Meerangdo Leirangdo Part 14

Meerangdo Leirangdo (14)

Yumda halakpaga Leisna du emungdafao changdana mangol dhari da makhong yanthaduna famlaga lei. Mana adumna leirambaduda mamaebemma Sanarei na hanglak e…

“Keidoure nupi macha”

Leisna machin pomthoktuna…

“Ema ei thabak si tokasira khangde”

Mamana ngakna hanglak e..

“Karigi?? Nanggi thabak si fei keino… karigino nangna tokningliba? Pay yam fajana chang naina pi.. private oirabasu pigadaba nanggi tolop ti chang adum naina sarkar hi tolop kum piri…”

Leisna-tolop ki natte ema..

Mamana khantharaga hairak e..

“Tolop ki nattradi karigi ebemma”

Leisna du mamagi manakta nakna changsillaga famtharak e… aduga bag tagi peisadu louthoklaga mamada pi.

“Se tolop ti ngasisu pirakle. Ado ngarang gi emaga hospital chatlubado nongmagi absent oibagi peisadi kakhoure…”

Mamana noklak e…

“Adu kakhoubagira nangna thabak toklani hairidubo”

Leisna pisum suklaga khumlak e…

“Adugi natteba ema”

Machagi matou ubada mamaebemma Sanarei du mabukta chingnaraktuna maithong maksinkhre…

“Adudi karigino haiyu tasi”

Leisna-eikhoigi bank tugi mapu sir Yaimaran haidu khangidana…..

Mamana tapna chingnarap touna hanglak e…

“Nakhoigi bank tudi Yaiskullakpana lingkhatpa nattrane..”

Leisna-hoi hoi Yaiskullakpa sir gi machanupa ni Yaimaran haisi…

Sanareina gyan taraktuna…

“Oh oh adu oire… adu keidouraba”

Leisna-adugi sir du ei yam heinadre ema.. numit chuppagi mamit tu eingonda huran huranduna yengi. Nahanwaidi bank ta ayamba laktabani.. manager na loina panabani…ado handakti nungtigi ngaihakta oirasu adum toina lak e. Maong ama etou touwi. Yam heinade ema..

Machagi wadu tabada mamaebemma na kuina khallak e… tunggi manggi houjikki kachin koya kaya yengduna khallaba matung tapna khumlak e…

“Pakhangla”

Leisna na fi fi kamduna khumlak e…

“Hoi pakhang budi pakhang ni… pakhang ariba khumu thokpani… nungsidabana pelle. Yotchei ama puraga makoktuda hek kanba aduga hattokpa. Adu oiradi yam nungaidou malli”

Mamana machabu munna yengduna hairak e..

“Um pakhang oirabadi apam nungsi oiba mahousagi machat touba oiramba yai… maramdi mama oibi eina panghai haibagi wa natte eigi echasu yengbagi penba naidabini. Pomsatnabi attargulap makka chap manabani. Adubu eikhoiga makhoigadi thak adukki matik khetnabana nungsi khudi thiba yade emagi ebemma.. yam cheksillu.. keidoungei dasu naitom leiganu. Mayam punba mafamda leigadabani. NAITOM TABA SAN KEINA CHAI HAIBADU KAOTHOKKANU. NUPIDI MASIGI EPA EPUNA THAMBIRAMBA PAOROU SI YAM TOINA NINHSINGGADABANI. KARIGUMBA EEJAT SOKPA YABA WAFAM LAKKADABA OIRABADI OFFICE KI NEOM KANUN ..THAKSI KHASI.. FAJABA ATHIBA PUMBA LANGTHOKLAMLAGA LAKKADABANI. MARAMDI EIKHOIGI SAMAJ TADI NUPI OIBIGI EEJAT HAIBASI MANGFADABA POTSAK AMANI. Keidoungeidasu naitom tadanaba hotnagadabani. Emagi nangonda takkadaba loire. Makhadi nangna lepchou. ”

Leisna du mamabu yengduna momon tourak e…. Sanarei na machabu yengduna makokta nanbiduna hairak e…

“Fare pothajaruro.. pangwasu warunu echasidi…toufam thokpa adutang matamgi khonglei matung inna touraga loire. ”

Leisna du houjiktada hougattuna emung changkhre.

Somdana Yaimaran du mayumda leising dugi makhongda famli… Bobo ga Arun gadu magi mamitta uduna adum leire… Hougatlaga amuk chatli… amuk fammi… Ibohal laktuna hairak e…

“Sir”

Yaimaran khanglap touna fat onthorak e…

“Um taiban kei leire”

Ibohal-security si hengatsira hangjagae toubani…

Yaimaran ngaihak khalli….

“Hengattrasu yanida… yumdadi baba leibanina hengatke hairasu yai eigidagi thoina darkar leiteda”

Ibohal-fare sir adumna toujaragae…

Yaimaran na sat hangak e…

“Taiban”

Ibohal-haibiyu sir….

Yaimaran-ngasaigi bora chafamda leihouba nupamacha singdu kei kei ming kougae kana kanano adubo…

Ibohal momon touba maithongga loinana khumlak e…

“Sir ei hangjarakura houjik”

Yaimaran-um…

Yaimaran onthoklaga ungduna suktoklaga lei…

Ibohal na manager da call tourak e…

Manager-taiban kari leire takpiyu…

Ibohal-ah manager ebungo bank ki employee pumbagi details houjik fangba yagadra…

Manager-file di bank ta leihoure….ado taiban eigi laptop tadi details tu yaori .. eina loina haptuna thambani.. mail toujarak u haibra…

Ibohal-um yam nungaijare… yaragadi houjikmak amukta eikhoi sir Yaimaran gida….

Manager-fani fani… ei toujaraklagae…

Ibohal thamlak e… aduga tapna hairak e…

“Sir mail touraklani hairi….”

Yaimaran-um fare…

Ibohal mafamdudagi thokhre…

Ngaihak leiraga mail tourak e… Yaimaran sat check touwi….photos singduga panana sum yengakpada thengnarakle….

“Um… Thoudam Arun… Chongtham Bobo”

Manager gi number da call sat touwi…

Manager-sir kari takpigadaba…

Yaimaran-Thoudam Arun hairisiga Chongtham Bobo hairisiga anisigi thabak kamdouwi manager… haidi asoiba leitabra…

Manager-sir angang anidudi tasengna hairabadi asoiba amatta leite … yamna active oina thabak touwi… aduga yamnasu chamba yamnasu faba angang ngaktani…

Yaimaran wa makha taramde… maya chiklaga call du adum kaklak le…

Khanba yaba makoktu leikhaikhei khallak e… aroibada solution fanglak e…

“Um maram chadana makhoibu tanthokpa afaba natte… angang machagi kok taraga tokkani… makhoisu masagi mathou fajana touri… eina masida khut thingjillubadi achumba oiroi.. ngammi haiduna eina pangtou toubasu afaba natte… adudi ei houjik keidougani……”

Yaimaran ngaihak khallaba matungda matomta momon noklak e… aduga leising amadi gamla singduda yenglaga mitchi khatchalli…. machinda sollak e….

“Thanks gamla…..”

Asumna matam khara houkhre… nongma Sunday numit amada Mangal na khabar paiduna lao laoduna chellak e…

“Eche ho eche…”

Leisna epa pakhatna …

“Keino kei yaoragae”

Mangal sor thabet thabet honduna…

“Tu gamla gi order…”

Leisna-kadaino… aya sidi gamla 300 nina… hapta ama fare happise… nangna ngasida thengnarisina keigi…. meena hanna yonlamlani…

Mangal-ash khoi chegi kok sidiba… yonkhragabu houjikfao hapkhidro…

Leisna-kei numitfao no… tang 26… tang 26 ti ngasinine… nattro ngasine…

Mangal-mane…

Leisna-yaramkhidoi jatla…

Mangal-ash kok hango dana… no.pirisini…

Leisna-amta call sat sat tou…

Leisna du masadu ethak thakakpana loire…

Mangalna call toubada nupi ama pairak e…

“Hello”

Mangal sor thabet thabet honbamakhei hairak e…

“Eche mafamsi gamlagi order toubibadu oidoira…”

Nupi-hoi mane mane…

Mangal-300 si pullap loubigadra…pullap pujarakpa yagadra…

Nupi-hoi pullap lougadabani… pullap pubirak o…

Leisnadi haraobada gyan men ama tadre… magi laibak thambal satpaga chap manana khanjei… adubu amuk Mangal da hangi…

“Keino asuk kuibasibu atoppa mee amta lakta jatla…”

Mangal-ash eikhoi che sima… nangna adu amuk thigattana wabi leirabo… magi laibak fabane khandeba….

Leisna du noklak e…

“Hoidahe… nattra…. fare ado gamla du amta subra masinggadu thidoklucho chatlo”

Mangal-suramgani keino… 300 di laina henlamgani… echena sembatani kanmatanadi pakna leisu leidana…

Leisna-hoine ado amta thidoklucho… khwai fajaba ngakta khallu… noi tamo su kou…

Mangal-hoi…

Mangal chatkhre.. Leisna du haraomandana chong e…

&asoiba aranba ngakpigani. 🙏&

Meena khanbana ama laina tambana ama haiduni… Leisna ebemma pellabani seita. 😑

Comment piba kaobiganu,writer bu pukning thwgatpiyu

%d bloggers like this: