https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part 51

Meerangdo Leirangdo (51)

Machagi matouda leitafam khangdraba Yaiskullakpana Ibohal bu putharakpa ngairammi. Adubu mahak ngaiba ngamlaktre. Ibohal putharaklabadi wafam si karino kamdoubano haiduna hanggae khanbani adubu ma leitrabanina numittuda Gopal bu kouhallak e… Gopal changlak e…..

“Pabung takpiyu…..”

Yaiskullakpa-Gopal…. ei wa haigae….

Gopal-hekta haibiyu pabung….

Yaiskullakpa na Gopal da yengduna hairak e…

“Thoina nupimacha ama khangnei haibasi nakhoi khangbra….”

Gopal du Yaiskullakpabu yenglak e…. Yaiskullakpana hanjinna hanglak e….

“Khummune Gopal….”

Gopal na tapna khumlak e….

“Hoi pabung … khangjei…”

Yaiskullakpa-madu nang eigi nakta amukta purak u… ei mabu unagae…

Gopal na tapna hairak e…

“Pabung…… hoi pabung na ahanni adubu eidi sir gi makha da leibanina sir gi ayaba amatang yaodrabadi eingonda yam sokkadra haina khanjei pabung…..”

Yaiskullakpana munna khantharaga hairak e…

“Um ….. thoida su haiyu…. eina nupimacha adu unagae hai haiduna haiyu…. eisu yenggae amukta … mahakna karamna nupimacha adubu khalluribano haibadu….”

Gopal du tapna adum khumlak e…..

“Hoi pabung …. ei sir da soidana hangjaraga pujaraknaba toujagae …”

Yaiskullakpa-fare yare …..

Gopal kadudagi tapna thoklak e…

Wari pumbadu Sanahanbina lonna tarammi….

Gopal du chumdring thoklaklaga Yaimaran gi manakta lak e….. Yaimaran du mobile da kanagumba amaga thabakki aruba wa ama hainaduna leirammi…

Gopal na sakfam amada leptuna leibadu ubada Yaimaran wari du kuina saba yadre… fat fat samtatlaga loisinkhre….

Aduga hanglak e….

“Ta Gopal keidouba yaore….”

Gopal na nonthaduna hairak e….

“Sir……”

Yaimaran-haiyune. .

Gopal-pabung na ebemma madam bu magi nakta amukta purak u unagae haiduna hairak e…..

Yaimaran du waheiduda Gopal da yengi…. Aduga ngaihak tuminna leiraga makha tarak e….

“Maramdi karigi….”

Gopal-sir na ebemma madam bu karamna pamjaruribano haibadu pabung nasu yenglaga amukta khanggae haina hairakli….

Yaimaran du ngaihak amuk tuminna kei….. fajana khantharaba matungda hairak e….

“Ta Gopal nadi kari hairamlaba….”

Gopal-einadi sir gi ayaba yaodanadi farak tagani haijarambani… aduda pabung na sir da hanglaga purak u takpirak e..

Yaimaran-um fare…. ei thokpa touragae ta Gopal…

Gopal du Yaimaran da yengak e …..

Yaimaran na amukka makha tarak e…..

“Taiban gi kari karino sem saba loiraba nattro…. ei chatnaba tougae”

Gopal-loijarabani sir…. hoi kumthabirak o … eikhoi ngaijaramlagae….

Yaimaran-um ..

Gopal thokhre… Yaimaran du sor mapi ama hondok e….

Asumna numittumasu houkhre….. Neeva na Sanahanbi da call tourak tourak tuna tousinnaraga yumdugi pao loina louri … Yaiskullakpana Leisna bu unagae hai haibadugi pao su tarammi….. Neeva du mabukta chingnaba faore…. haidi Yaiskullakpa gi wakhalsi positive oigadra nattraga negative oigadra haibasini…. adubu makha yenglagae haiduna khankhre…

Mathanggi ayuk tu Leisna na office ta lakpada ngairi…. pung 10 muk tabada ngairi…Yaimaran Leisna gi manakta Leisna gi office ta lak e…. Manungda changakpada Leisna du thongnao mayada leplaga kanagumba amaga mobile da wari touduna noktuna leirammi…. Yaimaran na mahakpu tungdagi yengi….. Onthoknasu changkhonna fajare….. Leisna du nongma nongmagi magi mitmangda mapung fagatlakpasi mahakna uribani…..

Ngasisu hanggam mapal machu gi mayek naibi ama setlaga… hanggam mapal machu gi fi amana pana sari setli…. mana nokpadu uraga Yaimaran gi thamoisi mahi hek chelli……

Tuminna tapna changsillaktuna chair duda tuminna famthei aduga Leisna bu yenglak e…..

Fana kuina Leisna wari du saba loiraga onthorakpada Yaimaran na mahakpu yengduna leirambadu ubada khanghai hairak e….

“Heima…. sir karamkanda lak eno…. makhol ga amta tahoude…..”

Yaimaran du noklak e….

“Kadaidei tani… nangdi pakhangga waridu changkhonna touraga leirabudi…”

Leisna-um amuk hourakabo khatnaba….. sir na fana khatna hourasu eina sukkhat khatnabiroi….

Yaimaran du amukkasu noklak e….

Leisna na makha tarak e….

“Ado sir…. ei sir da wa khara haigae tourambani….”

Yaimaran-um haiyune….

Leisna-ta Kokil se bera yam kadoiri….

Yaimaran Kokil pallakpaduda pisum anidu suklaga hairak e……

“Kari tourino mana….”

Leisna na tapna hairak e….

“Sir gi hanna finggatpido tourakkanu ko…. hanna fajana khannaseba aduga thabak paikhatseba ko….”

Yaimaran-hoine ado wadu haiyune….

Leisna-esing si mana pikhatlakpa sel si echan echan chanade…. aduda eina khara hairurasu maraktasu aduda soiramle adada soiramlena hek amuk pikhatlakpasu mayaowi…. aduga maraktana saoning gum keigum masak mamai hek utlakpasu mayaowi….

Yaimaran du finggatlak e….

“Kari mana nangonda saoningba mamai utliba….”

Leisna na khamlak e….

“Toh amuk finggatlak le…. amta ngaikhoba…. adu oirasu wa di karimta ngangak pa natteba…. sidane sir da pao ga tamba kirise eina….”

Yaimaran-natte mana nangonda adumaina touba yabra…..

Leisna du Yaimaran gi manakta changsillak e….. aduga Yaimaran gi makhuttu tapna pairaga hairak e. .

“Karimta toudeba… eina cheimanbaduda ahan nina saoningba oirambasu yaiyeba… eigi matangsi toklaga eina haidi Ningthibi gi oina khanse haiba… aduga kari tougadabano haibado sir na leppiyoba…”

Yaimaran du hougatlak e…. aduga Leisna gi tarakliba sai du makhutna nappada yepsinbiraga hairak e……

“Um keisu khallunu… Kokil gi mafam chaba karino haibadu eina nahanna khanduna loikhrabani… matam ngairibani…… ado fare masigi wasi tok si…. ei nangonda yam luba wa ama haigae haiduna ngasi si lakpani….”

Leisna na tapna hanglak e …

“Kari wano sir…..”

Yaimaran-wafam se haidringei nang eingonda promise amadi tou….

Leisna na amukkasu tapna hanglak e. ..

“Kari promise no sir……”

Yaimaran-hanna touwo …..

Leisna-hoi fare kari haina tou haibano….

Yaimaran-oiningba ama hekta oisanu… lakningba ama hekta laksanu… nang eibu thadokloi haiyu. …

Leisna du Yaimaran da yenglak e …..

Yaimaran na amukka hairak e….

“Haiyo”

Leisna tapna sor mapi ama hondoklaga hairak e….

“Promise …. eina sir bu any condition da thadokloi….”

Yaimaran du Leisna bu tapna konsillak e. .. mahak khanghoudana lonna mapi era chellabani ….. madu udanaba haiduna Leisna bu konlibani….

Leisna na tapna hanglak e…..

“Kari wano sir….”

Yaimaran-Abem….. eigi baba thainadagi epa epu haktaktagi senjao pairakpagi hounasa khara aduk achaoram pammi… masi eina nangonda lotloi….

Leisna du tuminna tari…. Yaimaran na konlibadu tapna thadoraklaga Leisna gi pambom anida makhutna paiduna hairak e….

“Mana nangbu unagae hairi Abem….. ”

Leisna du Yaimaran da yengak e … magi maithongda pakhatpagi mami su tare…..

Yaimaran na makha tarak e. …..

“Nang mabu amuktang unou……”

Leisna na sat khumlak e…

“Ash ei madu ngamloiye sir…. ei…..”

Yaimaran na thatlak e….

“Eisu yaogani… nanaktagi sec amafao chatthok oi….. aduda eina nangonda haigadaba di…..”

Leisna Yaimaran da yengak e.. .

Yaimaran-mana nangonda fana ngangakera fattana ngangakera nang magi wahei na maram oiraga ei thadokkhinu…. ei taiban yum da lakpa ngairibani… ma laklaba matungda ei pumnamak loina fanaba singani…. abem eina hairise nang vaap tabra….

Leisna du khumfam chafam khangdre…. hairiba wadu na henna mangonda kok ngaokhre…..

Yaimaran na amukka makha tarak e….

“Thainagi ahanni…. magi thainagi wakhal du adum kharadi leiba tabani….. maduda nangna khoikha linkha thaba yade… eigi abem gi tapthaba pukning fajinba ngambaduna magi wahei pumba joy tougadabani….. tabra abem….”

Leisna du Yaimaran da yengduna tuminna adum lei….

Yaimaran amukkasu mapi era chenduna makha tarak e…

“Yengo ei atei problem di loina maiyoknaba ngamgani solve touba ngamgani……. KARAMKANFAO….? Nangna eigi nakta lengdana leirifao ……………… adu nattadana eina problem sing si solve toudringei nangna eibu mathong khangdana misunderstanding dagi thadokkhrabadi ei yam tamthirakkani …fathaba ngamlak loi abem… simadi ei nangonda yam sengna haihougae…”

Si hairaga Leisna gi makhut animak paiduna machinda thamlak e…. kadomdagino khanghoudana mapi su tapna tarakli…. madu ubada Leisna na tapna hairak e ….

“Eina haikhradudi sir…. ei sir bu thadok oiye …. ”

Yaimaran Leisna bu nungsiba sum sum hengatlak e….. Leisna bu mathada chetna konsinkhre…. aduga tapna hairak e…..

“Abem… AYETPA CHAMMA LAKSANU… APANBA LISING LEISANU… nangna enakta leirikhei eina lanba ngamloidaba pal leite. YAIMARAN NA MAGI LEISNA BU KAYAM NUNGSI HAIBASI AKHANGBA MEEKHEINA WARINAHANGANI ….. EBANIGI PANTHUNG NA MAYAMBU MAITHIBA PIGANI… masi nafamda eigi lengdraba wasakni”

Leisna na momon noklaga thajadana tapna hairak e…..

“Adu oiradi sir da adum naplaga leirani eidi….”

Yaimaran du waheiduda awaba loi kaokhraga khangnok nokningak e……

“Hmmm adudi chatsi lak o….”

Leisna-ae kaida …

Yaimaran-baba unaba….

Leisna du pakhatlak e….

“Ae ae houjiklo…. tanle ……”

Yaimaran-hmmm houjikta kei hairamba…

Leisna du tumin leikhre. Yaimaran na makha tarak e…..

“Ei thajaba nattro…..”

Leisna-um….

Yaimaran-adudi chatsi ….. oiningba oisanu thokningba thoksanu… ngangningba ngangaksanu…. madu pumba loina maiyoknagani eina … lak o…

Leisna-adudi wafam amaga yanakhisi….

Magi waheiduda Yaimaran na ngakna hanglak e….

“Kari wafam….”

Leisna na tapna hairak e….

“Sir na haiba induna ei chatpadi chatlani…. adubu eina haiba su sir na inbigadaba…”

Yaimaran na nungsina hanglak e….

“Haiyu kari wano… ei yagae…”

Leisna-promise tou yani haiyu….

Yaimaran-um promise….

Leisna-sir gi baba na eingonda hainingna hairaksanu …SIR WA AMATTA NGANGAKPA YAROI… HEK KHATNARAKPADA EI MAFAMDUDA SECOND FANA LEIRAMLOI… HOUGATLAGA CHATKHINI….

Yaimaran du Leisna bu munna yengak e…..

Leisna-haiyo….

Yaimaran-um fare lak o….

Asumna Leisna bu Yaimaran na mayumda purak le…..

Leisna du ahanbada kirap chai adubu thangnaba mitkup ta masabu laksinkhre.

Leisna na changlakpa ubada wari pumba khanglaba Thebo na sollak e…

“Soidredana sidi… mamei chappa tare. Kamdouni sidi eidi …eidum ukrong ahobada changlaga tapta gi adumaina lothoubana fadouriba jatla…”

Magi waduda Asok na khumlak e….

“Nangna wabiyu haide…dairan gi thamoibu joy touba ngamlaba nupi ase araiba nupi natte haibadi budhi lousing fakchinba nangnadi vaap khara watkani. Eidi khangi…”

Thebo na Asok ta hairak e….

“Budhi lousing faba…!!! MEINA MAKHADA LAMTHARAKTE… MATHAKTA LAM LAMDANA CHAKPADUDI NANGDI AMUKTA URAMKHIROI. Chak chanabada yen matum mayamdagi masing hennaba hotnaringeida…”

Hairamlaga Thebo du pakhatpagi humang kangduna thokhre. Asok tu magi waheiduda nokfet touraga leihouwi…. Thebo na yam pakhatlibasi ateigi natte…. mana machinda Leisna si magi dairan gi nupini haina haijarabasu mabuktagi magi machan gum yamna nungsijei… Leisnagi tapchaba sida Yaiskullakpana kari haibikhigadagae khanbada mabuk mathak makha onduna Thebo du gyan men tadre.

&asoiba aranba ngakpigani 🙏&

##nupi haibi NUPI sinabu NUPI gi gun asengba chellaba…. Wakhal khanthaba ingthaba tapthaba kallaba…… yengsi …. Mei ga esing ga esingna lakcharak e hainaba leibani…..

Leave a Comment

Your email address will not be published.