https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part 32

Meerangdo Leirangdo (32)

Yaimaran na houdorak e…

“Kari leire Neeva”

Neeva momon noksinnei….

“Yaimaran da eina wafam khara sengdokke toubani… Leisna su yaragadi sida kousinbiraklagadi yam nungaini…”

Yaimaran-ae magi mathou toujarasani… eingonda hekta haiyu yani….

Neeva na tukthasanaraga hairak e….

“Yaimaran da eina haidoise saodi saogano…. eina Leisnabu lanna khanduna mangonda vaap men tadaba thabak khara toukhre…. adugi ei yam ekaire….”

Magi waheiduda Yaimaran du noklak e… Kuina tinnarakpa marup nina Neeva bu mahakna kharadi adum respect touwi… thajei…. tapna hairak e….

“Yareda… past is past… matungda soidraga loire. Neeva na esagi aranbabu fongna haiduna lanle khangbasimuk nungaiba leitre…. sigi wa oiradi toklasi kanade makha tarudana nattra….”

Kebi na mateng pangsillak e…

“Ash kuirabane mana mathwai nungaitana leiraklise… eina lalladi lalle kok haiyu na hairaga puraklini…”

Yaimaran amukkasu noklak e…

“Um yarese tokasi si matangsi… ado eisu thabak aruba mayam pending da leiri… mathang fajana unaraga wari watai fajana amuk tourasi yaine ko… saoningbro…”

Anidu noklak e….

Neeva- saoningdeda….fare yam nungaire adudi eikhoisu amuk thokhragae thabak ama anisu lei…

Yaimaran-um fare…. eisu min ama anida thoklaklagae…

Anidu hougatlak e….

Neeva na Leisna da momon soksallaga kourak e…

“Adudi Leisna eikhoi amuk thokhragae ko”

Leisna di aduk fajana noklaga hairakpadudadi engak ngakkhre…. adubu khumlak e…

“Hoi eche”

Anidu thokhre… Yaimaran hougattuna magi manakta changsillak e…. aduga khuning aniduna table da ngaraga makhut anidu punsinnaraga aduda khadang du thamlaga hairak e….

“Ei thabak atei amukta loisillugae ado eina lakpa nanglagadi eina thingae… nangoidoi oiradi call tourakke taGopal da thilhallo ko…. ”

Leisna du mangonda yengaga tuminna lei…. Yaimaran mana khumdabigi tuminna yengakpaduda nokthorak e…. Aduga masadu amuk tingkhatlaklaga Leisna gi khajaida tapna amuktang siklamlaga lok khu khuna mapanda thokhre….

Kokaisana du machal nupi na ungduna leibadu uraga handaksi khoidou pangsaoda saogatli… Mapa gi manakta laklaga hairare….

“Baba matha yam saba thabak ama leirene”

Teturamsana na churup tu chinglaga hanglak e….

“Karo matanggidano”

Kokaisana-eikhoi ebemma gi matangdani…

Machanupi gi matangni hairakpaduda Teturamsanadu khanghai khangjinda churup mei chakpa matonduna khajaida thok hek thenglure…

“Ayoyo….. sirenehe…. ebemmma keidoure haibano… eikhoi ebemma keidouragae”

Kokaisana na mapada wari pumba lire … Teturamsana du mei houkhei saorak e….

“Kari mathong maram khangdaba chara nama chaba manasu eigi echagi harao tayamba munba yabra…. nang houjikfao keidouri”

Kokaisana-eisu toufam ama ekhang khangdadana leirambani baba….

Teturamsana-hai ahanbada nakhoi nupa 5-6 changduna kihallaga dhamka touraga yengu…. maduda yadradi fumjinkhiba taredana…. hera wathi warem….

Kokaisana du matomta wakhal khallak e..e mapana haibasi touragae haina chap yungna khankhre…

Mayamsi nakanda thamkhraga…..

Somda Kokil ga Ningtam gana tamba Leisnagi paodu tabada Damka na makoktu nalladuna hanglak e…

“Um kariba mamingdu Leisna haiba… ”

Ningtam-um…

Damka du noklak e…

“Adudi madi eikhoigi yam mamal yamba meesak ama oidoirine haisinadi”

Kokil na noklak e…

“Um aduda tare Damka”

Damka-adudi hayengsi nakhoi anina mabu eingonda masak takpa tarene ha…

Ningtamna pangsillak e…

“Hoi Damka… masaksu ayoubida fajabani”

Damka-haaah!!!

Mathanggi ayuk………..

Leisna na khara safarakpadei moupwa anidu tuition thabiba hourabani… Mangal gina 12 exam tharamdaigi revision oina touhalle… aduga Yaipha gina 11 gi mana vaap tahoudaba singdu gi chathallammi… Exam maya oibagi school su suti piribana anidu khara thenglap na hek hek halakpani…

Adugumlaba moupwa ani leitaba maga mamaga dang leiba ayuktuda Damka Leisnagi thonggal da leplare… Manaonupa Subol su yaorakli. Kokil ga Ningtam gana khara lapna gari manungda leihoure….

Damkana chumdring changsillaklaga sumangda gi kourak e…

“Mee leibro… ”

Leisna na thoklakpada Damka leptuna leirammi… madi khangdabanina hanglak e…

“Kana hangbibano”

Leisnagi paokhumdu tabada Damka ga Subol gadu mamai leisillak e. Tasengnamak pomsatnabi attargulap kumbani. Maithong du ubada nik nik hek laowi. Kadaideino mafam khangdana leisillakpa rasi amasu yaori. Khonjeldusu khoithumnei. Nupi haiba jatsi uba yadaba Damkadu leirang laktagi athoibi Leisnabu ubada matin tare. Mayada haying changba khangdre haibadu hek youre. Saramchatki meiriktu mamitta kapthorak e. Machindagi haidorak e…

“Hai hai swaisisu Leisabi masak faja fajabi yam leiramli jatnine sidi… eidi nahankhei khangbu khangde”

Leisna na mayek sengna tahoudadana hanglak e…

“Swaisi keidouwi haibano”

Damka na gyan taraktuna hairak e…

“Natte ei esing khita loujagae haigae touni”

Leisna na tapna hairak e…

“Esinggidamak oirabadi horen office ta lakpiyu. Yumdagi esing order loujade. ”

Damkana noksillak e… Leisna gi mamangda gup touduna hairak e…

“Hanna marol amatang khangjaningduna lakpani. Khajik kharak lougadaba esing natte. Lupa lakh ani gini”

Lising ani chapi bundle du ama louthoklaga Leisna da pi ..

Fammusu haidriba.. kakhatlak o su haidriba mana manggol da kakhatlaklaga peisa pirakpaduda Leisna du angang oirabasu ting sokkhre…. sat khumlak e…

“Esing gi oiradi office ta oina na eina ngasaina haikhre”

Damkana na karemnana hairak e…

“Hera yumda oigaera office ta oigaera esing gi esing chap manei keino… sak ka kaksallakanuda”

“MANADE”

Tung lomdagi yam lumna lakpa nupa amagi khonjel ni. Mayam tung hanna onthorakpada Bobo leptuna leirammi ..

“Manade…. (Bobo na amukka hanna hairakpani) thabak ki wa office ta tougadabani. Yumdi pothafamni. Nanggi darkar leirabadi horen office ta unnou. Nupi angangda usit thaoidaba wangang ka henjillakadi wa kainarakkani”

Damkana na usittana hairak e…

“Daita yam pubiriba somna kana”

Bobo na yam ingba meenok ama noklaga hairak e…

“Adu khangbagi nanggi nathou natte. Chatkhiba yarani. Nattradi swaidagi nakhong nakhut teklaga nayumda thaba ei pamde. Angangsu mande… nakokta nasam angouba houdoire… chatlo”

Mayambada ngangakpaduda Subol na laokhatlak e …

“Heyyy…. nangna…..”

Bobo na khangthat thatlak e….

“Oye… swaida panglao laorakkanu…. eigi maidagi smile se si ubra se…(mamaida khudombina thinjei) sina mangdringei ingna chikna ngangnaba yani. Si mangkhradine noi kanbiba ngamba swaida jiba panba amta thoklakoi… Keikandabada waremda nating fudoklino?? Amuk thabadasu thabam yaode”

Damka du saogatlak e…

“Kari…Kari kariba soinao…”

Bobo-tahoubadra eina houjik hairido ha…. tanaba nanakong tengthoksira..

Si hairaga manggol da kakhatlak e… Damka du fana haibei wani Bobo gi masa mawu maong matoudu ubada kharadi khoutak charabani.

Tanjaduda maningda famungda tumduna leihouba mamaebemma du thoklak e….

“Keidoure nupamacha… Bobo… hai kana kanano sina…”

Bobo na noklaga hairak e…

“Hera Keisu natteda ema… esinggi lakpa oira malle… mana khara pangba jatni adugi khara kan kanna ngangjariba oiramalle… aduda office ta hainou haibani eina”

Bobo na Damka da yengduna hairak e…

“Hei peisadu loukhatlaga chatkhro”

Damka du Bobo bu funinglabani adubu matang du chafattre khanduna peisa du loukhatlaga gam gam thokhre. Mana thoklakpada Gopal ga Asok kana Leisna louba lakpaga mapa chanare… Gopal du pumngak hek ngakkhre….

Toufam khangdraba Gopal na Yaimaran da call tourak e….

Yaimaran-kari leire ta gopal

Gopal-sir…. ebemma madam gi yumdagi Damka du thoklak e.

Yaimaran mayumda mafi loisallaba matung khongup tonggaena famlambani…. fuk hougatlak e….

“Kariba ta Gopal…. keisu asoi angam yaodaba nattro”

Gopal-madumakti yaodaba malli sir….

Yaimaran-haifet changlaga amukta yengbiyu….

Gopal-fani sir….

Gopal mobile du pai paina gate hangduna haifet yengak e…. Bobo, Leisna amadi mamaebemma manggol da leirammi…. Leisna na Gopal ubaga….

“Ae… ta Gopal ei loisinnaba touraklagae….”

Gopal-fani ebemma… ei ngaijagae….

Si hairamlaga Gopal amuk thoklak e….

“Sir… nupa ama su leihouwi… Bobo haibra keinom haibaduni…. keisu thoidokpa touhoude….”

Yaimaran sor mapi ama sangna hondorak e….

“Um fare ta Gopal mabu puduna laknaba toubiro…..”

Yaimaran call du thamlak e…. Adubu magi asaobagi masaktu mamaida tarakle….. mamit ngangsillak e…. aduga sollak e….

“Damka nang aranba meeda namai onsilledana……”

&asoiba aranba ngakpigani. 🙏&

action su amukmuk yaosi mayam bitta sum….. 😀😀 ado amana…..

wari asibu thawai yaona pabiduna like comments pibiduna eibu thouna happiriba readers pumnamak pu eina adukki matik ekai khumnaba utchari amadi thagatpa fongdokchari….. Tasengna hairabada eina ejabana khajiktani… mayamna nungsibibana yamna helli haiba ei khangjei…. Masigi damak mayam pumbabu eina hanna hanna nollukna ekai khumnaba utchari. 🙏🙏🙏🙏🙏🙏🙏

Leave a Comment

Your email address will not be published.