https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo leirangdo Part 4

Meerangdo Leirangdo (4)

Yaimaran wa lang ngangdana ungduna ngaihak lambilomda yengduna leiringei Ibohal na amukka makha tarak e ..

“Kaboklei gi gamla 10 sidi sir da mana pirak e haibiro haiduna su hairak e sir”

Yaimaran handaksu khumde.

Ibohal na tapna hangak e…

Ibohal-sir chatnaba tousira..

Yaimaran mamit amtang uisallaga asaoba fathaba oina sor amuktang hondok e….

Yaimaran-um ei thougae..taiban tongbiro..

Sat kakhattuna garidu thouba hourak e.. atei su innarakle.. adubu garidu thou thouna kadomdana khangdana maching bang bang sum kangkhatlak e… sum thourambadei thouba yaraktraduna garidu brake khangnet netlak e… Seat belt faramdrabadi kok kaibagi tanja dumakni… Ibohal na epa pakhatna hairak e…

Ibohal-keidoure sir ..

Yaimaran garidu khammi. Magi garina khamlakpaduda tungda lakpa Neeva hoigi gari dusu khamlak e… Yaimaran Ibohal gi paokhum piramdana kumtharaklaga Neeva gi garigi thongnao manaktuda changsillak e.. Neeva na thongnao dagi…

“Keidouragae”

Yaimaran-noi hallammo… ei personal oiba thabak atopama leire…

Neeva-oh oh fare adudi …. eikhoi hallammagae ko…

Haijabagi wani … Neeva gi maithongda karino haibagi mami amadi adum tare…

Yaimaran-hoi bye. …

Neeva-um babye .. (makhut hairak e)

Neeva hoigi gari thougatkhre… Yaimaran gari du mamai khanglei leirak e… magi angangsing gi garidusu magi matung induna mamai leirak e… Ibohal wa lang ngangde. Chahi 35 muk surakpasida thabak mayam panarakpa amadi sel thumna thomjanlaga leirakpana Yaimaran awa ana khangde …achaoram kai.. amadi meeoibabu keisu leitana khanli.. pumnamak sel na leiba yabani haina khalli… wasu kaya nganggande… meesu kaya usitte. Adubu mana wa ngangdri matik mabuk tappa Ibohal nadi magi mabuk fajana munna khangba ngammi..

Yaimaran garidu amuk hanna thourakle…. Ibohal kari thoklagadagae khanbada mamme… adubu wadi ngangkhidre. Mitna kuppada Leisna gi thonggal apikpadu yourakle. Wa ngangde Yaimaran maching kangna gari dagi fat kumthakhi… Ibohal na thong hangbaga amta nanghoude. Atopa garida lakpa magi angangsing dusu chenboi lakpoi matung innagae toubana Yaimaran na innarakkanu haibei ingit touramle.

Thonggal dudagi khongkap 10-15 changsillaklaga Yaimaran du nonglei nungsit khanglep lepkhibagum chap leppi. Ibohal na ure Leisna du matung onthoklaga leigi gamla khara yam cheksinna tharaga semmaga leirammi…. Lei singdu baltin dudagi esingdu kalla kallaga tapna chaibiri. Mathouda pukning changkhibana kana lakpagae haibafao ukhidre…

Mathandasu solli…

“Gamla 15 si anouba pambi sing si thajillaga hayeng anouba gamla leiruragae… hannagi lei satlaba gamla 40 muk lemhoubasina thadoknaba toudaba yadre… nattradi ema echa echil epwa chara henba soidre.. hmmm Leisna … Tapthou.. matha sum saraga leibanadi oiba yaroi… nang hayeng thabak yammi… thabak anouba thigadamni.. emagi awatpa hidak leirugadabani… gamla sing lourakkadabani.. ateisu mayam ama thoklakhini”

Fajana tadrabasu murum murum sollibadu kharadi adum Yaimaran na tare…Wahoudokka amta yaoda na ngangduna hanglak e…

“Keino eina thabak lak o hairaga nangna lakoi haidi…”

Leisna du khangprek hek khangi… fuk hougatlaklaga onthorak e… khangboi lakpoi safu kanna fat onthorakpaduda tasillamba samlangdu fajinnaba yaohoudabana choijainana heitharak e… Yamlaba samlang du khomjindana chaiduna leire maramdi makhut animak leikhom teibana samlang du semjinba yadre.

Yaimarangi tamthiba manba saktamduda masadu kibaga pakhatpagana masadu gyan tadre. Supnatagi nourabi maithongda palliba koiraonarabi mitsna aniduna chingnaba ga kibaga pik thanna yomduna gyan mangna Yaimaranda yengba nattana atopa wahei amatta leitre. Ibohal su tuminna leptuna sangtrik yengduna leiri..

Yaimaran na makha tarak e…

“Hayeng karigumba bank ta laklaga nathou touramdraba …. Yaimaran fatte haiba yaroi… nang ei kanano masak khangba nattra.. ei saohanlakanu..”

Asi hairaga kadomdeino khanghoude Yaimaran na manakna leiramba bucket ama makhongna kaokhi… Leisna du afing afai oina manakong mellaga famthakhi… Leisna yam kiganbi nupimacha amani… Khonjel akanba taba ngamde.. khatna cheinaba yengba ngamde… tamthiba asaoba maong uba ngamde… kibana henbani.. pakhatpana henbani. Tasengna hairabada mahakti yam ingna chikna awa ana yaodaba emungda kena mouna leijagadabi nupimacha amani. Adubu maraibakna tamlamdabana awabana kokthong naraba emung amagi macha kokhan laihan oina poklurabani.

Tanjaduda Yaimaran gi call ama lak e… sat paikhatli..

Yaimaran-keidoure..

Gopal-sir cheng gi mayam younarakle.. kanada kaya kaya pikho haibano haibadu khangjagae toubani..

Yaimaran-ngaikho ei lakagae.. ngaihak ngaihallamu… pungkhai amagi manungda youraklani..

Asi hairaga mamittu feina Leisna da amuk yengak e. Leisna wa ngangdana tuminna luktharaga adum famduna manakong du menduna leiri… madu haifet yenglamlaga amuk gate lomda Yaimaran thokhre…. Ibohal su nupimacha aduda haifet yenglamlaga innakhre… Adubu gari mapa yourakpada sho yaoramdre… masada koima marak e… Houjik mobile du pocket tei louthokpada makhada karigumba ama takhibadu mana saomandana hanna yenglamdabani… mathanta makhuttu laibak ta amuk pairak e…

Ibohal na hanglak e…

“Sir keidoure”

Yaimaran-taiban noi sida adum leirammo… ei asaifaoda changlugae..

Ibohal na nokmi nokmi hairak e..

“Shora sir”

Yaimaran-um..

Ibohal-ei yengjarurora…

Yaimaran-yani ei yenglugae garida karamlo..

Mayamdu konthong wangmada loi leihoure… Mana amuk hanna Leisna gi manakta lakpada mamit mama chap yungna mahak yengkhre…

Mamangda Leisna du matung onthoktuna ngasai mana kaoba bucket tu mamangda khillaga khudombi thinduna makhwang mettuna ngasai mana toukhibagum bucket tuda yengduna hairak e…

“Nang hayeng karigumba bank ta laklaga nathou touramdraba Yaimaran bu fatte haiba yaroi.. ei saohanlakanu”

Asi hairaga bucket tu khangkao kaobada makhong du namanduna amuk laorak e..

“Ayo ema sire sire”

Adu hairaga amuk ngasai Yaimaran na sahum chaona suktoktuna chatkhiba adugumna matou tamlaga thonggal lomda fingna leithorakpada Leisnagi yet thangba khongbiduna nungda khudi thikhibadagi Yaimaran gi mamangduda uprak sittuna ture… namanduna kanna laorak e..

“Ema….”

Cheina khangna mamai haigatlakpada Yaimaran leptuna leirambadu ubada leimaida famna famna maning khanghan halli… khanghai hairak e…

“Ash keino”

Magi matoududa Yaimaran du ngaihak gyan am tade.. saogadra nokkadra mathong ama khangdre.. ngasaikhei gyan yam thina taba mallambaduga handak touramliduga eon onnarambaduda ngaihak tumin na leppaga lei… aduagi suklaga feina Leisna da yenglaga magi makhada tariba sho du khungatli… Leisna su vaap tare sho khunba laklibani haibadu.

Yaimaran su kari khallabano khangde ngaihak chattabida lepkak touwi… adudagi wa lang amta nganglamdana mamai onthoktuna thokhre… ma hek thokhibaga Leisna sor hondoklaga ngaihak fammi… suktoklaga sollak e…

“Keino ngasi ei dasha ama efat fattrisibo…”

Khonjel khara takhibaduda manungda mamagi manakta leiramba Mangal thoklak e… machena leimaida famlaga leirambaduda hanglak e..

“Keidouragae eche..”

Leisna-hmmm kei…keisu toude .. ado echena anouba lei khara tharise asise ayukki ahanba nungsa fanggadaba aduga nungthil dana urum fanggadaba mafam da thangjillu…

Mangal-hoi eche… nungdang wairam su oisillakae.. khoi nanao di..

Leisna-eina dukan da pot chei khara leiruchona thakhibane.. kanade lak o… chak nganna thongdoklaga thammasi… singda thongbanina horen ingtharaga chanaba.. nattradi yam saiyeba..

Mangal-hoi eche…

Mangalna gamla thangjinba chatkhibaga Leisna du ekairaktuna machinban chik e… aduga makok tu khotli…

“Kamaina sho du amuk tahourino… ash ei hayeng chatkadro… chattragana amuk kei kei tourakkadra… peisa paiba achou asangnina amuk….”

Ngaihak ungduna vaap fattaba mayam ama makokta thoklak e… tu khiyao chungi… masadu nik e… aduga amuk sollak e…

“Natte natte.. ei siba ngamkhiroi… chatlaga yengagae maong.. Leisna touningkhodana private bank ta thabak… nang kari thokae houjik… sakhodana heipa… thikhodana achum aran.. chukhodana anam aha…”

Somda Yaimaran mayum youraklaba matung thabak pumnamak loisillaga magi toufam thokpa nongmagi work out tourammi. Ateidi amta ningsingdraga ngasai Yaipha na “kaka” haina kourakpadu khangning ningsinglak e… Humang na pumchot chotlaba nupa amagi chap chaba saban palliba masadu mingsel mamangda laklaga yengi… mathanta sollak e…

“Eibu keino haisibo… eigi saban murti saksida mana kaka kouraklidubu…. hera wathi warem touradana angangne kaina.. farakti.. sono ama echu chubra keino moi machin manao du. ”

&asoiba aranba ngakpigani&

Leave a Comment

Your email address will not be published.