https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part-76

Meerangdo Leirangdo (76)

Hainabagi matung inna Leisna ga Yaimaran gagi luhongbagi matam youre….

Yaiskullakpana nupimayum bu khara noppi haiduna achao aram kaduna sel thum fanayamna pinaba hotnei adubu Sanareina siki louroi haiduna yadre…. supnatagi nupa mayum lomna toufam thokpaduta toubiraknaba hairammi…..

Luhongba adu Yaiskullakpana amuktoiba heithaba yaba heitharammi….. macha naitom pokpaga oire awatpa amtta leihallamde…. adumak oidunasu mou asibudi mahakna houjiksu adum khoidaramde.

Leisnadi angang ga oire haifam toufam ama khangdaba haibadu oire….. ekaiba… pakhatpa… kiba… gyan tadaba … tarang chatpa mayamsi loina hek punlare magi makoksida….

Asumna Leisna du Yaimaran da ngasidi luhongle…. loiraba matung Yaimaran gi mayumda thillakle…

Leiramliba ahal laman singduna mabu uraga mu muna yengduna chiron tounei….. Leisna na madu loina urammi….

Yaimaran gi mapa ga pokminnaba makhura matonsing gi masu sing haibadi Yaimaran gi mayamba singgi machanupi singdusu luhongba adu yaorammi…. Adubu makhoi singdu Leisna ga loina lengga oirammi…. Mayamdu lonna lonnasu nok e…. adudagi Leisna dasu amukmuk laknei….

Amana laknarak e…..

“Endomcha khoi kakana fariro endomcha se…. nattradi saksu adukyam fajaba aduga eiga su emanabi oiba yariba… aduga eikhoi kaka hanubasida kamai leirak eno”

Amana amuk thatlak e….

“Ae eikhoi kaka peisa asukyam pairisidi…. houjikki matamdabu sel pairadi yare keino…. ei oiradi enak pu khulladi atonbi oirasu oini…”

Amana amuk noklaga khumlak e….

“Awoina peisa da loi leire houjikti thabak pumnamak”

Leisna du khumfam chafam khangdabana tingak tingak adum lei… Enak keirak khunbagi macha masu oibagi nupimacha singdusu wa ngangbada faja fajadaba amta khangde. Meena kari khankhini khalloi amatta khande…. Ngangning ngangningba pangang ngangi… meena ekaini ekairoiga amta khangde…. Leisna di masagi kharaga tapchare angang ga oire khumfam chafam amta khangdre…. aduna tuminna adum leire… Adubu wangang singdu mahak tabada kharadi saoningle…

Khara thengjillaklabada mayamdu loi thokhre… Leisna du mathanta sor hondokchei…. aduga famlambadagi hougatlak e….. ka du koiyeng yengak e…. Ahanba ga oire adugi mathakta mana ukhraba mana khangba pot amtta kaduda leite…. masadu gyan men ama sukta tadre….

Ngaihak lepptuna ungduna koiyeng yengi…. Yaimaran du thongdu tapna hangdoklaga changak e….

Leisna na leptuna koiyeng yengaga leptuna leibadu ubaga nokfet touwi….. Thong lonbagi makhol tabada Leisna du onthorak e…..

Yaimaran di luhongbagi numit oibanina hanurasu hanuna ekairap touwi… adubu Leisna gi maithong dadi ekaibagi mami su tade…. karimta gi mami tade…

Yaimaran na tapna changsillaga hanglak e…..

“Keidouragae”

Leisna na fat hairak e…..

“Ei keidoudoino …”

Yaimaran du khangprek khangi….

“Ae keibo”

Leisna du makhut masa du thanggatlak e…. aduga suktoklaga hairak e…

“Ei kok ngaore…. tu khuji se keino …. sidradi yadabro… ei siningdiye khut lummi…. aduga yengo naada yalliba sana se keino ei kok chikae si yanbada… aduga lik se keino…. si amta sidradi yadabro….. luhongadi sumai tounabro… eidi sidi ngammoiye”

Yaimaran du mana sou sou ga laorakpaduda ahanba oibanina ngaksu ngakle nokningak e….. adubu nungsibanasu ngaore….

Magi nungsiba pumba ngasidi Leisna da loina utlagae khallak e…. Leisna gi makhut tu tapna paiduna chinglaga famungda famthahalli… aduga tapna hairak e…..

“Kanana sijallammino”

Leisna houjik su adum suktoklaga khumlak e….

” khangdiye masak…. ngasai sir gi ema sakhibado adunane….”

Yaimaran noklak e….

“Um adu taiban gi ema ni… eigina emabok ni…..”

Leisna-sir hoigi emungsi eidi mee leitabra khanbani yam yamba malli….

Yaimaran-um yammi…. tonganna hongdoklaga leinakhibagini…. babagi machin manao nupa 3 ni nupi 3 ga… eigi baba na nupada Yaima ni….

Leisna du tuminna lei…

Yaimaran na makha tarak e…

“Nangna comfortable oigadaba maongda adum leiyo… si mayamsi toudrasu yaiye…”

Hairaga Leisna gi makhut paiduna khuji singdu louthokpirak e…

Leisna na Yaiamaran na touridu yeng yengna hairak e….

“Eibu sir gi maran mathum yenglaga lakhibrane….”

Yaimaran-aduna amuk kadaidagi warino….

Leisna-sir gi echanupi singduna wari sanariba…..

Yaimaran du nokthorak e…. mana nokpadu uraga Leisna na suktorak e…..

Yaimaran-karino ngasi suktoktanada leirisibo…. meena ngangba wabu keino…. nangbu makhoiga leigadabro…

Leisna-adu oirasu yade…. adumaina meengonda hekta haiba yabro…. moi kaka hanubasina koitan tannabiraga koibiraga….

Yaimaran-eh eh mase hekta haine….

Leisna-chumbu chumdro….

Yaimaran-heima keino masi ngasi machin asam kallisina….

Makhutna Leisna gi khadangda pairaga mamaidu hut hut lei….aduga hairak e….

“Sibu eigi nupi durane…..”

Leisna na makhuttu fat kanthatlak e…..

“Karemnarakkanu sir….”

Yaimaran-oho houjikfao SIR….

Leisna du mangonda yengi….

Yaimaran na makha tarak e….

“Houjikti hongdoklodana minggoudo”

Leisna-keigi hongdoiba….

Yaimaran-ae luhongafao sir kouradi kamai toudoiba….

Leisna-keidourunegae adum kouni…

Yaimaran-henmandro abem adudi…

Leisna mana nganglidu khumde…. Yaimaran da matung thok onsillaga famlaga khudombiduna mangaktagi lik tuda thillaga hairak e….

“Si yam yure amta louthok piyo….”

Yaimaran du wa ngangdabida liktu tapna louthokpirak e…… aduga khanghoudana Leisna bu tungdagi khongkon kollak e….

Leisna du handokke touwi adubu nanghoudre…

Yaimaran na magi mangaktu Leisna gi lengjum da thamlaga momon noktuna hairak e…..

“Eina kei haigae nangonda…. nangna saobasi yam romantic oi haiba nattro…. sum suktoklaga leiradi ei ngaoroidro”

Leisna-sir yam taningde ei….

Yaimaran-hmmm amukkasu sir….

Leisna-ei tummagae hayeng nganta hougatlu hairammi….

Yaimaran-kanana…

Leisna-sir gi emabokna….

Hairaga Leisna du hougatkhre aduga lik khuji sanadu loi thamlure…

Yaimaran du momon noklaga pisum anidu suk e….. aduga mathanta solli….

“Karino tourisibo…. ma thokpama tou lei wani masibo…”

Leisna du amuk famungda kakhatlak e…. aduga hiptharak e….. Yaimaran du mana touridu sum yengi….. Adagi masu Leisna gi nakanda hiptharak e…..

Yaimaran-keino asuk kuina loinarakpasi ngasi gi sumaina touba amukta yaokhidri…. keidouragae nangbo….

Leisna khumde…. Tasengna hairagadi mahak mathwai yam nungaitrabani…. ngasaidagi mana yumsida ahanba khong thangjillakpadagi yumdugi ahal laman amadi angang mayam dugi achaoram kaba wangang mayam amadi taba yadaba wahei wata mayamduda mahak tasengna thamoi da nungaitaba faokhre….

Yaimaran na amukkasu hanglak e….

“Abem keidouragae nangbo….”

Leisna du mapi era chellaga Yaimaran da onsillak e….. aduga wa lang amtta ngangdana Yaimaran da tapna konsillaklaga mamit uisinkhre….

Yaimaran Leisna karinoma toure haiba khangle….. mahaksu tapna Leisna bu konsinbirak e……

Yaimaran-kanana kei hairakagae.. eingonda tammu….

Leisna mana nganglidu khumdana tapna khumlak e….

“Ei yum ningdinge sir…. ema uningi….”

Hairaga kapthorak le……

Yaimaran du magi matoududa tu chungkhre…. chetna konsinbirak e….. aduga themlak e…

“Angang ama anina pangang nganglaga nangna wa oina louri keigino…… pangkhredako nangse….”

Leisna du tuminna lei…. adubu nupi leisabi singdugi wa thoina natte…. ahal laman singduna khara usit thaoidabagi maong ama mangonda touramba mayamdu adu khallubada mahak mathwai nungaitabani…..

Yaimaran su wa ngangba matang chadre khanduna Leisna bu amuktang maraibakta chuppiraga mapi du teithokpiraga chetna konbiraga nanbirak e….. Aduga tapna hairak e….

“Fare se tumthok o se….. ”

Leisna handaksu adum khumde adubu mamit ti uisinkhre…. Yaimaran su mahakpu ngaihak yenglamlaga sor mapi ama hondoklaga tapna mamit uisinkhre….

asoiba aranba ngakpigani 🙏

Leave a Comment

Your email address will not be published.