https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part-84

Meerangdo Leirangdo (84)

Yaiskullakpa gi thamoi du mamou dugi paokhum tabada amukka henna kaire. Adubu mahak handakti wa ngangkhidre. Tumin leikhre.

Chakkhum panabi nupi mayam leplibadudagi ngangnarakpadu tai….

“Emaipemma emaipemma….. onthoknabu ngamkhrene angang eoi oina. Masasu mirollibani adubu makubok si hatlaga mabu mee oikhidra….? Machadubu poklakpada jugot chakhigadraba… huida dolai tongu haidana thanggatlaga amangba uraga chongthei haidu touriye. ”

Wadu mayam pumba tare…. madu Mengang gi khonjel ni. Amuksu hanna Mengang na haibadu mayamna tai.

“Louba matamta taibungo di yamna yajadabani. Lairaba pidat padatpa emunggi ningol ni maong taroi jugot charoi haidana. Houjikti taibungo gi khayatta pop hek taredana. Maramchat sigi hairabadi tanthokhigadoubani.”

Yaimaran du wa amtta khumde tuminna adum lukthaduna lei. Adubu meeyamgi waheidu taraga aroiba oina yam tapthana hanglak e…..

“Adudi hoo si nangna baba bu…..”

Leisna na sat wakatlak e….

“Adudi ei khangjade. Sanggom semmaga purak e sitani eina haijakhibadu… adubu hoo du karamna yaoramlibano haibadumadi ei di khangjadre… eidi hapte….”

Yaimaran du sor mapi ama khanghon hondok e…. magi thamoi ingtharak e.. Yaiskullakpa di wa ngangde.

Adubu nupi singdugi maraktagi amuk hairak e…..

“Ash…wasi taba yadreda…. mana semmi hairi sanggom du.. purakpasu mana…. adudi hoo du mana haptrabadi lai laklaga hapladro”

Amana amuk khumlak e….

“Hoine…”

Ahanbei khonjel duna Mengang gini…. anisubei duna Ebemma gini…

Angaoba maching leiba Thebo di wadu tana yaraktre… maching haigatlakle… magi khangba ngambagi shakti loikhre…. direct hekta hairak e….

“Tumin leiyuhe chinthibi sa… farabasu fattrabasu nathibong thakliba nupinine mase. Hei Mengang haibi yakoppi… Sita sangbi sakta tabi… madam na lairabi oiradi nangdi enakkhunbiro… nabemma sina nattra nang nahanmuk nachanupi luhongbada lising 50 nanggi haorek kaba manam chenba fijiduna lonna kibibado… emitsina tarang tarang uhouribani… kei kandabada”

Boicha na khamlak e….

“Ngaikhoda nangbo… ngaihakta tuminna leiyuda”

Thebo-keidou tumin leidoino… eina hairisi chummabani. Lising 2 chapi 25 ni emitsida tarang tarang uhouribani… usannada sabibei wani.

Boicha-hoimi ado tumin leiro haiba…

Thebo-suklei leiroi…. madam sina dairan dagi lon lonna louraga moigi mateng pangli … aduga warem ngangladana…ei keidou khangdani khangsinnada sabei wani…. taiban na pannabana dairan ni… eidi chakhumdagi houraklaga loinamakkini. Eidine noi mayam changdana namma chak e hairasu madam na pabunggi thaknabada hoo hapamni haibasumadi ne mapok sidi lairadana mapok taret taret lakta nawa amta loujade… JCB gi wadi khangdre….

JCB yourakpadudadi Ibohal na pakhatladuna khamlak e….

“Hai Thebo yareda”

Thebo du khamlibagi matik maching hengatlak e…. hekta hairak e….

“Yaojaroi noi swai gi mathong khangdaba family drama daga ei… chatlani taiban. Adubu eidi haibiramlisini madam bu chamada chama thajei. Fabounga amafaoba hatpa ngamdana maklak nikpa nupimacha sina kamaina….. ei chatle… suklei leiroi noi sidaga…..”

