Meerangdo Leirangdo Part 62

Meerangdo Leirangdo (62)

Ibohal na tapna hairak e….

“Ebemma …. noi angang macha amatta natte… noi loina vaap tanaraba ngaktani…. ahal lamangi wa oiragadi…… ebemmagi emana ebemmana themgadabani… aduga magi mapana mana themgadabani… maramdi ningol mawa ama oibada sir noptaba meeni… aduga yumgi mou ama oibada ebemmasu noploi haiba eina chap chana khangi…. ”

Leisna na etap tapna echam chamna khumlak e…..

“Sir….. eingonda wari sabadi lairadana hanna faoba yengdrakansida”

Ibohal na noklaga hairak e….

“Pangidako ebemma….. saoganbani saoribani haiduna tourise nangna call ama toubada soidana saoba fagani…. madumasu ebemmana fajana khangjillu…. ado fare ei ngairamlani thokhragae….. kannade angang macha douna tougani… echadi vaap tabini haina eina khallibani….. nasagi naral nasana sennagadabani….. nakhoi animak lande…. adubu lanna khannabana maram oiraga relation ama hekta thadatpa haibasi matha yaodaba gumbani…. sir na saodana kayam kuina saogani…. ebemmana amuk thembada yaradouni…..”

Leisna du Ibohal da yengi… Ibohal na momon noklaga thokhre….

Numittu thabak sing loiduna mayumda hallaklaga Yaimaran du masa mawu fresh oithoklaga File chabun ama puduna magi kadagi thoklak e…..

Mana thoklakpadu Ibohal su ui…. Yaimaran du chumdring mapaebungo gi manakta changkhibadusu Ibohal na uhoure….

Yaimran du mapagi manakta changsillak e… Yaiskullakpadu macha bu ubada ngakna yenglak e….

“Epagi thoi kari leire….”

Yaimaran nokpa khotpagi mami amta tade…. chamna adum hairak e….

“Baba ….. Ningthibi si houjik sennanaba mee amta leitre… Leisnabu su babana pamde haiduna tokhre… kana hapsi haibano head si….”

Yaiskullakpana khumlak e….

“Adugibu karigi waribano…hanna gi oiba Kokil du adum happudana….”

Yaimaran du mapana madu hek hairakpaga file singdu mapagi famungda thamlak e…. aduga hairak e…..

“Baba file mayamsidagi anikhaktang ei loukhatcharakke…. aduga arembaduna konna babana yengninglakanda yengbiro….”

Yaiskullakpadu macha da yenglak e….

Yaimaran na file singdudagi ani khangatlak e….. aduga mapada piraga hairak e…..

“Se baba si yengbiyu… anisigi khetnaba yengbiyu”

Yaiskullakpana louduna yengi…. Yaimaran su mapana file du yengba loidriba faoba ngaiduna lei…. Yaiskullalpana yengbada file anidu adukki matik khetnare….. hairak e….

“Hai keino thoi…. anidigi hisab sibu… keino amana mayek amasu eseng sengna takte… lakliba income sisu karino yam khetnaribasibo… ”

Yaimaran na hairak e….

“Baba keidouragae”

Yaiskullakpana cheirak e….

“Keinone keidouragae haibo…. anisibu asukyam khetnarisibu…natte income anisibu karino…. lising 5 gi mayada khetnaribasibo…”

Yaimaran na matang chana hairak e……

“Aduni baba thajaba yaba mee haibamaga thajaba yadaba mee haibamaga khaidoraklibasi….”

Yaiskullakpa du machagi chanadraba paokhum duda amukka hanglak e….

“Karinone nangna nganglibadubo…..”

Yaimaran na khumlak e….

“Baba nongmada lising 5 gi maya chennaba haibasi tha amadadi kayano…..”

