https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part 5

Meerangdo Leirangdo (5)

Punsi echel akanba mapu magi khutsemda lepnaidaba matamni. Nongmadagi nini.. ninidagi humni asum asum houkhi adubu Yaimaran gi lan amadi shaktidi nongma nongmagi sum sum hengatlak e. Hiram kayada magi laibak chei kaari.. Shamu mayana higatlaklabada paija thenggu na yeisinba yade haibagum magi laibakki chei karibadu yeknaba kayana hotnadunasu kakpa ngamdre. Lamdamsigi masak naiba kayana mabu mityeng thamlak e.

Teturamsana gi machanupa.. Neeva gina mabung Kokaisana na machal da nongma….

“Yaimaran si nangga yam tinadaine chan. ”

Neeva na noklaga…

“Hoi adu keidouragae da”

Kokaisana-hmm… keisu natteda.. houjikki matamda mahakpu eikhoigi oisanba haisi yam fei haigae tounida..

Macha anigi wadu tabada Teturamsana na marak thatlak e..

“Um madu asengbani. Kangleipaksida Yaimaran hairiba angangsi houjikfaogi oinadi khwaidagi matik leiba meeni. Aduna mabu laksinba ngamlabadi pumnamak eikhoigi oidoini. Mapa meemannadraba dunadi oiba yaroido nattra. Epagi thabak kayada magi darkar kaya amasu leiri noi khangliduni”

Neeva na noklaga amuk hairak e..

“Ba keisu khallunu. Yaimaran eiga yam chanaba emanabani. Ba na darkar leiba khuding eingonda adum hairak o. Ei haigae mangonda.. adum yarakkani. Handakki eigi achouba thabak ki loan gadu mana pirini. Eina hairadi ma adum yabani.”

Teturamsana na yam penjana hairak e..

“Um echadani. Adubu eikhoi esagi direct mee oisanba haibasiga tinnabatang oiba haibasigadi khetneidana.. fare ebungo nang loisillu thabak ama chatlusi”

Kokaisana-hoi baba..

Anidu thokhre. Pokpadagi nungaibatana yomlaklabi Neeva du thamoi erang langi. Yaimaranda asha sagatpa hourakle. Hannadagisu sagatli adubu handakna khanghen henjillakpagum tourakli.

Tanjaduga Kebi gi call lak e…

Neeva-hello…

Kebi-ebemma nanggi manglangi hero du bank ta unarasi nanggi aroiba pigadaba senfamdu pithoklagae hairak ene.

Neeva na saorapna..

“Karigi madi nangonda hairakliba… eingondadi hairaktena.”

Kebi na nokthorak e..

“Esh esh… khamballe khamballe.. ho ebemma ngasai eina thabak ama ayuk nganta chatpada walking halakenena hek thengnare. Aduda hairambani.. nangna maron ama..”

Neeva-ae kadaida walking.. nangga moiga naknabasu natte..

Kebi-heima … ho garida lakae.. garida chatlaga atopa mafamda chelluba oiramba yai keino … nangdi laina henjillena..

Houjiktada Neeva du noklak e..

“Taningdehe…”

Kebi-ado eina laktoira nangna laktoira..

Neeva-ei oina nang louba laklagae..

Kebi-fare thamme adudi ko…

Hainakhibagi matung inna anidu bank ta laktuna leire. Yaimaran lakamdri. Leisna du hannagum office ta leirambaduda kharadi ngak e anidu…adubu thoina khanjilludre.. kanadaba potni haina khandok e.

Tanjaduda Yaimaran su yourakle.. Magi khongloi amadi Ibohal su adum yaorakli… Ngasidi Thebo, Asok , Boicha su yaorak e… Thebo du saoduna nahanmuk chatkhibadu Yaimaran na Ibohal thaduna kouhallubani… hek lakpaga anidu ubada hairak e..

“Keidoure mapanda leiradi. Manung changlaga famlamba yadro”

Mayamdu Yaimaran changkhibaduda loina lepkhatli. Leisna su yaori adubu mahak Yaimaran da amukfao yenglude.

Asumna manungda Ibohal amadi manager ga loinana nupi aniduga Yaimaran loan gi senfamdu pumloi loisinnare.. Ngaihak kari karino hainaringei pungsu 3 takhre..

Manager-sir suti matam oirabanina mayamsi thadokkhrasine…

Yaimaran-thadokhro..

Staff thokhraba matung min 5-10 leiraga makhoisu hougatlak le…

Neeva-adudi yam nungaire Yaimaran.. eikhoi su thokhragae. Amuk koirakke athubada..

Yaimaran-hoi adumai tourasi…bye..

Asumna magi magi lambida laknare.. Yaimaran gi group tusu main road lomda thoudorakle… magi angangsing aduna hannagum atopa garida aduga magi garidudana ngasidi Thebo na thouraga.. Ibohal na mamangda tongi..aduga mana maningda… magi bank si main road tagi khitang haijillaga leibani.