Saobana finggatpa henmandana Thebo du thokhre…. Boicha na tanakhre….Leisna su wa lang amtta nganglamdana tapna thokhre…..

Ibohal na tapna hairak e….

“Noi loina nathou toururo yare”

Mayam loina thokhre… Yaimaran du wa amtta ngangde… Leisna thokhiba adusu mahak yengde. Yaimaran mapagi manakta changsillaklaga mapabu manunggi kada pusinkhre… Aduga flask tagi esing heiraga masamakna mapagi sanggom sembire… tapna hairak e…

“Sanggom yonbadu naba fare laklani hairaklabani”

Asi hairaga mapabu guli pijare. Esing pithakle… aduga machin makha du teithokpire…. aduga tapna hairak e….

“Keisumta khallunuse… ei leirisidi…. toubatabu abem na touwi khallagasu hathu hathunadi thabak tougumsi. Achumba adudi sengna khangnaba hotnasi. Adubu babadi lousing leibani… wahang amtta hangjagae”

Mapana macha da yenglak e… Yaimaran na luktharaga hangak e…

“Babagi achum arangi wakhalda thabak si abem na touramgani haiba thajabibra….”

Yaiskullakpa du machadagi mityeng leithokhraga ahangbada yenglak e…. Yaimaran na amukka hanjinna hangak e….

“Haibiyu baba… aruba tangkak tadi babagi warep na nachagi aroiba oi haiba baba su khangbiriba duni… achumba warep tu eingonda takpiyu. Abem na thabak si touba ngamgani haibasibu baba na thajabibra….”

Yaiskullakpa du yam munna khallaga khumlak e….

“Ma maknadi thabak si tougani haiba ei thajafatte adubu pumnamak eikhoi mayam gi mitmangda thokpa oibana….”

Mapagi paokhum tabada Yaimaran momon noklak e…. aduga yam tapna hairak e….

“Pothabiro baba… babagi pukning pennabagi damak nachana achumbadu thidokkani… maran leiramba misak tusu dandi soidana fanggani…. madu namouna touramba oirasu mahakpusu eina ngakpiroi…. nacha leiri baba… nachana pumnamak fanaba singani…”

Si hairamlaga Yaimaran thokhre…

Yaimaran na houjik khwaidagi henna thamoi kairibasi Dollar gini. Ateidi taibang mee oibana mana mana ngamnaba ngangnakhre. ADUBU MAROL THOKCHADABA JIBA SIDI MAGI EMUNGDA AKI AKHANG LEITANA LEIJABANI. MAYAMNA LUNA TOUBI AMADI MAGI ASENGBA MAPU GI MAYUMNI KHANJADUNA HARAO TAYAMNA HAINA HUMNA LEIJABANI. Leisna na hek lakpadagi makhoi anibu onthokna luna toujabani. Mahakna chak chadringeida faoba makhoi anisigi hanna pijabani. Numit chuppa maga leiminnabani.

Ngasi Dollar na leikhidaba asida amukfaoba manakta changsinduna nanba fangkhidrabi magi Abem da faoramgadaba cheina du Yaimaran na khangi……

Tanjaduda Asok laktuna hairare….

“Dairan leikol gi maningthangbada kom touramle…. Dollar si…..”

Yaimaran na thatlak e…..

“Ngaikho Asok.. nateimagi manakta amukta hanna pubirucho…. aduga magi manakta thamlamlaga nang thoklak u… adugi matung puraga kom duda thamlammu… ei laktrifao fumlamganu”

Asok-hoi dairan….

Hairaga Asok tu Leisna gi manakta Dollar bu puraga chatkhre… Leisna du yumgi mataida ahangba mafam ama leibaduda matomta ungduna tasillaga famduna leirammi. Asok na Dollar bu Leisna gi manakta thamduna hairak e…..

“Madam Dollar si fumluragae….”

Hairamlaga Asok tu chatkhre….

Ngasaidagi funggattuna leiruraba Leisnagi pee houjiktada chentharakle. Asuk ekaiba…thawai sokpa… pendaba pumbana punsinba mitkup asi punsida lakkani haiba mahak khanlude…. khanludabana maiyoknanabagi thounasu sem sahoude… Kamdouna toukhribano haibasi khallubada angang oiribi magi makok puba ngamlaktre… Dollar uraga magi thamoi amukka henna wakhre.

Leisna mamittagi mapi leppa leitana sintharaga Dollar bu hanjin hanjinna nallak e…. Houjiktada mana magi balcony da famlingei magi makhong mayada kunduna famlambani…. Yaimaran na mabu thillamlaga mana emung changlakpada makhoi animak yam haraojana magi tung innarakhibani…. Mana makuebungo gi hidak pijarugae haina chatpada magi matung animak innarakhibani….. aduga mana sanggom semlingei maku gi manakta Dollar changkhibani… houjik faoba masadu fong fong sari….

Leisna wa lang amtta ngangde…. supnatagi Dollar gi makokta hanjin hanjin nanlaga kapli…

Yaimaran na manakta changsinduna leplarabada Leisna du mapee tana tana Yaimaran da yengak e….. aduga hiklaba khonjel da hairak e….

“Si kamaina tourino? Sanggom du eina upudagi louthoklaga sembani…. ebanina ngasai ayuk emagi manakta chatlamdaida thakpa duga amttani. Esing su upu da yaoba flask tudagini… glass tusuni…. upudusu sho lonlaga thambani. Si kamainano ei ngaore….”

Yaimaran na magi nupibu magi thouraba mityengna yengak e….

“Magi eting tingbi Leisna duni. Angang oiribi louthup loukoi leitabiduni. Mana nganglibadu kadaidasu lounambagi mami amatta uba fangde…”

Magi matoudu uraga Yaimaran gi thamoi du henna sokkhre….

Asokpu kourak e….

“Asok”

Asok tu chensillaktuna Dollar bu puthoklaga thokhre..

Yaimaran na Leisnagi manakta changsillaga tapna hairak e…..

“Ei Dollar bu amukta fumlugae…..”

Leisna khumde…. Yaimaran magi Leisna bu amuktang yenglamlaga mafamdudagi thokhre…..

Dollar bu kom duda thamlaba matung Yaimaran na hairak e….

“Thumdi kadaino”

Boicha na thum sing adu Dollar gi mathakta chaire aduga leibak tu mathang mathang khotchinkhre…

Thabak tu loiraba matung Yaimarangi maklaba maithong aduda nungsasor mapi ama honlak e. Adugi matung mahak mafamdudagi chumdring laklaga eru lujare.

Eru maithajaba loiraga thoklakpada Leisna du ngasaigi mafamduda famduna adum leibadu ure…. Yaimaran na changsillubada houjikfaoba Leisna du kaptuna leirammi…

Yaimaran na changsillaktuna Leisna gi makhut pairak e…. Leisna du heinadre…. Mahak emunggi mee pumnamakki mamangda yamna heinadre yamna ekaire…. maru oina Yaimaran da khwaidagi henna ekaire….

Yaimaran-lak o…. ei yam chokthare…. thaknaba amatta semmu lak o….

Thaknaba semmu lak o haibadutana henna Leisna da yam thina heinadre… Kanararoi khanladuna Yaimaran na Leisna bu konduna pamkhatlaga purak e…

Leisna bu famungda tapna thamlaga Yaimaran na kagi thongdu chetna lonkhre…. mobile animak off thamjinkhre…. aduga ORS ama louthoklaga machinda chuptuna Leisna gi tampakta tapna hiptharak le…. aduga tapna hairak e….

“Ei wa hanggae houbadagi loibafao mayek sengna amtta chithadana khummuko…”

Leisna-um…

asoiba aranba ngakpigani 🙏

Leave a Comment

Your email address will not be published.