Yaiskullakpa-adunine eina nangonda hairise…. sumaina touradi kadaida chaokhatkadoinone … loina manglanine sidi…

Yaimaran na marou leina khumlak e…

“Mayek sengdribaduna Kokil gi ni aduga amaduna Leisna gini… Amana Kokil gi khwaidagi fajana pikhatlakpa hisab ki file ni aduga amana Leisna gi khwaidagi nopna pikhatlakpa hisab ki file ni….. ”

Yaiskullakpadu macha nupabu munna yenglak e….. mahak magi machana haininglibadu vaap tarak e….

Yaimaran na amukkasu makha tarak e….

“Sel haibasidi tallaga fangbani… adubu esagi oiba thajaba yaba mee haibasidi laibak ta tangna thengnabani…. meira chuduna thirabasu fangloi…… sel kaya piduna thirabasu fangloi…..”

Yaiskullakpa du khumfam khangdre ….. Yaimaran na tapna hougatlaga hairak e….

“Atei singdu su loina yengbiyu….. aduga amana baba meeoiba khuding heina poklakpa natte takpi tambiraga heibani haiduna nachana haijakhibadusu amuktang khantabiyu amukka hanna”

Yaimaran du madu hairamlaga thokhre….. Yaiskullakpa du macha na hairamlibadu vaap tai….. mana hairamlibasi Leisna takpirabadi loina heigani haibani…. madu touramliba magi thabak singduna sakhini hairamlibani….

Macha hek thokhibaga Yaiskullakpadu sor mapi ama mathanta hondorak e….

Yaimaran kadudagi thoklakpaga Ibohal bu kourak e …

“Taiban amukta lakpiyu…”

Ibohal-hoi hoi fani sir….

Ibohal su innaduna lak le…. Anidu famtharak e…. Yaimaran na hairak e….

“Taiban eikhoisu microfinance amta lingkhatsidana …. houjikan yam tounarise….”

Ibohal na ngakna yenglak e…. Yaimaran na nokfet touraga hairak e….

“Keisu kaide nattro….”

Ibohal -keisu budi kaide…. adubu karibu kanagani sir… thabak atei mayamsifaoba panaba ngamdrakansida….

Yaimaran-atei panari sumaina adusu adum panaraga loire keino…

Ibohal du vaap men ama tadre…. adubu Yaimaran na thaoinamak hek hairaklabadudadu yararoi khanduna khumlak e….

“Fare sir… kamdougadabano haibadu eingonda hekta takpiyu…”

Yaimaran du mamangda leiriba pen du paikhatlaga leiduna sanaraga hairak e…..

“Bobo gi microfinance leibaduga hek thangnana anyhow touraga mafam ama leigaera bandhan da ngangnagaera peisa double pigaera triple pigaera touraga loubiro…”

Ibohal du mamit mana chap yungna yengak e….

Yaimaran na makha tarak e….

“Hayengmak ngangnagadabani…. in any case ta mafam du fangnaba hotnagadabani…. sel heijllu…. aduga mafamduda eigi microfinance ama hangu… mingdi taiban gi mingdara keino pallo hekta…. aduga interest tu Bobo gi microfinance tuda louriba adudagi saruk ahum thokpagi ani tathokaga piyu…”

Ibohal na hairak e….

“Karino sir …. thabak haisi profit yenglaga tougadouni… sir gi sina karino eibu vaap ama…..”

Yaimaran du famlambadagi hougatlaga hairak e…..

“Matangsida eigi profit leibagini adunani…. taiban hayengmak thabak houbiyu….”

Si hairamlaga thouwa sadana hui khonglaga balcony da thokhre…..

Ibohal du gyan mamduna leihoure……

Nungdang chak esing toklaba matungda Yaimaran du tumba yadaduna movie ama kaptuna famungda hiplaga sum yengli….. Tanjaduda magi mobile du ring lak e……

“Kanano amuk thenglakansida. ”

Yenglubada Leisna gi oirammi…. Yaimaran du khangprek khangi…. Adubu kadomdagi wakhalno khangde mobile du mamai upsallaga thamkhre aduga mathanta sollak e….

