https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Keidoure Sidi Part-6

KEIDOURE SIDI

6

Ngasaikhei erangduda ngaodana tumin leiramba anidu houjiktada amaga amaga yengnarak e…

Tenzin na hanna hekta laktharak e….

“Khwaidei fattaba maong tadaba nupi ama puthorak u hairadi nangse thangdokaga katkadabani”

Tayal du Tenzin gi wahei khuding dak dak hek panba haidu hek oire… Maching kangna khummak e…

“Nawa loude cho… Nangna kayam faradana… Nangna gari khamdana warem toubadei marei toubadei daoga amta yadrabani”

Tenzin na Wa makha taramdana amuktang mamit khana yenglamlaga mobile du louthorak e….

Tayal na chensinduna mobile du tap lak e…

Tenzin -karino..??

Tayal-keidoudoino… ?

Tenzin-ei pabung da call tougae…

Tayal na mobile du magi purse manung da kit hapchinkhre… Madu ubada Tenzin du amuk henna arangbi lakae… Sangkatlak e…

“Mobile du pirak une angaobi nangbo.. ”

Tayal-nang sibada ei yaoba ngammaroi… Nungdangsi amata ei nena tana tumge aduga kari tougadabanodo fajana khallagae….

Tenzin-hei yaroi wathi warem tounu matha sanabana loirammani… Amta sat sat pirak u…

Tayal na Wa ngangdana Tenzin da sakfam kaina sugatlak e….

Tenzin na masidi yararoi khanduna Tayal gi purse Tu munnaba hotnarak e… Mapanggal kanba henbana Tenzin na ngamle… Tayal na saona hairak e…

“Touno haibane… Eigisu mobile du off ta thamlibane… Pabung khangladi amta yararoi farak tarani haibane…. ”

Tenzin-khangdabaduna henna tadoiribani… Nang nakok chakaedudi pabung na khangdabanina eingondani tainadoise khangaba…

Si hairaga mobile du louthok e… Tayal na amuk mungae touwi… Munna munna na Tenzin na hairak e…

“Natte nangna ngasi tourise keino”

Tayal su mapanggal fudokkhei muknaraga

“Ei chenge na lakpane… Adu pabungda hairadi laan taroidro ”

Tenzin na mamit mana amuktang langthoklaga mobile du laktana mullaga chap leppaga hairak e…

“Kari… ”

Tayal du makhada kit famthei…. Aduga suktoklaga hairak e…

“Pabung na Paamba da thajarani haiyena Wangba du moreh da ngaodana chatkhre… Tanjaduda emana Lan kouhouridusu ei yam chingnei… Aduna ei Wangba ga chellagena Wangbagi manakta lakpani…. ”

Magi wadu tabada Tenzin du lawai pairak e….

“Hare hare… Keino ngasigi numitsibo… ”

Si hairaga Tenzin su khangfam famtharak e…

Tayal na makha tarak e….

“Ado ngasigidi tumin leisillasi hairedana… Hayengdu eina thokpa tourage hairedana…. Ngasidi farak loi tanarani aduna Wangbadu ei hayeng sida kourage aduga makha du karino khannarase hairedana… Nang keim sokoi…. Eigi mobile su on touba yararoi… Hek toubada loi khangnarani…. Wangba dusu ei hayeng oina nong nganlaga hairage…. ”

Tenzin fingna…

“Nang nupa chenba mai paknaba eina durga da katpa bali ei hameng tarene…. ”

Tayal du khumde…

Tenzin du ngaihak ungduna famlaga mobile du metli….

Tayal na khanglao laorak e…

“Ash keino… ”

Tenzin-hai sono fono babacha da haigae toubani… Asomda Nang mangbaduda eisu halaktrena babacha na pabung da hairamladi kamai toudouri…. Hayeng nong hek nganbaga noi nupa du kougadouni… Numit ki masak hek ubaga eidi sidei chatkhini… Nang chengaera chelloira noi Wa tare aduna… Makha eingonda keim yetlakpa yaroi…

Tayal du Tenzin da feirap yenglaga mamai leithokhre…

Tenzin gi babacha hairibasi Tenzin ga leiminnaba ahalni… Tenzin na mabu yok e haigadra mana Tenzin bu yok e haigadra gyan tade….

Tenzin na call du touwi….

“Hello babacha… ”

Babacha-hai thabak loidribo nangbo… Halak odana…

Tenzin-ash babacha onthokpa norok amada tadana leire ei…

Norok panbaduda Tayal du Tenzin na suklaga yengi…

Babacha na ngakna….

“Karinone nangna nganglidubo… ”

Tenzin-babacha ei Palel da lei….

Babacha na pakhatna…

“Heima keinone… Houjikta pao da Palel gi yaokhine… Nangdi aduda keidouriba… Kamai touni… Louba lakkadra… ”

Tenzin-natte babacha…

Babacha-adudi karigi????

Tenzin na wari pumbadu babacha da lire…. Amatta chithadana pumnamak lire….

Babacha du Tenzin gi wadu tabada matin yotharak e… Wakhal munna khanba hourak e….

Tanjaduda Tenzin na makha tarak e….

“Eidi pabungda call tousira khanbani… Tayal sina chagat chagat toudana thing leire… ”

Babacha na khangthat thatlak e…

“Hei nupamacha madu yade…. Nanggi wadu yamna lure… Meegi macha nupi leisabi amaga nangna ahing lekminnaba haibasi yamna lukhre…. ”

Tenzin-adu einaro sibo babacha… Eina ne ngasine arangbi laktana farak tanarani…

Babacha na Tenzin bu cheihatlak e….

“Houjik pung 10 tadoira kansida nangna arangbi lakaga Kari toudoino…. Ei Wa haigae munna tao… Wa makha taganu erang sagatkanu… Ngasisima chup chap ta leigadabani… Makha taba thabak sing eina tourage… ”

Tenzin-ado eina haidi….

Babacha na Tenzin bu thatkhre…

“Nupamacha Wa makha taganu…. Thammu… Hayeng eina call touraktrifao Nang kanamtaga pao faonaba yade… Hayeng eina makha taba karino haibadu hairaklage…. Thammu… ”

Tenzin khumde… Babacha na makha tarak e…

“Eina ngangisi Nang vaap taba nattro…. ”

Tenzin du sor asangba ama hondoklaga khumlak e…

“Hoi babacha… Fare ei thammage adudi… ”

Tenzin du call thamkhibaga Tayal da amuk onsillak e….

“Kamai toudoino… ”

Tayal na khanghai hairak e…

“Ash khangdese… Asaida ngakta leirucho… Matha naga matha sabane… Nangsu Nang thok leirucho eisu ei thok leige”

Tenzin na amuk laohatlak e…

“Hei kokchakpi… Nangna nattro si touri mayamse…. ”

Tayal su fuk hougatlaga makhut wo masa wo hourakle…

“Ho mane mane eina ngaktane… Global warming thok esisu einane… Ozone layer patharak esisu einane…. Nong tarisisu eina nungsa sarisisu eina… Yaraba… Yarecho asaida leiruro ei taningdabana loire… ”

Tenzin su laohatlak le…

“Taningdehe… Nasaknena… Keida muk eno nangna muk edubo… Ngaori feiri touraga… Hayeng di napa saktaduga ei hatke hairarani… Macha na ngaorisidi khangdabanina… ”

Tayal su hande…

“Farabane…. Hatkera sigaera noi noi thokpane… Ei nongmei yaorammadi eina hanna ngasaina Nang kaptana hatladamni… ”

Tenzin na magi licence gun du thak satoraklaga hairak e…

“Sene se kappo… Kappo se… Keidourige kappo… Sirage aduna farani matha mayamsida… ”

Tayal du onsinnaba tandana hairak e…

“Ash chathokohei…. ”

Sikhak hairamlaga asom nakan kachin amada changsinduna famthakhre…

Tenzin du khoidou aroibi saogatle… Mei houraduna asom nakan amagi kachinda masu famtharaga sollak e…

“Mapa ne touri saktaduga tamil gi bad malladana… Mamanena TV serial gi manempok fattabi sabido malladana…. ”

Tayal da feirap khana yenglaga makha amuk solli…

“Machanupi sigi saktamak ne… ”

Anidu kachin nama nama duda fammaga ungduna leinei… Yumdugi machanupi ama changlak e. Anidu ubada nupidu mathanta solli…

“Keinone moisibo… Punnasu leite… Kachin amamamda tongan tongan famnei… Masak singsisu laan changubadu ngaire… Fibam amani… ”

Nupi duna tapna hangak e…

“Chak chanaba tourasira… ”

Anidu amuktada chap manana khummak e…

“Yarani eidi chararoi… ”

Nupi du aniduda amuk munna yengi… Aduga amuk hangak e…

“Firol di yaradra… ”

Amuksu animak chap manana khummak e…

“Yarani”

Handakmukti Tayal ga Tenzin gasu amuk yengnei… Nupi du Wa makha taramdana thokhre…. Anidusu fat fat onthoknakhara tumin leikhre………

Nakal amaromda Wangba na Tayal bu nungthil dagi hanjin hanjin call toubani… Adubu Tayal gi mobile off adum leirammi… Wangbagi mabuk ta sathina saokhre… Tayal bu lanna khankhre… Sollak e….

“Eina chensi hairaga mobile off thamjinba…. Eina khanglabane Nang nabuk sengdabi nupi ne haibase…. Nachin amuk thidana oidaba amuk ngangdrabasu achumba hairaga yabadubu… Eingonda asuk usittaba… Eibu play toubaneba nangna…. Fei ngasi haiba numitsidei nangga amuk hanna pao faonaroi…. Nangsu nanggi thokpa eisu eigi thokpa…. Nanggi moithem handakti eingonda chatnaroi…. ”

Si hairaga Tayal na pao faoraktanaba haiduna mobile du off thamjinkhre…

ASOMDA……….

Macha nupi mangkhibadu da Kakchingpal gi aroibi oire… Mei houre…. Thiba yaba thiraba matung Chingnaduna Wangba da call toubada Wangbagi number du chattre… Wangbagi mayumda hanglubada Wangba su ayuk ngantadagi yumda hanjillaktri… Nungthil haifet pao faonabada mamada ngasidi hallakaroi hayeng nganta yumda youraklage hairammi haina hairakhi…adudagi mobile off leikhre hainasu hairak le….

Ngasaidagi Lan dusu makhoida leiri….

Kakchingpal na Panngambi da laorak e

“Angangdubu kadaida chatkhige haifao khanghoudaba mama nangsibu karino… ”

Panngambi-ho adubu eina khangbro… Ebungo Lan ga thabak amatta chatluchona loisinba changkhibani aduga hekta leiramde wani… Si pumnamak se moi mapana thokhanba ngaktani…

Kakchingpal-kari … Eina Kari touraba…

Panngambi-nacha nupigi Wa amta tadana eidi echa thajaredo na hek mingonda hairuido… Lonna tougadaba thabak tu Wa Wa hek laowido… Houjikti fare … Moi pabung na pambasu oidre eina pambasu oidre…. Chenkhredana Wangbada….

Kakchingpal na Sao duna…..

“Hera…. Hanuthangsida ngasi Nang oina eina fudaraktana sirarani mama Nang…. ”

Panngambi du lawai
paiduna famthakhre….

Kakchingpal na saona hairak e…

“Aehe… Usit thaoidaba saradana…. Tararak chellasu mangonda eina echa piba kaidudi oidrabani…. Thudeknaba taredana… Sambal na hawaimaton chaba…. Eina ngasai aduk fajana haibabu ngakha mana usit thaoidadana…. Lakkhisanu haidokpa…. Eina toubadi yengu…. ”

Lan su matha sabana loire…. Sida nattana Paamba dasu ngasai numidang wairam pao pi khiduna hayeng hallakadaba Paamba du numidang wairam dagi Magi thabak mafamdagi garida direct hekta khudakta thoudorakkhrabani….

Ahing du amasu amasu matha loina Sanare… Ahing du kanamta tumnadre…. Uchek hek khongakpaga Paamba su garidu yangna hekta paisillak e…… Mayamdu ahing du mapan da adum lellabani…

Paamba na gari dei kumtharakpaga fingna hangak e….

“Pabung keidoure haibano…. ”

Kakchingpal fuk hougatlaga hairak e…

“Nupamacha Nang lakaedana….. ”

Paamba ubada Lan du suktok e… Lan leirambadu ubada Paamba na solli…

“Ekai khangkhidreda… ”

Paamba na fongba hairak e…

“Pabung Tayal keidoure haibano…. ”

Kakchingpal-haidokpa lakpa ngairibani nupamacha… Ngasidi eigi khutta mee asiba yaodoiribani….

Paamba su mei houre….

“Madui Wangba haidu eina chingnaba kuirabani… Mamit Mana ama echum chumdabani… Uba mafamda ma eina toubadi yengu…. ”

Kakchingpal-ngaikhisi… Lakpa ngaikhisi… Ei sirasi moi sirasi amadi toudoini ngasi…. Sel khara paire na afaoba saradana…. Faodeknage ngasidi…..

Mayamdu Wangba hoigi ahal singbu lakpa ngairak e…..

Adubu Meena ningbana ama laina tambana ama tattana hainaganbagum…. Tenzin gi babacha du meitei gi chatnabi gi chap chaba nupi pao hanbagi fijol setlaga Kakchingpal gi sumangda leplabadu ubada Kakchingpal du mayada haying changba hek kaobamakhei ahal ahumduda yenglak le…

Mafamduda leiriba mayam pumnamak ahal aduda ngakpana kham thengladuna kougani hek haibafao loina kkaoraduna Maya kaba makhei loina yengnarak e…

Touriba thoudou aduda babacha ga lakminnaba ahal anidu di kiruk kiruk yengaga khoudemmi. Fana kuina ulei tarei touduna leiruraga… Mafamduda leiramba mee pumnamak na makhoibu koudana tingak tingak yengaga leikhibaduda Tenzin gi babacha na hairak e…

“Minister saheb wafam amagi damak eikhoi lakchari…. ”

Electric current chinguraba mee bu lak tuna langthotakpa da gyan tarakpagum Tenzin gi babacha na kourakpaduda gyan khanglak lakaba Kakchingpal na ngaihak mamit langthok uraga hanglak e…

“Kamdouba tada…. Kari thabakki no aduga fijol sigi maram na karino… Ahal ani Sina kana kanano? ”

Magi wahangdu tabada babacha na kanapotte masidi sira si changa chang haiduna Kakchingpal da changsinduna khurumle… Aduga hairak e….

“Minister saheb… Nayambana bhakti touri… Eihak aruba pao amakhak hange haiduna lakchabani… ”

Houjiktada vaap taraklaba Panngambi na nakanda gi hangak e…

“Karimatanggino tada.. Eikhoi bu vaap ama eta tajadrene… ”

Fammuka sukhai haide ahal ahumdu adum leptuna leire…. Kakchingpal na samjillak e…

“Karino haiyu tada…. Kari pao no”

Tenzin gi babacha na tapna hourak e…

“Sumdoubani saheb… Ngarang du eigi echanupabu saheb ki echanupina aruba thabak ama chatlu si haiduna kouba dagi chatkhibani… Adubu numidang pung 10 taba aduwai da echanupagi call du lak e… Palel da kapnaba thoudok tuda yaobadagi makhoi ani manak nakpa aduwai da leiba yum ama da theijillaga ahing du lenba takhra malle. Aduna maram oiraga eihak saheb ta pao Asi tam luge haina pao hanba lakcharibani… ”

Kakchingpal na fingkattuna laorak e…

“Tada…!!!!! Aduga keino chumnasum lakkedi haidraga meega khomlaga fijol ga nairaga lak esibo…. Eisibu Kari oina uraba jatno tada hoigi mitta”

Tenzin gi babacha na adum tukthaduna hairak e…

“Ae ae ebungo saheb… Wafamsi taret tara thokna ahal oiba eigi pukta yamna kupna matam changna khallaba matungda oifam thokpa toufam thokpa adugidamak ei lakcharibani… Maramdi meegi macha ningol ama ahing ama echa pakhangduga leiminnarabanina angangna angang oikhragasu ahal oiba eikhoigidi eejat sanman haiba amasu leinari.. Keirol leikai pannari… Echaduna ebemma leisabiduga………. Aduna maram oiraga fijol sida eina ebungo saheb ki yumda changlaktrabadi eihak engak kelloidra…. Ebungo na fijol asi sethanningammoi haibadi nayambana khangjaba natte aduna houjiksu ebungo gi pukninggi apambadi eina ekai khumnajagani. Etik epa chajade haibasu eihak munna khangjei… Adumak pu ebungo na thoujalbire nayamba laibak fare… Aduga ebungona thoujanbidre nayamba laibak thire.. ”

Asi hairaga amukka changsinduna Kakchingpal da babacha na khurumle…

Magi wadu thousadana Kakchingpal na saoningba pumnamak fungatlaga laorak e…

“Kana leige… Paamba … Nanggi thajaba yaba mee khara kou… Ngasi ei mee thik touge… Hera mee usittaba sarada na…. Tada tadagi phone da nachanupa ga pao faonei haiba nattra…. Chatsi houjikmak… Makhoigi leifamduda eikhoi chatpa tare… Wa makha sangthararoisi… ”

Mayam pumnamak Mana puba yai khanba mee puraga Kakchingpal na Tenzin ga Tayal gana leiriba yumduda yourakpadu ayukki pung 9:30 tare… Kakchingpal lakkani haibagi pao Magi babacha na Tenzin da ngantana pao pikhrabani aduga tounariba ehul dusu chap chana haikhrabani… Adubu maril khaba achumba chatpa mathouna leiba Tenzin karisu thousabide…

Yumdugi sumang da hek leppaga Kakchingpal na laorak e..

“Hei Tenzin thoklak u lao sida.. Wa ngangnasi eiga… ”

Tenzin na thoraklaga mong hadana khumlak e…

“Pabung.. ”

Kakchingpal na yakna hairak e…

” Esh pabung kaisu haiba saine mase… Nangna tourisi keino ha… Masi oiba yaroidana thabak ni … Nang khangdra ei kanano… Yam thina police mayamna nayanglendu thudektri ngeida nupimacha du puthorak u….. ”

Paamba su Tenzin da mamit khana yenglaga hairak e…

“Nang nakok thugaigadamni… Nakhouriduda nongmei maru sina khapsallaba data pengani sakta sinasu.. ”

Hairaga Pamma du mamai leithokhre…

Ahanba Kakchingpal na ngangbadadi Tenzin du thoina saoninglamde adubu maram Leitana Paamba na nganglakpa wadudAdi marin khaba Magi thamoida tana thinle adubu Paamba dagi leithoklaga Kakchingpal da onsinduna Tenzin na hairak e…

“Keino pabung.. Pabung khoina haibiribadubo…. San Asiba manakta leppuba praichit fange haibaduni eina touribasi … Nacha nupi sina oidaba meenamba ngangduna eibu thok touduna pubire… Aduga houjikna pabung na eingonda onsillaktana amuk eral sibire. Ngarang ahing chuppa tumba yade… Eina Tayal da adugumba wakhal khandouribagi maramsi keidano… Eina mangonda adumba fattaba amta kkhalluba leite… ”

Adubu Magi wadu loiba nangkhidre… Kakchingpal na amukka yakna hairak e…

“Hei… Adu Nang ngarang na chatlamdaida eingonda hairamba yadra… Mana chatsi hairaga nangna hekta chatpa yabra… Ngarang na haibadi keidouwi.. ”

Magi wadusu amuk loi khidre…. Tenzin na amuk thatlak e…

“Kana khangni… Nahankheisu aduda chatsi adada chatsi haibada ei adum chatli du ngai… Pabung da hairamdava Magi darkar leiba kokthong ama chatpasu adum yaokhi… Loiraga yumda adum hallak eduni… Eidi hanagi hanagi hamu hamu adum oiraboi ningi…. ”

Tayal da amuk thok onsilli Tenzin na….

“Tayal…. Lao sida thoklak u lao… Nang aduda lotpana kanaroi”

Tayal du tapna thoklak e..

Tenzin-eina ngarang hanjin hanjin haidro… Chatkumsi hallasi haidana… Eina pabungdasu haisi haidra… Houjik Kei sare…. Noina hairi mayamdudi araibani…. EI EEJAT MANGE… EISE PAKHANG NENA KANAI NUPINA LEIBIDOIRIGE… Nupi chellurena mou oina Lou taba… Eidi yaroi hairisini… Tanja sida eikhoi bacha sina feijom settana amuk haidokpa nena chatlureye… Farakti..

Magi wadu tabada ting soklaba Kakchingpal na laohatlak e.

“Heit… Nanggidu eingonda usittriba haibadura… Nang ngasi siningbra… ”

Handakti Tenzin du taptharak e…

“Pabung eina haijaribasi eidi Tayal louba ngamjaroi haibani… Tayal ga eiga leiminnaba ngammoi… Maga eiga nungsinabasu, natte… Kamai touna Maga eiga leiminnadoino… Adugi mathakta nupa naha ma ubada langnariba mayam… San eroi gumba khara…. Moinadi yam matik magun leibani kaina toujaramba yai… Eigi mittadi maong ama oina ure… ”

Magi wadu tabada thawai mapanda paithokkhige touriba babacha na changsillaklaga Tenzin da khujinna hanjin hanjin sik e…

Adudasu nattana San eroi gumba ni hairakpaduda Lan ga Paamba gadu mamai da heinadabagi mami tarak e…

Babacha na siklakliba khujindu changde Tenzin du… Babacha da thok onsillaga khujinna siklakliba makhut tu kanthoktuna hairak e…

“Ash amta siklakhinu bacha ngaikho… Aseng asengba hekta haihougadabani…. Eidi Tayal louba ngammoi hairisini… Nongmei kapnaraba matungda Mana eingonda haidoraklibasi Mana laklisi Wangbada chenba lak eneye… Adu adum chelhanlu… Ei di noi sida yaoba ngammoi…. Ei etik epa natchade…. Afeiba mayam punsillaga achumba sakaga… Achumba eibuna noi mayam na peinaba hotnaba du eina yade… ”

Atei natte mayamna mamit laothoktuna yengnaraklibasi TENZIN GI TAYAL PAMDE LOUBA NGAMMOI HAIBASINI… Masida Magi wasi chumdi chummaga ee yamna karibasi Tayal ni… Punsi da nupa amana ahanba oina ma pamde haina machin thokna haibasi TENZIN ni..

Ting sokladuna Tayal su khumlak e.

“Kari Tenzin… Eidi Nang pambra…? Eisu nangbu lem piba fao pamde… Chumna sum farak ama tanakhiduna nongmei kapnarakpaduda chatpa yadadana ebani mafamsida leikhibagi wani.. Nathi Sana faibadouna nangna adukyam Chao Chao ngangidu keigino… Noi bacha na men di tadana pao haidokpa chatkhei chatluraga… Eisu nangonda kanana leini hairagehairage nasak tuga hunk”

Babacha pallu baduda Tenzin du amuk henna ting sokkhre…

“Ahanda taisanganu…. Eikhoina soikhei soiraga… Bacha di chumnasum samaj ki niti niyomgi matung inna chatluba oiramgani… ”

Adubu Magi wadu loikhidre… Meeyam mamang duda wadu makha tanaraklabadi henna henna fajadaba hengatlakpa nattana ateidi oiraroi khanduna lousing leiba Kakchingpal na hairak e..

“Fare fare… Swaida tensillasi echasa.. Eikhoina khangdadana toubani… Noi anidi echam chamna chatpa dagi khudong thiba ama thoktuna mafam sida pallambani… Ngarang na paodu epa da hairaklammadi fadouba… Chatsi chatsi yum chatnaba tousi… Wari swaida loire. ”

Wafam si Kakchingpal na hairakpa gi maramdi, makhoi anigi marei du makha sangthanarakpada Wangbada Tayal na chenba chatpa gi wasi hanjin hanjin yaogadouri… Adu chensu chelhoudrabanina wafam sida makha tanaba haibase macha nupigi athiba oiba nattana atei karisu fangningai leite khanduna wadu mahakna thupchinkhibani..

Adubu pumnamak Asi hai haiduna su Tayal na Tenzin bu pamde haiduna su.. Tenzin na Tayal nungside haiduna su.. Kakchingpal na wari fana thupchinkhrabasu.. Chatpa da yaoriba meeyam sing amadi yumda leihouba babacha na haidokpa lakpada uhouba meesing adudi machin khumduna nokfet nokfet tounakhre.

“Ngasidi tendre mayam 🤓😂”

To be cont..

Leave a Comment

Your email address will not be published.