https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo leirangdo Part 2

Meerangdo Leirangdo (2)

Makhada hek lakpaga Yaimaran mayam pulliba kaduda changlak le. Gopal amadi pakhang macha 4-5 gasu mabu ngaiduna leiramli… Yaimaran gi matung innaduna makhoi loinamak Mantri singna leiriba adomda lak e. Yaimaran changsillaktuna mayamgi marakta famlare. Mayam pumnamak mabu ubada momon momon nokli.

Yaimaran-mayam kari leire. Election kuiramlaroine kamdouseba..

Mayam maraktagi ahal oiba minister duna khumlak e..

“Sir adugini mayam lakcharibasi”

Yaimaran-kari tanase ba ..sel giro..

Atopa khara naha oibaduna amuk khumlak e..

“Ahoi sir madumakni.. adugidamakni mayamna lakcharibasi. Shakti di sel ga sinnagadabani. Maramdi fana haidunasu eikhoigi nagarik sing yamna pangli. Sel pamba na ayambani. Sel dani ngakta laktoisi. Sel yaodana vote kabadi oithokloidabanina………………….”

Yaimaran na tap oklak e..

“Yai keisu kaide. Mayamna fagani khallabadi fagadabadu tou. Toubatabu eina haigadabadi changgadaba sel kana kanano hentokna pukho maramdi masisu eigi business ni. Eigi peisadi mangba yaroi. Mapangi eiga chatminnariba company ani ahum siga loinana eina mafamsida senmitlon pumnamak paisinnaba hotnarakpada nakhoina mateng loina panggadabani. Aduga khwaidagi chaoba thika gi thabaksing eigi khutta mana manil naidana thadarakkadabani. Eigi company gi potna namna market ta fanghangadabani. Peisa heithou…peisa pukho… laira tolla tarabasing bu nungsi bagi namada peisa pithok u. Pot chei cheng yenthok u. Wari sajallu…touba yaba tousillu. Aroibada samaj sigi leingaklon amadi senmitlon di eikhoina paisindaba yade simadi munna khangjillu.

Anouba scheme kaya puthok u… prajabu sumhatlu… lairababu sougatpa yaba policy program kaya paikhatlu. Prajana yahallu. Toubatabu changkhiba sel kaya adu kupkhatnaba thousil kaya paikhattuna leibakki senmitlon eikhoigi khutta thamnaba tahangadabani. Changkhiba sel mayamdu amuk senthak thongduna tongnaba hotnagadabani. Is that clear?”

Mayam punna-fagani sir.. sir na sel dubu thadabirakladi pumnamak fanaba eikhoi sinjagae..

Yaimaran-fare taiban mayamgi coffee tou….

Si hairamlaga hougatkhre… Mana hougatpada pakhang macha 4-5 dusu yaokhre…

Thongjin mapanda Yaimaran na hairammi…

“Party gi mee sing kouthanaba tou.. masak naiba kana kanano… peisa thadagadoubanina eikhoina mai paktaba sukya yade. Noi mayamna kupna hotnagadabani”

Masi hairamlaga kadu dagi khong thangdokhre…

Mafamdudagi thoklaklaga Yaimaran atoppa ka amada amuk lakle… mafamdudadi supnatagi Ibohal dang innarak le. Ka adu yamna ka ama henna nalli… maduda masak sathina fajabi nupi leisabi ani famduna leirammi… Anidu amana Neeva aduga amana magi mamanabi Kebi ni…Madu ubada Yaimaran prap prap changsillaklaga nokfet touba meenok amaga Neeva da mitchi tak khatchillaga famtharaga hairak e…

“Kei leire noi anidi.. yam nganna yam thajadana”

Neeva na nokfet touna hairak e…

“Sir gi bank ta loan ama gi che thajakhibadu yaradra haiduna hangba lakchabani”

Yaimaran-sir natte .. Yaimaran… eigi ming Yaimaran .. (Ibohal da onsillaga) loan du sat pikhinaba tou taiban…

Ibohal-hoi fani sir…

Neeva na harao minok ka loinana makha tarak e….

“Um yam nungaijare… ado Yaimaran gi eina pujarakpani si paisinbiyu”

Wall hanging yamna mamal yamba amani…

Yaimaran-um taiban si paisinbiro…

Ibohal na khudol adu louraga wall da fajana mafam chana thetchilli…

Yaimaran-keisu khalluranu… loan du pijaraklani… horen chatlaga hekta lounaba touro..

Neeva-hoi fare aduda….

Yaimaran suklapna…

“Aduda keidouraba”

Neeva-eigi school gi plot tu mayek sengba watli haiduna nouna lakpi clerk tuna yetpagum touri… madu kamdouni Yaimaran…

Madu tabada Yaimaran ping laowi…

“Karibo… eina manager da haikhrabadu clerk mana karigi yetliba.. ei bank ta chattrabani.. thabak pumba manager na loina panarabani… fare adugumba ama leirabanina ngasi nungthil ngaihak youruragae”

Neeva du haraobana loijare .. Hougatlaga hairak e…

“Um adudi ebani su thokchakhragae”

Yairaman-um yare horen nungthil thengnarasi..

Neeva Yainaran gi piklingaidagi tinnaraklaba magi classmate ni. Yaimaran gi apokpi di mana pisak piklingei leikhidrabni. Aduga mapaebungo na mana chahi 20 khitang hengatlakpada khudong thiba thoudok amadagi masa tangkhai ama pangthakhiduna thabak pumbadagi pothakhrabani.. aduna maram oiraga yamna nouna Yaimaran na pumnamak panaduna laklibani. Mabu mipum khudingmakna khi khi kinei. Kanamata maga onsinnaba pamnade.

Nungthil du Yaimaran hainakhibagi matung inna bank ta lak le. Ibohal na garigi thongdu hangdoktuna mahak kumtharakle. Hanna yenglamdana manager gi manak tamna direct lak e.. ma ubada thajadaba ga loinana pakhatna manager na handshake touduna kourak e…

“Sir kari soiba yaoragae”

Yaimaran-Neeva koubi amagi school gi loan pikho haibadu keidoure houjikfao pidradi..

Manager na che changdu yenglaga hairak e…

“Ahoi sir…aduda ..”

Yaimaran-aduda keidouraba..

Manager-sir magi plot tu mayek sengba watli haiduna haibani..

Yaimaran maching lakle.. finglapna hairak e

“Kanana hairino”

Manager du lakak touwi….

“Ebemma LEISNA na……………………..”

Yaimaran-kanano Leisna haidi..

Manager-anouba lakpa staff ni sir..

Yaimaran-kourak u…

Managerna peon thaduna Leisna bu kouhallure. Leisna tapna changlak e..aduga yam tapna hanglak e…

“Sir ei koubibabu….”

Yaimaran mamaiga onsillakte..chair duda tung onna fammaga yam usittana hairak e..

” kanana Neeva gi loan pibada thingino”

Leisna na tapna adum khumlak e..

“Sir eina yengbada magi school gi plot tu mayek khara sengde haiduna……”

Yaimaran na khon kantakna thatlak e..

“Taiban… Manager da haiyu Neeva gi loan gi wafam du ngasimak loisinlu… aduga madugi clerk tugi termination letter pithokho”

Hanna yenglamde.. si hairamlaga nungsitkum yangna thokhre Yaimaran. Mana thabak thadatlamliba nupidu hannasu yenglamde… masak fao khangninglude. Chatna chatna mabukta khalli…

“Kei kandabada chagat chagat”

Ibohal na nupimacha duda munna amuktang yenglamlaga manager da ingit piramduna masu tung innakhre. Makhoi hek thokhibaga manager na Leisna bu themjillak e….

“Saorunu ebemma… achoubana machabu usitte.. nungaibana awaba khangde.. masini taibangpan gi chatnabi”

Leisna gi awabana fungatlaba thamoidu cheina faorak e… adubu pumnamak fajinduna asitamak hairak e…

“Sir”

Masi hairamlaga mahak wa amatta nganglamdana mapanda thokhre. Wa ngangfam khangdraba manager Manglem fumbangnana leptuna leihoure.

Leisna magi famfamduda laklaga hikna kaplak e… madu ubada maga thangnana famlibi Purnima na hanglak e…

“Keidoure Leisna”

Leisna-eche ei thabak thadatpiramle..

Purnimana ngakna…

“Ae kanana karigi”

Leisna-sir Yaimaran na… nahan Neeva koubi amagi loan gi che thagatlambadu eina magi school gi plot tu mayek sengde na hayeng asoi angam fatta nungda thokladi kanamta yenghoudra haiduna meewa tani khanduna sir Manager da Sir Yaimaran ga amuktang tanabikho hairubani adugini..

Purnima-ae aduda kari aranba yaogaene… nanggi wadu chumlibanine..

Leisna na mapi tapna teithoklaga hairak e…

“Lanba landabagi natte eche… eina achumba khara hairubadu magi thamoiga mapa chanarudaba oiramlani. Neeva haibidu magi khangna chanaba oiramba tare eche”

Purnuma na suklaga hairak e..

“Adubu wadu taba yadre haibanida… mabu khajiktafao kok khanthadraba jatla sini”

Leisna-makhoigidi ei ama yaoba yaodaba haibasi karisu khanba nattedana eche. Ei anoubani tha ama ani khakta ngairi aduna sir na masak fao khangdabani. Einata khangbani. (Mapi taraklibadu teithoklaga sor mapi ama hondoklaga hairak e) Fare eche thabak ama amuk thiba haiduni… ei chatle eche..

Purnima na fingna hairak e…

“Ngaikho keinone. Che chang thokpa maksu nattri… chumnata chinna haiba oiramni..”

Leisna-ei ngairaroi eche..

Leisna thoklak le. Purmina tingak tingak yengduna leihoure. Gate yourakpada Yaimaran na pao pibadei khanglabi Neeva ga Kebi gadu gate tagi changlakpaga mapa charure. Leisna na nonthaduna chatke toubada Neeva na changsinduna hairak e..

“Eina nahanna haiba matamduda marei touramdradi si thokloidaba.. mapan thoklakladi mee masak khara khara khangune”

Leisna chap leppi. Karigumba khara khumsira khanbani adubu wakhal khantharak e.. meeoiba mapokni thangnaba mitkup ta kari thokkadagae khangba natte. Aduna mahak wa nganglamdana Neeva ga Kebigada amuktang yenglamlaga theidoktuna chatkhre. Gate lanthokhre. Anidu yengnaraga nokminnei aduga manungda changkhi.

Emunggi leita lairana nallabi.. anabi mamagi meisa langlabi nouribi Leisna gi kokthakta puriba cheina asi atopa kanana khangdrabasu pumnamakpu sembiriba mahaknadi khanglamgani. Adubu mahak yamna ingna tapna bag ta yaoriba sel kharaduna chana thaknaba khara leiraklaga mayumda puduna lakle. Mache bu ubada moupwa ani…. Malem amadi Yaipha changsinduna yenglak e..

Malemna machebu yengduna hairak e…

“Eche …keidoure nganna halakadi”

Tanjaduda mamaebemma Sanarei su thoklaktuna machin moupwa gi manakta famlare. Mamaebemma bu ubada Leisna na awaba pumba lottuna noksinnaraga hairak e…

“Emagi hidak leihoudabaduda toubani bungo.. ado nanao esing purak o.. mamagi hidak pijasi”

Yaipha na esing puraktuna mamaebemma bu hidak pijare. Mama macha makhoi maridu manggol gi dhari duda famduna wari watai saba houbata ngairi… ngasai pung 2-3 gi mamangda mabu thabak usit thaoidana thadatlamba Yaimaran amadi Ibohal ga loinana Neeva Kebi pumnamak mari mari changlaktuna magi mangda leplare…

Mayamdu ubada Leisna ngaihak wa ngangfam khangdana yengduna lei… Sanareina hanglak e…

“Kana oibiraba… ”

Ibohal su ngaihak tingak maingaknaduna wa ngangdana Leisna da yenglak e…

&asoiba aranba ngakpigani&

Leave a Comment

Your email address will not be published.