Leisna du monli monli mangda satin ama tuplaga chatpadu urak e… ateisingdi gari machada oirasu laknabana loina chatnakhrabani… magidi khongna thoklaga line gari da chatpa nattana upai leite..

Yaimaran-taiban Leisna si pubikhrasi mathan ngaira malle..

Haibadi Ibohal da haibani adubu wa lang ngangba nangdringei Thebo na hanna khamkhre…

Ibohal na kumtharaga hairak e…

“Ebemma eikhoiga chatkhrasi…”

Leisna ngasaina gari makhol du tabada Yaimaran hoigini khangkhrabani… aduna satin du tuplaga nakanda theidoktuna chatpani. Hengatlaga chatkhrani khanbani adubu farak hek fuba haidu thoklare…

Satin marumdudei Yaimaran da haifet cheptharaga yengi… hek yengbada akiba pok e… swai laowi… khanghai khangjinda gyan men mangna sat hairak e..

“Ya… yani sir.. ei asida thabak ama leiri.. mee ama unagadaba…”

Makha taramde… masadu abnormal douna gam gam chatkhre…aduga thong macha ama leiribadu lankhraga dukan mayam ama leiribadugi marum amada changkhre. Ibohal su karinona khalli…

Leisna dukan maraktuda laklaga ahal khara oirap toubi nupi amana pikna famjaba hotel amada changlaga hairak e..

“Ene… cha glass amaga bora khitaga piyuba”

Nupi-hoi hoi ebemma…

Adu hainaraga cha ga boragadu pirakpada ngairi.. chagae haiduna ama loukhatpa hek houbaga tungdagi…

“Nangdi mee unani hairaga nathanta bora hurallaga chaba chatliboire”

Leisna boradu makhada takhiba khanghoude. Electric shock toubaga chap manakhre. Lengni haifao kaokhre. Thaplapna Yaimaran gi angangsing su leiri.. Thebo Asok, Boicha loina yaori… Ibohal su nokfet nokfet touduna lepli.

Ibohal na magi angang oiriba sir adubu yamna luna toujei. Ka hennamak toudrabasu mana apamba loina toubada kaya thingde… wa ngangde. Adubu mana ngangdrabasu Thebo di leiba yadaduna hairak e..

Thebo-keino masigi JCB manbasina ngarangta satpa attargulap pomsatnabisi taktoi koitan tanarisina.. eikhoigumba angangna kengadaba mafamsida mana amuk kensillurisina…thamoi umorok singgai hounaba thabak ..kei kandabada…

Takhini pakhattuna Boicha na hairak e…

“Ebungo nungsiba… tumin leiro. Fagi fagidagi nongma nang dairan gi khutta lanbadi soide”

Thebona thousadana hairak e…

“Yam haotabado… tourisi yengo.. yeng ngammibo… eikhoidi mitlugi mitlisi chongthok le”

Mana hairakpaduda mayamdusu karinona hek yenglure. Yaimaran na Leisna gi plate tudagi bora du lou louduna chabadu urak e. Nongmata ngasifao leirakpasida asumaina toudri… hotel dei pot kadi pokpadei chadri.. Leisna di murtigum adum leng laktana lukthaduna leiri. Punsida mana khwai heinadaba, kiba, ekaiba, tukatchabasi masi nupasina oirabani… mathakta yot achouba amana nanlaga leibaga chap manare masadu. Bora du amafaoba louraga chabafaoba ngamdre.

Yaimaran-ene borasi kharaga happirakho…

Aduga Leisna da marou leina yenglaga hairak e…

“Charodana.. keidoure.. nangna lonna chagae khanbadu eina huranba fabaduda ekairaba”

Usittana haiba wani….adubu Leisna khummakte.

Tanjaduda asom wangmada chatkadaba auto du hotel mamangduda khamlaga mee ama kumtharak e… Leisna khonglei thuna fuk hougatlaklaga lupa 20 hotel mapu duda piraga hairak e…

“Ene se”

Si hairaga chenboi lakpoi khudakta auto da paikhatkhre .. Yaimaran du wa ngangbaga amta nanghoudre… adubu mahak ekaibana mamai di ngangle… masadu gyan men ama tadre…

Thebo na leela du ubada hairak e…

“Hunk …. eina haidro si thoknese… chahi matangsiga angang inkhatlakpagasu lumja sari.. JCB nungjreng se”

Thoudou du yadre khangladuna Ibohal fat changlaklaga bora du ama louraga charaga hairak e…

“Ebemma kaya tare”

Nupi-tada 20 ama piramle… 20 amatangga happiradi yarani…

Ibohal na peisa du piraga hairak e…

“Sir… chatlasira… atopa thabak mayam ama leiri”

Yaimaran khumde. Chumdring gari manak tamna chatkhre. Mayamdu magi matung innakhre..

Hotel fambiduna tapna sollak e…

“Karinone ngasigi thoudousibo”

asoiba aranba ngakpigani 🙏

Leave a Comment

Your email address will not be published.