Meerangdo Leirangdo Part 1

Wari houdringei wafam kharadang 🙏🏻

Wari asi kanagasu mari leinajade… esagi kalpanana sagatchabani. Maming leifam ama ama manaba yaorabasu tan chanarubani khallaga ngakpigani. 🙏🏻Pabiriba singna asoi angam yaorabasu ngakpinaba amukka hanna haijari 🙏🏻 Leijare mayamgidamak khudol tamjaba………..

Meerangdo Leirangdo (1)

“Sir khoigi school fees si haisu haibani khara okhak yamkhre. Laima eikhoidi puba thangba ngamdre”

“Ebemma keinone…. Ngasi anoubasu natte hanna eleven karakpada peisa khudingmak …. admission gibu oire monthly fees kibu oire loinamak utchakhrabaduni. Natte hanna ngamni ngamloi khanbihoudro”

“Ngamgadra khanduna tourubani aduda yamna wasallaklaba adugini. Gyan tade tourise… private secondary afabanena tourisina lairik fajana takpa taktabagi wasi tokhraga satra makok thongba lakpa position holders singsina lupa lakh lakh pisandana leire.. khudongchaba kaya pisille… aduga mayam marak tinduna lairik ti tamjaningba aduga thawaisu yaojaba aduga shakti hidannabagi lamda khara watlouba.. position nungjisan yaohoudraba karisu khangjadaba satrasing adudagina ngasai position holders sing adu leinaba hotnabada changkhiba sel mayamdu kupkhatnaba hotnabada maduda eigumba lairabi mache.. mapa mama sing di fees hunnaba hotnaba da puba ngamnaba hotnabada yada haying changba kaore haiduni tourise”

Oiriba angang khutoiduga ngangthoklakliba wataduga onthokna khetnaba haibadu oire. Likhatli khutlikhattuda Clerk tu mihun ping ping hek kangi. Pukninggi maching laksinnaba hotnabada mana (ear) nganglap touwi. Angang oiriba nupimacha duda yengduna muklaga hairak e…

“Ebemma hoida tamda yadena neklabrane… ebemma khoina tamjagaena lakpa nattro”

“Hoine sir…adubu NINGTHOU OIRIBA SING SI LEIBAK TU PRAJA MEEYAM LEITRABADI NINGTHOU OIRIBADU KANADE hainaba amadi leibani. Sir hoigi school si eikhoigumba singsina tamgae haina laktrabadi sir hoigi building si kanadraba yumjao taduna tokkani. Sir hoina thawai tana lakh kaya heijinduna leiriba position holders singsi masing kayano.. 25 khaktani..aduga high marks fangbaba 1000 adumaina leiramgadra… adu oirabadi satra leibada sijinnariba peisadu tokpiraga maduda changgadaba peisasing gi hisab adu changchatta hotokpiraga student khudinggi lougadaba fees adu chap manana khara khara hantharaga loubiradi yam nungaijagani haijabani. Lairaba enak khunba satra loina haraogadra khanjabani. ”

Office kadugi thongnao duda chahi yamna nouribi nupimacha amana mabuk kangtak touraga clerk aduga marei yetnariba adu mapanda car manungda famliba Yaimaran na tari. Nupi macha adugi masaktu fana kanna yengnaba hotnabani adubu salwar gi fi aduna mamaidu yetkhibana uba fangdre. Secondary school adugi Mapu oiruba mahaksu wahei singdu tabada maching di haigatlabani…

Clerk tuna saona finggatna hairakle..

“Yare lengkhro ebemma…. eikhoi thabak yamna chilli warem gi matam leite. Calendar du angangda pirakagae”

“Esagi mot khajiktang fongdokchababu warem ni khanbibasi angakpani. Afaba pamdaba kana leibagae.. Sir hoigi si fei haiduna eisu epwa si tamhanjarini. Maduda eina haijabadi satra amaga satra amagagi marakta thak naibagi chatnabigi amangbasu lei haijabani… ngakpigani sir gi atangba matam khara eina manghanjare”

Si haiduna nupimacha adu mapanlomda thokhre. Yaimaran su masaktadi yenglagae khanduna ngairabani. Adubu thoklakpada fi duna mokok kuplaga machin hengatna khumkhre.. yaklaba nungsa adubu khangba ngamnaba haiduna satin adu khandoktuna tupkhibana masak tu uba fanghoudre…

Yaimaran ngaihak famlaga sum khalli… adubu nupimacha adugi achumba wahei kharadu mangondadi usittaba oina loukhre..

Asumna thabak ateising loisinlamlaga nungdang pung 9 taba aduwaida Yaimaran mayumda lakle.