“Eina keidoubagi magi call paidoino…. sukpai pairoi …… ”

Leisna du somda ahanba toubada pairaktabaduda mathanta solli….

“Esh paidene aya…. hanubase houwine eingonda…. adudi eisu paidrifao touni….”

Amukkasu tousalli … Yaimaran du amuk lakpaduda yengi…..mathanta solli…..

“Ahumlak tourakanda paini…. mana hek tourakpaga eina hekta paigadro…. ”

Amuksu pairaktabaduna Leisna du khoidou saogatle…… amukka touwi….

Yaimaran du paisira khalli…. adubu amukka su khallak e….

“Handak mukka amuk tourakadi paibiragae ….”

Leisna du somda ee sum kakhatlak e…..

“Asukyam sak kakpa….. chahi na aa youraga mana eingondaga sak kak ene… 😡”

Handak marirak suba oina amukka touwi….. Ringdu manga taruk lak chatlabani…. Yaimaran na paikhatke hek toubaga somda Leisna na fat kakthatli…..

“Yam pongbiga touradana …. suktou touroi matungda….. mana eingonda saoribu karigino…. maram su chade… eina mangonda saodouda mana eingondaga saoradana…..”

Yaimaran du mana paigae toubaga khakkhibaduda amukka henna chakkhre…..

Mobile du famung nakanda langsinkhraga film du yenglak e… adubu yengfam chafam ama khangdre….. ngasaina paikhatlamlabasu fadouni khallak e…..

Film dusu loithokhre……. Adubu tumthaba sukya yadre. . Mathanta leifam chafam ama khanglaktre….. khangba yaba khanglaba matung leiba yaraktraduna pung yengi….. pung 1 taramdoure…… Yaimaran du mobile tu taap paikhatlaga Leisna da calm touwi…… Adubu yam ngakna ahanba ringda Leisna na paikhatlak e…..

“Hello…”

Yaimaran na esou langlak e…..

“Keidoubei call chagat chagat tourak eno”

Leisna-aeh ….. call na ngasai pung 9 da touraga sir na pung 1 da reaction fudorak esina karigi…..

Yaimaran na saona hairak e…..

“Pung 1 oigaera 2 oigaera adu nangna panagadaba natte …. nachin du yam khummakanu nachin du kaini amuk thabada…..”

Leisna su khumlak e…..

“Natte sirna eingonda saoridubu keigino….. maram bu charibo…”

Yaimaran-hei wa makha yam tanu nang taningde….. nangna thadokningba matamda hekta thadokpa nangna hanjinnaningba matamda hekta hanjinba yabro eigi nungsibase….. nangbu ebanigi mari thadatpa tare kaina yam hairamdaine…..

Leisna du handakti saoduna hairak e…..

“Sir na takpiridubu keino….. sir gi babana eibu thina thina nganglaga eina kamaina mafamduda leidoino… sir bu ngaobro….”

Yaimaran-eina nang adum leiyu haibadudi nangna tabro ha…

Leisna-oh eidi ekaidabi houdongnina sir na adum leiyu hairaga hekta lei tarene adum…. natte sir na khanbana loi chumme khalladi kamaina yadoino…… eigi eejat ti amta leitrene adudi…

Yaimaran-karino nanggi eejat haibo…. nanggi ejat haise nangna eigi nupi oina eigi nakta leibado adune nanggi eejat haidoise…. adudagi henba eejat kari amuk leigae….

Leisna-eigi life se sir na loina rule touba yabro…

Yaimaran-touni … eigi nupi gi life eina rule toudana kanana toudouno…. eigi life sisu nangna rule tou…. rule tounasi haibani eina hairise… adu nang khangdro….

Leisna du prok prok hek chak e mai wangang duda…. arembagi call tourui khallak e….

asoiba aranba ngakpigani 🙏

Next part hayeng gi 1p.m da…..

Comment piba kaobiganu,writer bu pukning thwgatpiyu

%d bloggers like this: