidorak e…

“Chatlu chatlu thokhro…. noi thokhro sat”

Tanthokhre…. Neeva na adumaktada hairak e….

“Nawasu loubide eina…. nawa loudehe Leisna… ngasigidi ei chatle. ”

Thebo du nupiga onsinnaroi khanbani adubu ching ching laoraduna khanghai hairak e…

“Hai yare chatlo khumu thokpi noini. Wangma lanba haibadu hek lanlak le noi. Nungsida onthokna… nasam nana efa fa…. kayada ngaorabanodo….”

Neeva-hey murang langba ngaotrang feidrangba nang khumak u haide… eina nang usitpigadaba natte….

Thebo-um murang langba eina nakhouriduda netladi ngourok ngoubi nang narei tingthokni ngasi….

Leisna na amuk onthoraktuna Thebo bu khamlak e….

“Thebo onsinnarurani…. nupi ga nupaga onsinnagadaba natte. Kanade samaj ki ekai khumnaba mangnabani. Chatkhrasanu tokasi….”

Mamou gi waheidu tabada ngasaidagi mathaktagi kumhei yengliba Yaiskullakpa du houjiktada momon noklak e…..

Leisna du amuk onsillak e…. Yaimaran du hannagi maong duda adum leirammi…. Leisna na prap prap changsillaklaga Yaimaran gi makhut tu taap pairaga chinglaga kada pusinkhre……

Ka yourakpada Yaimaran na hairak e….

“Ngasisi thabak aruba ama ani leibani….. ayuk sida penlabani…. houjik court ta chatkadabani… daoga amta yadou mandre…”

Leisna na mapuroibabu themduna hairak e….

“Keidoubei dao yaroidoino…. eina ngasaina nong hek nganbaga sir gi damak eshwor da thounajakhrabani…. adubu watli matam chana chatpa haiduni… houjik nganli…. fattaba mee moina fattraga eikhoina matha sum saraga leiba ngampote. Amagi mathangda ama…. lao namai dum facial touthokpigae….”

Yaimaran du noklak e…. Leisna gi makhuttu pairaga hairak e…..

“Eigi nupi se sum sum singgatlaklise kamai tourino…”

Leisna du ekairaduna Yaimaran na ngangludu tasinnadana hairak e….

“Lak ose eru maithajaraga mayam chak esing fajana chaminnakhigadouni. Aduga lai tin khoiramlaga nanggi nanggi charnabadu chatnanaba… lak omi…”

Yaimaran na noklaga karan tarak e….

“Chingo se hanubi….”

Leisna na wa ngangdana Yaimaran gi makhuttu taap pairaga chinglaga pukhre….

asoiba aranba ngakpigani 🙏

Leave a Comment

Your email address will not be published.