Hek yourakpaga khanglao laorak e…

“Chatlo aada”

Saoganbada maching kangganbada makok thongdunata laklaba Yaimaran ni. Laoribadu kanadasu natte magi hui jao anidudani. Litliba jacket tu louthoklaga laktana famungduda langsilli… aduga makha tarak e…

“Famungnena noina tumnabado mangaire… gadha singse…”

Mafi marol fao hongdana famungda chongkhatlaklaga khongup tu yao yaona longna hiptharak e… Huisingdu chatte makhada famduna Yaimaran da animak na yengli.

Yaimaran ngasaigi nupidugi wadu sum ningsingduna leire.. khoidou pangsaoda saogatpa haidu oire. Uisilluraba mamit tu amuk khangpang pangthoklaga laorak e..

“Sida kakhatlakpei asha ga tourammadi nayanglendu teknaba kaothekkadamni eina noi”

Si hairaga amuk uisinkhre. Huijao anidu sha oijarabasu kuina loinarakpagi makhoigi mapusi karamba no fajana khangi.. Yaimaran na saoba sina amuk henna makhoina khangi. Aduna mathak tadi kakhattre adubu makhaduda kullaga anidusu uithakhre.

Tanjaduda chahi 21 -22 gi maya oiba pakhang macha ama coffee manil fong fong kabadu pusinduna changlak e. Yaimaran na tumlamliba fibamduda kirap su touwi. Heinadaba hanggoiba faowi. Adubu ngaihak maong yenglaga tapna hairak e…

“Dairan coffee leire… chakti chararoid……….”

Waheidu loibaga nangde…Halakpadagi maching kangduna leiriba Yaimaran du tumthagae tourakpada amuk kaibagi maching amuk henna kangkhatkhre. Fuk longna hougatlaklaga coffee du tap louraga bathroom gi wall duda laktana langi. Coffee ga loi pumchai chaire. Aduga wa ngangdana amuk hipthakhre..

Makhol du tabada thangnaba kada leiramba ahal du taha taha chensillak e….

“Hai keidoure Thebo”

Thebo na machinban da makhut thamlaga tuminna ingit tourak e.. Ahal aduna chatkhro haibagi maong touduna mangak hairak e. Thebo prap prap kadudagi thoklaklaga sor honlaga tapna sollak e…

“Esh siramnida. Bathroom wall da tharambagi fabani… eidi eigi kokta thare sini. Kanaga amuk keidounarakla jatno. Nungsitna puba da chatpasidanise eina amukmuk kaochaobi karise. Sida leibase eise nongnadi bp haigattana sidouba soidrabani”

Ahal adusu tapna thoklaktuna thabak subi nupi ama puduna laklaga yam tapna hairak e…

“Asi sengdoknaba tou Sanahanbi”

Sanahanbina tapna hanglak e…

“Keidounarino taibohal”

Ibohal wa ngangdana tumin leiyu haibei maong da ingit tourak e… Sanahanbisu wa lure khanduna tuminna sengdoklaga chatkhre.

Ibohal Yaimaran da haifet yengi. Hannadei maching fatte haiba khangi adubu ngasina khara henjilli haibasu khangi. Ibohal haifet yenglamlaga mamai onthorak e. Mamai thanggattuna tingak tingak yengliba hui aniduda haifet yenglamlaga thongdu ngasillamlaga thoklak le.

Nong nganbagi pung 4:30 tasillakpa aduwaida Ibohal Yaimaran bu houdokke khanduna lakpani… Ka youfattringei nong khakpagum amuk khaklakle…

“Oye…….”

Ibohal khangchen chensillak e… Thongdu khanghang hangdorak e… Hui anidusu thongjinda fingna leirammi. Ibohal gyan men ama eta tadana hairak e…

“Sir kari soiba yaore”

Yaimaran- Noi ngarang fanayam changakambado hui se puthoklaga thokho yadro. Famungda sum kakhatlaklaga tumba thugairise keino.

Chahi 34-35 gi pakhangdugi finggatpagi chang aroibi oikhre. Ibohal na taptharaga hairak e…

“Huisi puthokhro hairibra sir…hoi puthokchakhragae”

Yaimaran-eina tumba da handakka yetlakadi noi amta hingoi…

Ibohal-ahoi sir adubu…

Yaimaran-keidouragae….

Ibohal-ngasisi Yumshakeishani… ebudhou khoirambana kamdouba aduga sir na mantri sing ga pungani haikhibadu ngasini. Pung 5:30 hainakhibani. 5 di tasillaklani Kamdousigae….?

Yaimaran ngaihak second ama ani famlambadei famungdei fan chongtharaktuna nungsitki mang thaduna bathroom da paisinkhre. Atei ateida kaya thousadrabasu Yumshakeisha amadi Nongmaijing mahak kidi yam maru oiba numitni. Thajadana lairik laisu heiba amadi ajkan yak laobagi matik eshwor busu yamna ka henna thajaba Yaimaran ni.

Tanjaduda Ibohal na laorak e…

“Hai Thebo, Boicha ,Asok noi prap prap lao…sir hougatkhre…”

Ahumdusu madu hek tabada magi magi tougadaba mathou du tounaba paikhei chennarak e. Thebo coffee semkhre. Boichana famung fanungdu sit nanna loisinduna Yaimaran gi mafi langthoklamba mayamdu mafam chana loina thamkhre. Asok na hui singdu puduna thokkhre. Ibohal na Sanahanbida call touwi..

Ibohal-hai Sanahanbi mayam punfam kadu fajana loisillabra… hai angouba fi ngaktana sit sit nanna loi cover tougadouni ko… uful marik amafao pakpa yade.

Sanahanbi-ei vaap tajei taibohal. Loi loirabani.

Ibohal-um good..fare nathou toururo…

Hainaringei Yaimaran amuk paithorakle. Hek thoklakpaga Thebo na coffee du pirak e…

Yaimaran-sabra?

Thebo pakhat thagatna…

“Sai… natte ingde… natte thakpa yabani”

Yaimaran magi maongduda haifet yengak e….

“Adu nang thaklo.. ei halaklaga thakagae.. ei wed ga sunday ga first morning da coffee thakte haise nangse chahi ani sida leiraklasi adum soine”

Ibohal Thebo da yengi..Thebo gyan khanglak lak e… lat lat touna hairak e…

“Adumdi soidamnida dairan… nervous chatlakanda amukmuk soibei wani.. ei ngarangdei nervous chatli adugini”

Si hairaga mangak tu nontharaga Yaimaran da kuruk kuruk yengi…

Yaimaran khumde.. Thebo khaktani Yaimaran na thoina cheiba ngangba toudabasi.

Tanjaduda Ibohal na hairak e..

“Sir… loirabra chatnaba tourasira…”

Yaimaran-taiban ngasidi ei driver ga angang singduga chatkhragae.. mayam du eina youraktringei laklabadi taiban na sennabiramlo..

Ibohal-hoi hoi aduna farani sir…

Yaimaran mafi marol asengba set chakhre… Mantri sing lakpagi matam di oiraklabani adubu mahak yangna thoklaktuna gari tongkhatkhre… aduga driver aduda hairaga thoudorakle. Atopa garida magi angangsing adusu innarakli.. Heingang tamna nungsit ki mang thaduna ebudhou Marjing gi khubam tamna thourakpani. Mafamdu youduna magi ningjagadaba khoiramgadaba adu mathang mathang khoiramba loiraduna kumtharakpani… Mamangda nupamacha aniga nupi amaga chatpadu ui.. Matung onthokpana masakti ude… adugisu mathakta manasu keisu thoina khanjillude….

Adubu nupimacha aduna ngangbadu mana gariga kagae toubada tarak e….

“Walking chatlise fagiro… noi anina nupa su oiraga adam tallido keino .. Si yengo walking chatlubadei esasu fresh oire… dao yadana chingda chenggum houramdana fuklakese si udro se. Chabadi noi anina henna chagae hainine horen. Ayuk nganna hougatpa haise kanakhra jatni… hakchang su faba.. mit kase loi fadoine… brain su fadoine… esasu adum tekhatlaga leidoine. Hakchangda ayukki ayingba nungsitna fuba haise kayam kanei haise noi lairiktaga amta tamdro… eina wa wana sel tanlaga lairik tamhallido noi ani gadha chunabro.. esafao makha tamthadakhei private bank amada minai sakhei noigi hotnare aduga”

Khara pikpa nupamacha duna makha tarak e…

“Yare eche… echegisi walking chatpa natsu natte.. ayukta ensang thiba sing thiba chatpane… ekai yam ekaiko ”

Nupimacha duna moupwa dui lukhamda fak laona nappi…

“Warem ngangadana… nakok tu kaini ngasi.. meena taba yaoraga kari khandoino.. ngachak manbase..chamandana pangba haidu nang oirabane. Horen dei chak kadu tengkotta thiraga chao.. pukhamda yam yam haptana nang yadre.”

