Meerangdo Leirangdo Part 56

Meerangdo Leirangdo (56)

Ngasi nongmaijing numitni…. Neeva du Kebi puduna Yaimaran gi yumda lak e…..

Security na pao hangduna makhoi ani manungda changlak le….

Yaimaran su thoklak e…..

Hek thoklakpaga Yaimaran na hanglak e….

“Kari leire Neeva”

Neeva na noklaga khumlak e….

“Ukhidaba kuire ne Yaimaran…. eigi school ama sagatpado adu sanggarani …. adugi nanggi bartan piba lakline…..”

Yaimaran-oh nahanmuk loan loukhibadura….

Neeva-um mane…. exam su hounakhre…. aduna sanggathokaga thammagae… admission matam su oinaraklani….

Yaimaran-um yam fare….

Sanahanbina coffee puthorak e…..

“Sir coffee somda….”

Yaimaran-ene piyu…. eigidi yare….

Sanahanbina Neeva ga Kebi gada coffee du pi… Neeva ga Sanahanbiga du marou leina haifet noknei… madu Yaimaran na haifet uhoure…..

Kebi na hairak e….

“Yaimaran keino handak thabak yam chinbro sakka amta ukhidrisibo…”

Yaimaran-um handak khara chilli…

Kebi-nong fadok su punba yabani…

Yaimaran-um sanga kanda punsi… kuiraroi party mathang mathanggi invite lakkadaba….

Anidu ngakna yengnei…. Neeva na ngakna hairak e…

“Karigi party no haise….”

Yaimaran-kuimalle pakhang oirakpasi…. fam haidoklagae khalle….

Neeva di gyan am takhidre… Leisna ga Yaimaran gagi pao mahak loina taribani…. aduda Yaimaran na hairaklibadu karino haina khallak e…..

“Ae keinya leirabo ”

Yaimaran-kuireda yamna….

Neeva na noksinnaraga…..

“masak amta khangjagaedana”

Yaimaran su noklaga adum khumlak e….

“surprise oirasi madumadi…. ”

Hairaga amukkasu noklak e….

Anidusu nokningda nokningda nok e….

Kebi na makha tarak e….

“Eikhoina khangba meero….”

Yaimaran na yam hei singna khumlak e….

“Hhhhhhhh mayabe ….. hahaha”

Yaimaran gi maong duda Neeva di ee kare… Mana khallaga mafamduda lakluriduga Yaimaran na tourakliduga pumon hek onnare…..

Neeva-hoi fare adudi Yaimaran nang soidana lak u ko… eikhoisu amuk thokkhragae….

Yaimaran-hoi hoi yani…. ei soidana lakkani Neeva….

Neeva ga Kebi gadu hougatlak e….

Neeva-adudi eikhoi amuk…

Yaimaran- um hoi… ei leihoureko….

Neeva ga Kebi gadu thoklak e…. mapan thoklaklabada Kebi na hairak e…

“Karino nangbo toknakhre haidaine….”

Neeva-aduni khangde… eina henna gyan mamle…

Kebi-amuk anouba atopa oirajatlo…

Neeva du khummaktre…. Kebi su tuminna leikhre… Neeva gi khoidou thitpi haidu oire….

Nongma houkhi nini houkhi matam sum houkhre adubu Leisna gi mawa mapao amta takhidre…. tha ama fajillakle Yaimaran na Leisna bu uraktaba…. Numit khudinggi mahousagum korouhanba su mathou kaidana lak e… chatkhi.. thajasu tharoga pukmen paomennei. Khoimu sahum fangbada leirangsingsu una marakta marotli. Urok koubi chekla su mapang singga punna punna atiyada toina paiduna chekla chaktaba machatminei. Adubu masing yamkhraba Yaimaran gi lambida nongmatafao Leisna bu thengnakhidre.

Magi mee singna fana thirabasu Leisna ga thengnaba leikhidre…

Yaimaran gi chaklaba thamoi tattana asaobada tainarak e…

“Abem”

Tattana sollak e.

Adubu numittudi Yaimaran na bazaar manungda thabak amagi changsinbada Leisna du pharmacy dagi hidak loururaga thoklakpada thengnare.

Mabu hek ubada Yaimaran khudakta hairak e…..

“Taiban gari khammo”

Ibohal na gyan ngaona garidu park tousilli….. Yaimaran khudakta garidagi kumtharaga Leisna gi manakta lak e.

Ahanba hek changsillakpada mahak Leisna bu funingi… ngangningi… cheiningi….. adubu matang matam chadabana mahak Leisna bu ngaihak munna yenglaga leirak e.

Yaimaran ubada ngaklaba Leisna na tapna kourak e….

“Sir”

Kanagi Thebo Gopal Boicha Ibohal amadi atei atei mayamdu loina maya kaduna garidagi yengi….. thangnaba mitkup ta kari thoklagaba haiduna thamoi thamoi da lonna wana sonnari…

Yaimaran du khudaktuda laan touninglabani…. adubu mahak tapna fatharak e…. asaoba pumbagi sakfam lotsillaga momon noklak e…

“Kadai chatlubano abem….”

Leisna du mana etap tapna khumlakpadu ubada kharadi ngakle…. adubu mahaksu khumlak e….

“Emagi hidak singsi loikhidoure haiduna leirubani sir… ”

Yaimaran na momon noktuna makha adum tarak e….

“thabak ama watli ebanigi…”

Leisna na ngakna…..

“kari thabak no sir….”

Yaimaran na chamna hairak e…

“Ningthibi gi clearance ama pirammu. Hisab nungsab mafam amtta khangdre. Nangna madu sengdokpadu ei pammi…”

Leisna na ngakna hairak e….

“Sir eina sennajaramba matam faobagidi file da pumnamak yaoduna leihourabani…”

Yaimaran na marei tourak e….

“Hoi adubu eingonda vaap men tadaba khara leire…. adu sengdokpa pammi”

Nungthil pung 3-4 taraklabani…. madu yenglaga Leisna na hairak e….

“Sir…. ngasidi thengle… ei nongma lakagae…”

Yaimaran su adum khumlak e….

“Kuiroi… yamba natte file amakhaktanggi ni vaap tadaba ….ei ngasi nangga thengnahouri kansida sengdokambado pammi…”

Leisna na khanjanaraga khumlak e….

“Ngasidi yum hanbada thengoidra sir….”

Yaimaran-ae thengoi… ei thingae… angangsingsu loina yaorisini… ei thingae… sum ngangnaraga henna henna thengthakhinabani… lak o chatsi….

Si hairamlaga Yaimaran na mang thaduna chatkhraga gari gi thong du hangdorak e…. Leisna du ngaihak khanlaga Yaimaran na hangliba thong duda kakhatkhre….

Madu ubada atopa garida yaoriba Thebo na sollak e…

“Fajei…. eikhoi JCB ngasidi marup faobra nattraga hayeng gi paper da headline oibra amadi soidre… adubu eigi mihul sina sidedrum khapchillakpada eigi thabak sidi tangkhai tarehe…”

Boicha-ash yarehe taningde nangna ngangbaga amta… matha naga matha sabane….

Garida kakhatlaklaba matung Yaimaran wa amta ngangde…… Leisna su ngangde…..

Ibohal na achikpa du thugairak e….

“Ebemma udaba kuire nungairiba nattra….”

Leisna na tapna khumlak e….

“Hoi nungairiye sir…. sir di hakchang pungfa fabirabra…”

Yaimaran du mana NUNGAIRI hairakpaduda maching bang karak e…. adubu ma tuminna lei….

Ibohal-fare ebemma…

Yaimaran na mabukta khallak e……

“Eibu tumfam chafam khanghandana tha ama henna ahing nungthil chuppa otlaga NUNGAIRI ga hairadana….. nang khangni….”

Yaimaran na khanghai hairak e….

“Taiban yum lomda chatsi….”

Leisna na ngakna Yaimaran da yengak e….. Yaimaran na magi mityeng du gyan taraduna hairak e….

“Eina file singdu yumda putharakpani.. yumda loina leihoure adugini…”

Leisna du eheidi heinadre adubu mahak thoina fattana khallude….

Yum yourakle…… Yaimaran na Leisna bu direct magi balcony da puthorak e…..

Mafamduda thariba chair duda Leisna bu famthahallak e…. aduga table machaduda file ani ahum pop thadarak e…..

Yaimaran du ngasaikhei fatharamba mayamdu pumnamak mei pokhairak e…… Hekta hourak le…..

“Tha amaga numit ………. ”

Mahak chap leppi….. table da makhuttu kanna paisilli aduga maya du chiklak e… fungatkhibana henbana wa ngangbafao ngammaktre… Leisna du mangonda yengak e……

Yaimaran du makha tarak e……

“Numit kayanino…. 42 days…. 42 days pura office amada head leitaba haibasi kayam thina mang takpagae haibadu nangna ngasi eingonda utlu…”

Leisna na mong hadana tapna khumlak e…

“Sir di ei laktrabadi yengsinbidriba karigino”

Yaimaran na laohattuna hairak e….

“Karigi yengdoino…. nanggi nathoubu eina yengba ngambro…? Eigi ethoufao matam konnadadana ei sangdrisi udro….?”

Leisna du kanararoi khanduna file singdu faklaga yenggae haina tourubada ahangba ngakta oirammi……

Leisna-sir sidi keino….

Magi maiyoknabada leiriba chair duda Yaimaran su famtharak e……

Yaimaran-numit 42 si ei kamaina leiramgani nang khangbra khangdabra…..

Leisna du khumde… Yaimaran da yengbatamak yengi….

Yaimaran du saona makha tarak e…..

“Ei charamgadra ei thakamgadra ei tumlamgadra…. ei keidouramgadagae haibasi nang nongmata ningsingdabra…..”

Leisna handaksu khumde….. Mana tumin leibadu uraga Yaimaran henna henna saogatlak le….. laorak e….

“Nachin du khummo”

Leisna-karino sir na kan kanna laoridubo…..

Yaimaran-eina asuk abnormal oira kansida nangna adukyam normal oiriduna karigi…..

Leisna du tapna hairak e….

“Sir… warisigi oiradi toksi… ei chatkhinaba tougae…..”

Hairaga hougatlak e….. Yaimaran su fuk hougatlaga Leisna bu taap faraga maya du chiksallaga makhol thoktana hairak e…..

“Wari mayamdagi khwaidagi luba waridi sini….. eigi thamoigi oiba wari….. si nangna hekta tarai taraina khanba yabra….. ei kanano nang khangdabra….. nangna eibu wahalliba asigum ngasifaobada prithibida leiriba mee amtana eibu wahandri…. nang yam faobro…”

Leisna du mamit tu tarao tarao panglaga mangonda yengak e…..

Yaimaran na amukkasu maya chiklaga hairak e…..

“Hairak o haibane…. eina nungsiribagi matik eina nangbu thadokpa ngamdabagi matik nangna eibu tarai taraina khallibasi karigino….. ei thadokpada nangaonda chingnaba amta leitrisi karigino…. nanggi wasak mayamdu kai chatkhragae….. nangna asukyam oida padaba taat heiramlisi kamainano”

Wadu adu yourakpadudadi Leisna su saoninglak le…. khumlak e….

“Eibu taat hei haiba….”

Yaimaran-nangondagi henna taat heiba mee thengnadri ei ngasifaobada….

Leisna du maching haigatlak le…. Yaimaran gi thadakta makhut ani changdana inthorak e…. aduga hairak e….

“Ei ngasaidei tagaena tabani sir na wa asukyam henjanna ngangbirisi keigino…. si pumnamak se kanana thokhanbano…. sigi condition da laklise einaro…. khummo einaro haibane….”

Leisna na hairaklibadu magi mapaebungo buni haiba Yaimaran khangi adubu Yaimaran du amukka changsillaklaga Leisna bu farak e….

“Ei atei khangde…. warisi eiga nanggagi warini…. sida atopa kotsallakano…”

Leisna-atopa haibu keino…. atopa haise kanano…. emung manunggi mee bu atoparo…..

Yaimaran na Leisna bu manak nakna chingsilli…. aduga hairak e ….

“ebanigi marida family yaobagi artha karino….”

Leisna su hande…. Yaimaran bu amuk inthoklaga khumlak e….

“Family yaodana sir ebanikhak chakthongbi sanaba yabro….. adugane amana eigi nungsibada khudombigadi tanggatlakanu…. nattradi…..”

Yaimaran du handaksu amukka changsillak e……

“Nattradi keidouraba…. ha… nattradigi makha keino haibane….”

Leisna du sum sum saoninglak le…. Yaimaran gi matoududa sum sum ee kaba hengatlak e…. magi nungsibada Yaimaran na chingnabasina henna magi saonabagi machak oirak e…. masu Yaimaran na ting soknaba wa ama khanduna hairak e…

“Sir ga onsinnaraga wa ngangnagadabagi mahut farabane numit 42 eina tumin leikhrido….. aduna sirgi matik chap chabane…. matungdasu adum leini nawa loude eina”

Yaimaran du handakki magi wadumadi haibaga toubaga maching haigatkhre……

&asoiba aranba ngakpigani 🙏&

Comment piba kaobiganu,writer bu pukning thwgatpiyu

%d bloggers like this: