https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Meerangdo Leirangdo Part 12

Meerangdo Leirangdo (12)

Meeoibagi pukninggi ethilgi angakpa saklon ama lei. Karigumba kanda pukningga angaoba thamoigi ehouga punsinnaduna touthok nungthoktaba thoudou kaya tattana tourakpa.. khangna khangna afaba oirasu fattaba oirasu thingba ngamdaba punsi tangkak kaya yaodaba natte…. 🙈😁

Adugumlaba angaoba thamoiga loinaraba pukning duna awonba anouba thabak ngakta tourakpa angakpa natte.

Chaodunata leiba pongdunata leiba.. mangal masek na numitkumba.. nongsha labagi saban taba….kuchu mayaioirap touba Yaimaran du karamba thamoigi ethilno masa faoba khangba ngamdana nongmagi routine kaya onthorak e.

Karamba wakhaldano khangde nungtigi walking chatpadu Heingang-Pangei faonafam chinglomda nungtigi lakpa hourak e… Atei aruba thabak mayam ama leirabasu Leisna ns thabak touriba bank tuda mahak nongmagi min 5 oirasu lakhoudaba yaraktre.. masi magi heinabi oirak e..

Sum houkhibana tha ama fajillak e… Mahak nungtigi toubagum bank lomda lakkadabagi thoklak e…ngasidi Thebo du yumgi thadokpa yadaba thabak khara leihoubana magi matung inba yaoraktre…

Ibohal na tapna hairak e…

“Sir ei thou….”

Loibaga nangde….

Yaimaran-yani taiban ei thougae…taiban tongbiro….

Ibohal kakhattuna tongkhre… Yaimaran na maka lambadu ubada Ibohal adum khangle…. tapna hangak e…

“Sir bank lomda chatkadabra… pung 3 chap chana yumda mee lakadaba leibaduna kamdouba…”

Yaimaran-nangni taiban… bank haisi sel gi wafam nina toina check toudaba yade…

Khumlakliba wafam duda Ibohal du nokninglabani.. maramdi sel gi wafam di loinamaktani… bank sidi amaromda karisu natte magi oinadi… adubu mahak tuminna leikhre…

Bank yourakle… Yaimaran sor mapi ama hondok e… Ibohal na magi thongdu hangdokpigaena kumthagae toubada Yaimaran na hairak e…

“Yani taiban ei toujaragae….”

Si hairaga kumthaduna chatkhre… magi angangsing dudi mapanda leihoure… Ibohal na matungda tapna innarak e ..

Yaimaran ahanba hek changakpaga nungtigi yengbagum Leisna gi famfam da yengak e… Leisna leiramde.. mamit suktak touwi… manager gi manakta leibra haiduna fingna changsillak e.. mayam na lepkhathoubagadu amta uraktre mahak…

Manager gi nakta lakpadasu Leisna leiramdre…

Manager-sir kari leibiragae…

Yaimaran khanghai khangjinda…

“Kai leikhragae”

Manager du gyan tadre… amukka hanglak e…

“Karibuno sir.. ”

Yaimaran mathanta gyan tarak e mana ngangluri wadu…. ek aa touraga theidorak e….

“Eina haidi… file aruba singdo haibani…”

Manager-karam ba file oibirabano sir…

Ibohal na taap oklak e…

“Sir Manager ebemma Leisna udena eina changakpada…. kadaida leikhi jatno…”

Yaimaran du Ibohal da khangyeng yengi… Ibohal keisu khandaba saduna chumnasum hangba sabagi maithongda leirammi…

Manager-oh taiban madi ngasi suti loukhre…

Ibohal-oh oh.. aduginidana eina ude haidi…

Yaimaran du bit khangtat hek tatli… Manager du amukka hanna Yaimaran da hangak e…

“Sir karamba file oibirabano”

Yaimaran-bank ki aruba file loinamaktu cheksinna thammu haigae toubani… noi houjikan yam cheksindre haiba pao lak e eingonda …amuk hanna lakhanganu… aduga hayeng pay day oiramgani… ei laktrifao pay piramba yaroi..

Madu hairamlaga fat haidoktuna chatkhre.. Manager da haifet yenglamlaga Ibohal su innakhre… Manager di gyan mangduna leihoure…

Yaimaran mayum hallaklafao toufam chafam khanglamde… mayumda guest lakpadufao hek nachangdre… machi machi ungba hourak e…

Mayam chatnakhraba matung Mathanta balcony da leiba lei singdugi manakta famlaga lei…. Thebo na mabu koithi thirak e…

Thebo-dairan kari ensang chaninggae kari thongu haibano hangak e…

Yaimaran suklaga…

“Ei chak chararoi Thebo.. noi thokpa touro…”

Thebo du mangonda suktoklaga hairak e…

“Kanaga amuk keidounarakagae dairan”

Yaimaran du saona hairak e handak e…

“Thebo eigi kok chakhanlakanu… chatlo amta…”

Thebo du khoidou saogatlak e… kibana wadi makha taramdre adubu porok sonba hourak e… floor sengduna leiramba Boicha ga hek oknare… mana murum murun sonla lakpadu ubada Boicha na hairak e…

“Keidoure amuk…”

Thebo-matu kainareye…

Boicha du khangprek khangi….

“Ash karinoda”

Thebo-natte kari ensang thongdoina hangbase kayam kaige.. JCB nungjreng se ei wa yam ngangningde… khitang matha sabeisu chakta tainei …mabu chahi 3 gi anganglo…

Boicha-tapna ngangu da… nang sirasu ei siba ngamkhiroi…

Thebo-hatpiradi fanabu farabane… hinglingai tou ngamdaba thabak kayama siraga tougae… ahing nungthil mathong khangdana ma tamnara hatke…

Thebo du fingna gam gam chatkhre…. Boicha noklaga leihouwi…

Mathanggi numittu Yaimaran ahing tumdabagi mamit kadu loina pomtak tare.. Leisna ngarang karigi laktabano masi khanbada mahak tumkhidabani.. nong nganba ngaikhibani..

Leisnasi angang oimanbana mana yam munna yengsinbasu ngamde… tumsinkhidra pakhatli… aduga yenglurabasu amuk wanthakhidra haina khalli.. aduna haifettang yengjabadagi henna yengba ngamde. Nungtigi haifettang yengjabanina magi mit amadi thamoina penba naide…

Ngasidi thabak pumba cancel touthoklaga bank ta mahak hekta famduna leire .. Manager na pay pinaba mayamdu mathang mathang amamam kousilli.. Leisna gi matang yourakpada Yaimaran masa mawudu semjillaga fajana nanna fammi… Leisna changlak e… adubu mahak Yaimaran da amukfao yenglak te..

Madu Hek ubaga Yaimaran na khatnaba houduna hairak e….

“Manager absent oibakhei nongmagi peisadu kaklaga pikho… masu ngarang laktadai tolop kakthatlu”

Manager na luktharaga khumlak e…

“Fagani sir”

Peisadu nongmagi 325 kakkadabadu farak taduna manager na 320 khak louhouraga Leisna da pirak e…. Leisna na lougae toubada Yaimaran na khamlak e…

“Ngaikho”

Leisna peisa lougae touba makhuttu khangching amuk chingsillak e… Manager su khangprek khangduna wahangga loinana Yaimaran da yengak e…

Yaimaran thousadana hairak e…

“Lupa 5 henjille magido… lupa 5 louhoukho”

Si hairaga Yaimaran du suknok hek noktana Leisna da mitmei na yengi… Leisna su ahanba oina kina amuktang yenglubani adubu Yaimaran na mangonda yengduna leirambadu ubada khangprek khangkhre… Masadu tufak tufai chankhre.. anam aha chukhre.. second ama fadana manaidu fat leithorak e…

Manager na lupa 5 thiraga peisadu chumna pirakle..

Peisadu louraga Leisna sor thingba makhei hathu hathu chatkhigae toubada Yaimaran na amukkasu thinglak e…

“Ngaikho”

Leisna kokchaobi kai… asomda mathanta sugatlaga sonli…

“Ashhh keino… maha Durbasha…”

Tan tanna mamai du onsillak e…

Yaimaran-ngarang keigi laktrino… kana unaba chatluino…

Wahangdu tabada odd oire… Manager di mamit mana chap yungna yengi… Ibohal di normal ni.. Leisna na gyan mangna khumlak e..

“Ema masa ngamdabagi checkup chatlubani sir…”

Yaimaran thamoida dhak laowi… adubu kana khanghandana hairak e…

“Oh adugi oire….”

Leisna-hoi sir…

Yaimaran wari makha taningbani adubu wahang leitre…Leisna su haifet lepkak touramlaga fat thoklak e… Luktharaga leiriba Ibohal du handak su wa ngangdana mathanta nokmi nokmi tourak e…

Somdana hek thoklakpaga magi famfam tanna chellak e aduga esingdu sat louduna thak e… madu ubada Purnima na pakhatna hanglak e…

“Heima kari touragae nangbo”

Leisna esing thakpa loiraga sor sangna hondoklaga hairak e…

“Keisu toude eche… esing khourangba…”

Purnima-ehe masidi… tapna toune… ei pay lourukhigae ko…

Leisna-hoi eche..

Purnima chatkhibaga Leisna famtharak e… ngaihak min amamuk tuminna fammi… aduga mamaidu makhut anina khumlaga mathanta sollak e…

“Hingchaba bhoot pret haisi asumaina tou jatla….”

“Thengnaraga khangba haiduni….”

Leisna khangprek khangi…. mamai du fat yenglak e… Yaimaran du amuk leptuna leiramme magi nakanduda… atopa mee singsu leibanina fajaroidaba thabakti kaya toudre…

Wa ngangdana Leisna gi esingdu paikhatlaga thak e… Leisna di gyan men ama tadre…

Yaimaran-amuk wantharakkanu… ei esing thakpa lakpani…

Leisna du tuminna lei… Esing du thakpa loiraba matung bottle du thamlak pada Leisnagi peisadu hapchindabida adum magi mamangda thamlaga leirammi…

Yaimaran wa ngangdana nokfet touna nontharaga leiribi Leisna da yengi… aduga khanghoudana magi ngasaigi tonganna pikhiba lupa 5 du fat louwi… Leisna du khangprek khangna Yaimaran da yengak e…

Yaimaran-sina ei mithai chanaba….

Makha taramdana lupa 5 chandi du langkhat langkhattuna chatkhre aduga tolop pifamda changkhre.

Leisna du kisu ki khoidou su saogatlak e… peisadu tap pairaga bag ta hapchilli… peri peri suktoklaga machinda sollak e…

“Ei lupa 5 su loubikhre.. magideidi piningde”

&asoiba aranba ngakpigani. 🙏&

Leave a Comment

Your email address will not be published.