Khonjel amadi explanation khupidu tabada Yaimaran swai laowi. Garida kadabigi mangda sum chatkhriba nupi duda yengi… takhraba khonjel douna khallak e… adubu khanthagae tourakpada tanjaduda call sat lak e… Yaimaran tap paikhatli…

Ibohal-sir mayam younaraktuna ngairaga leire..

Yaimaran-um loire youraklani taiban…

Yaimaran thamlaga garida kakhatli… Driver na garidu thouba hourakle… Yaimaran kadomdei nungsit no khangde … nupidugi masaktu khangyeng yengningak e… Nupidudei hek hengatlakpaga yenggae haiduna fengduna leikhre. Adubu mapa hek yourakpaga nupi du khudi khangthi thiraga makhutna pairiba chenggum du makhada loi takhre… aduna maram oiraga mamaidu onthoklaga machin moupwa ahumdu khatna khatna dana khunkhre .. Yaimaran fana kanna mamai leisillakpra yengbani adubu magi mityeng na wangma lankhibana hankhre.

Mayum hek yourakpaga mafi du hongnaba magi ka tamna changlak e… Lakhouriba mayamdu hanna yenglamde.. Magi matung Thebo amadi Ibohal innaduna changkhre… Asok ka Boicha gana mafi marol set chanabadu louthoklaga pirare… Thebo na coffee anouba semduna purakpadu pirare…

Yaimaran-ngarang eina tummamdaida call lakhibadu kanagino…

Thebo-thikadar Teturamsana gi machanupi Neeva gini. Leisabi mayamgi call si ei okpa wareda dairan. Leisabi call oknaba dairan gi tonganba office ama hangnaba tourasi.

Yaimaran na thousadana khumlak e…

“Waragana nang horendagi laklanu. Call okpa ngamba mee ama sindokpa haiduni”

Thebona finggattuna warouna hairak e…

“Nungdangda Kumbhakarna douna tumningladi dairan su nungthil da leisabida nokluranu. Len gi safu yaoba akanba nonglei nungsitta kanai leirangna satpa ngamgae… Lei sattaba maikeida oina humbiro khurumjagae”

Yaimaran da asumna ngangba ngambasi Thebo khaktani. Aduna mayamna wa aruba leirabadi ma insinlibani. Mee kharadi Yaimaran ga wa ngangnadou saruk kei mamai oina nangae haina leinaribani. Waridu matang chadabaduda pakhatladuna Ibohal na Thebo da cheirak e…

“Yare Thebo madu konna ngangnasi houjik sir thabak chilli…”

Yaimaran fuk hougatkhra chatkhre aduga thongjin mapanda hairammi…

“Taiban Thebo du magi thagi peisa pikhraga horendagi laklanu haiyu.. call okpa ngamba ama horendagi thiraga happu”

Ibohal su Thebo da haifet yenglamlaga thokhre. Kaduda hannadagi leiramba Asok ka Boichagadu Thebo da yengi..

Asok na marol khoirapna hairak e…

“Thebo nangsu tanja chadehe”

Boicha-kamai touni.. nangna maron ama chagat chagat ngangbane .

Thebona saobana fi fi kamna hairak e…

“Ngamjapote… thadatkesu thadatsanu. Bikhya niraga charasu chani. Kanagi leisabi mayamduda magi no.du pigaedi leitadana yumgi no.du pisalle… aduga thengnaba heiningba kanda paire ateiduna eigi saruk tahoure. Thabak enkhang gidi keisu khande adudi nattadana leisabi marei konbi kothabi kethabi mayamdu eina sum pana ngamjapote. Chahi su mayamdei khit henna lirase nupi ama kok eteima oina pusinlakprasu natte. Nupisingduna ma pammaga mana no.du onnana pirabanina ei oina tumfam chafam khangdre chayetnabada. Sakta siga kakpa ngamdaba Rock hek malladana..masibu keida pamdana tanarino khangde nupinena teisingduna. Chengenda yaoba yaa tekkhei kengba nungjreng manbase. ”

Asok-nungjreng manbasigi leiriba power amadi maral singsi khangledana… nangna nganglidu taradi ummm….

Thebo du thabak thadatlambagi ee kaba koktri… saona hairak e…

“Tadanaba yumda chatlasini… Chatkedahe.. ei chatle”

Thebodu fi fi kamna makhada kumkhre… Anidusu matungda tanaboi keiboi innakhre.

&asoiba aranba ngakpigani&

Ahanba part asimadi nungsibiduna mayam LIKE $ SHARE PIBIYU hyjaree

1 thought on “Meerangdo Leirangdo Part 1”

Comment piba kaobiganu,writer bu pukning thwgatpiyu

%d bloggers like this: