Numit Humphumathoi Part-6

NUMIT HUMPHUMATHOI

Part-6

Meeting loiraduna hanjanlakpada touramliba matoudu ubada ahal nupadu hairap nungaitana yenge.. Tasengna upai leitabani..

Rajen ga nganbaga amuk punladuna puthorakpadu khuldugi misingdusu kirup kirup yengduna leihouwe..

Mioi kayagi Anouba asha anouba yening kaya puduna lakliba Ayuk anganbado nganbaga rajen gidi taionakhre.. Atiyathakta litkhatlakliba korou mahakna kokthakta yeibada thawai hakchang pukning wakhal pumbada sinba thungna chakliba meiridubu thouna hapibagum touri..

Khara chatlaba matungda mamit mamai makhut makhong amuk loina punsinkhiduna gari amada amuk kahanle..

Fana sangna thouwe garidu… Nganba mamit anido punkhibana karisu uba fangdre… Pakhatpa amasu faoribani rajen ga maga khaidoknakhrabara haiduna.. Sanglaba lambidu rajen gi khanbada nganba mihulgi khongjelsu garigi chakana ungliba adudagi yengba hengatlakpagum touri..

Garidu khamkhre.. Hannagum nganba manakong anidu thangatuna kari touribano haiba tanaba hotnei.. Nupa anina nganbabu paiduna puthorakle.. Nganbasu yaningdaba utludre adumak makhoina toubadu yaraduna makhong thangba houwe. Maningdagi manamgalda karigumba pot amana namak e.. Mani nongmeini..

Handakmukti fana sangna makhongna chatli… Lambido nganbagi choktharaba makhong anidudadi henna sangdokhraboi ning e

Chatlambadagi khanglep leppi aduga nganbabu enthurak e.. Nganba maning hanlaga tui..
Nupa ama changsinlaktuna mamitta punlibadu louthorkle. Madu hek louthokpaga nganba nanghourahoi matagum mamittu nak yetta fat fat leiduna yenge nakalda rajen su fibam chap manana leirambaduda ne tana sor asangba ama hondorak e..

Leiriba nupa singdu wa machet amata nganglamdana loinamak thokhre aduga thongsu lonsinlamle..

Handakti kadu hanagidudagi khara chao e aduga faklang duju upak na khai..

Nganba rajen gi emak maksinlaba maithongduda yenglak e- rajen

Rajen- sir….

Nganba- eidi epa pakhatlure nangga eiga amuk tongan tongan pukhrabara na

Rajen- eisuni sir..

Nganba- selfish oi haigadra ei nangga asumna leibasi pukningsi nungai.. Etomta leibado sor funduna sigadaba manli

Rajen- selfish oiba natteda sir.. Eisu sir ga leibasi nongmei marakta oirabasu nungaijaribani.. Karigumba sir khak faraga eibuna thadoklamba oirabasu ei henna wagadra khanli

Nganba choktharaba mamit anidu uisinduna faklangduda ngathakhre aduga nokfet tourak e

Rajen- nakhangsi chik chik laore eibo hidak ka amata hapiroidoi jatlo

Nganba leiriba fibamduda machi lengde- hidakki asha tourunu..

Rajen- ash luhongamdai sida eibo naton se fibam chararoi onthokna tanjakhreda mina bor naton atekpa hainarani

Nganba mamittu panglaklaga rajen da yenglak e aduga masu maya ahobadu utladuna noksinlak e

Rajen- wathi fanayam nganglabasu wakhalse nungaiba ngamdeda khanghoudana nongmeinaga dok dok kapsinlakladi loire adum…

Nganba- ehey haiheidene rajen nangbo.. Adumba wakhaldo yarikhei thadoknaba hotnasi nattradi wakhalduna oina thawai louge hairakani…

Rajen mamaidu nakal amada leithokhre nupa oijarabasu mahak makhoina leiriba fibamdu khantharubada mapi era chenlabani

Nganbasu adumangai rajen ga chap manei.. Anidu ngaihak tumin tumin leinei

Nganba – kanadese rajen nungaiba wari sasi.. Atoppa sangaar amada taosi ebani tonganba amada..

Rajen khonjel nikli nikli khumlak e
– sir emana hainariba nupi do ei amukfao unadri ado ei natonsi kamai toudeino

Nganba- nanggi natonduda yarakaba nupido laidouna latluhei rajen

Rajen- sir gisu emana thibani haibadai

Nganba- um..

Rajen- eidi love marriage oiraboi ningure

Nganba- pakhang oiringei love ka touba heirakteda luhonga kanda heibei wani..

Rajen- love ki hairuradi eidi yam heibo sir ado one sided ngakta oiba

Nganba rajenda yenglaga noksinlak e

Rajen- sir gi ya ahobado rasibu fana leirine

Nganba- asengbara rajen

Rajen- asengbani sir by god

Nganba- hohangedahe punsichuppa

Rajen su mapi era chenladuna nokfet tourak e- emana eise luhongo luhongo yam haiba aduda eina ema eidi peisa yam thokpa natte migi machanupidu loururaga maning thunghanba ngamloi haibani hek yadadana emana hainarui luhongbasu sat hekta lepsinli.. Aduga emana kei hai khangbra sir..

Nganba- kari hairino rajen…

Rajen khonjel gadu mamadouna semladuna wa nganglak e- hai ebungo nupimachado shak khangnage haibaro nangbu pami pamde do….
Sibu keinoba sir matam lepnaba loiraga eigi opinion do last ta hanga

Rajen na nganglibadu tana tana nganba maithongdu nokmi nokmi tourak e..

” nupimacha do yamna fabani emana fei haiduna khanlabani”

” emana khanlaga hekta yarabo eigi wadi kadai”

” nang ama ei yam chingnei”

” kari channel no emagiduna”

” nama eina toubasi yaningdabadouna eyet yetpa ama yaori.. Nanggi khangnajaba leirasu emada sengna haiyune eise nama ne nama karino echagi apambado eina keisu thingloine nangbo nang chahi angang natrabani gyan tao keidouge”

Nganba mamada feirap yenglamlaga magi kada prap prap changkhre.. Sakhisu machagi tung ennarak e

Sakhi- karinoba nangna marei tourise

Nganba- ei kadaida marei tourage ema

Sakhi- pami pamde touridu haibani

Nganba- haijade haijade

Sakhi- farese ngasi unabado chatluro adugane echagi apambado hairo yaraba natro si oiradi

Nganba- adumai ngasaina haiba keidouwe ema

Sakhi- tourise yengu hei chahi matangduga ningai gasu touri pakteko

Nganba- ae ei ningai toudeko seran turan

Sakhi machagi matoududa nokmi nokmi touduna thokhre
Nganba famungda makhong yantharaga fami aduga side tableda leiriba photo du paikhattuna yenge.
– masakse fadi fajeine.. Ada fajabakhak oiramladi sini eina pakhatlisi emagase amuk otkhaibiradi maong taroiba..

“Danggggg”

Nganba khangprek khang e

Sanatombi mabunggi matoududa tingkhattana noksinlak e

Nganba- tombi nangse mamang mapokta kwak kumba haying gumba oina poklamdou manli..

Sanatombi machindu peithokhre- nupi unaba chatpado perfume manam nungsiba kapu na pubirakpane ebungo

Nganba-Kapoi kapoi perfume ga

Sanatombi- senglabo haise asengki kaparoidro

Nganba- hoihe karino

Sanatombi perfume botle du famungda fat langsinli aduga wa makha tarak e
– enama oidoudo masak yam fajei haibaniko

Nganba- adu keidourage eisu fajarisidi

Sanatombi- ahahaha…

Nganba- usittene mase

Sanatomba- nokpu nokning e mingondaga adumai hairunuko tamo amuk angao afei mankhini

Nganba- tombi taningde chatlo ei amta loisinge

Sanatombi- chatlage chatle ado tamo enamado yam angang ni haibaniko eingondagi chahi anikhak hanli haibani

Nganba machangi khudangdu pairaga chingduna thongjinpan youbaga mapanda fat enthok e

Sanatomba- hingcha yaitambagi maongdo touno haiba

Nganba- ei amta loisinge chatlo

Sanatombi fat leiduna chatkhre.
Nganba mafi setpadi loirabani.. Darkblue colour da black na check chatpa figure shirt ama litli khudangdu animak khuning mapa yourapna thetkatli aduga oithangba khudangda sanamachugi gharidu sijinli. Yamna light grey oiba formal khungao ama setli

Masam du mingselda yengduna haifet semmi oiromda peirap touna tariba sai maru kharadu yungkhathanli amuk makhutna fat fat khothei aduga hanagi fibamduda adumak thamkhre

Machalna hunjanlamba perfume botle du paikkhatuna yenge aduga khudang mapada khitang kapke toubaga

‘Tamo’

Perfume botledu fat amuk famungda hunjinkhre

Nganba- kei..keino ha

Sanatombi- adui dress to setoiro

Nganba- hoi

Sanatombi- ash ama leitrabo hanuba manle

Nganba- mansanu

Sanatombi – enamaga loi chenkhiba tare tamo ubada

Nganba wallet tu pocket ta hapchinli aduga kadagi thokhre..

Sanatombi matomta murum murum sonli- kamai ngangnadoino asi angaobasibo..

Nganba garidu thoudoktuna thoklak le.. Lambidagi mamanaba sunil su houduna puraklabani..

Pheidinga chatpagi lambi golai thekpa adomda nupi ani gari machada amuk khami amuk thouwe toubadu laptakna nupa aniduna ure

Sunil- karino ada jaganath kang chingbadouna tourisina

Nganba- gari yadrajatlo amukta hangbisi

Nupi anidu gari khamba matangduda nganba garidu thoujinduna khami aduga garidagi khumthakhre sunil su tande mande khumtharak e

Nganba- echan gari yadrabo keidourage

Gari thouriba nupidu nganbada yenglaga noklak e- haidokpada ekaiba wanida tamo gari yadaba natte

Sunil- keinone haisibo adumba amasu leibro

Nganba sunilda tumin leiyu haibagi maongda khuningna kak kak thinli

Nupidu sunilda yenglaga amuk nokmi nokmi hairak e- hoi adumai hai tare tamo

Gari maningda tonglibi nupidu tapna kumtharaktuna mataiwaida lepkhre

Nganba wa ngang ge haina machinbaldu kathorakpaga nakalda lepliba nupidu ubada mayadu sat umsinkhiduna mamit anina kuptabamakhei yenglak e

Somda sunildi nganbagi matoududa narum mayada murum murum sonlak e- hei luhongdouba nupi unaba lakaga karino namitto feirido nupa namittu chumune amta khoirakhinu

Nganba sunilna narum mayada ngarang ngarang nganglidu fat enthoklaga nupidugi manakta changlak e

Sunil makok pairaduna- uho..loiredana

Nganba- ei ming nganba… ningthoujam nganba uripoktagi

Nganbagi waheidu tabaga nupidu engak ngakna yenglak e

Nganba- som.. chingmeirongdagi.. Thoibi chumiko

Thoibi nganbada yenglambadagi ekairap touna lukthakhre aduga atappa khonjelda khumak e- um mane

Gari thourakpa mamanabi du nganbada amuk yeng thoibida amuk yeng touramlaga khangnok nokthorak e- heima unaba lakpa sidi lambidagi hekta thengnarene tourisidi

Sunilsu hainaribadu bhab taraktuna mayam nokpa loikhra kanda khangnok nokthorak e- adu oire eidi jat jat khanlure echan di kari ming kouge..

Nupi- eiro chanbi kou a thoibigi best friend ne

Nganba- gari keidoure haibano chanbi

Chanbi- haha..eibu haidokpa ekaikhreda.. Sumdoubani tamo thoibisu gari thouba heitaba eisu tamba houbada ngairiba ada laibak yenglasina monli monli amuk2 khamlaga thourakpani ching mayasida kisu kiraba

Sunil- ehey adugi oire aduidi lako garida karo ei thourage anisina noi garisida mai lakcharani

Nganba- keino sunil nap chadaba. Mi angang anisi ei garisida tonghanlage aduga nang gari machasi thourak o

Sunil- hei pakhang leisa oiringei date chatpei typeta lak o haibei wani sideidi paknasu fanglaroi natrne chanbi

Chanbi su maya ehi higatladana yathorak e. Nganbagi makhutagi so satlaga sunil chanbi puduna chatkhre. Somda nganba toufam khangdana ngaihak lepi makhut oidu thangattuna makoktu hotli aduga lukhamlomda nantharaklaga ngaihak thammi

Nganba- thoibi

Thoibi- ha.. Hao

Nganba- chatlasira

Thoibi- um..

Nganba garidu kakhatuna start touwe aduga amuk side ki khong thamfamdu lamduna haidok e.. Thoibi yetki khongna khong thamfamduda netlaga kakhatlakpada nganbagi furituda haifet yanlak e amuk makhuttu fat louthokhre

Lambida anidu wa machet amata hainade. Garden du youraduna makhoi mari pulap changlak e.. Leiriba cafe duda changsinduna fami

Nganbaga thoibigana famlidudagi khitang handoklaga sunil ga chanbi ga famkhre

Nganba- karino tongan tongan amuk famnarisina

Sunil- noi wari do free oina sanabani ebungo nupina luhongba yaningde hairaklasu nang ei mangda echop chopnani touni

Sunil gi waduda nakalda famlamba mi khradu nganbaga thoibigda yenglak e.. Nganba pocket tagi rumaldu louthoklaga mamaigi humangdu teithok e

Nganba- thoibi

Thoibi- hao.. Nate kari haige

Nganba nokfet touraduna- kari chasige

Thoibi- yaranida chadrasu

Nganba- amadi haiyudana

Thoibi- coffee oina thaklase

Nganba- chanabadi

Thoibi- yaraniye adudi

Nganba- keim chaningdrabo

Thoibi- um chak charakpada ngairi toubane

Nganba- kei ensang charak ke

Thoibi- sougri thongba kanghou amaga

Nganba- sougri do haobanine ngakijou ayaiba thaklaga thongbado

Thoibi- um ngapai thaklasu haowe

Sunil- ho ngabu thakladi ehaoda haobane karino wari erei leitabadouna nga makhal neina leiridubu

Nganba- sunil nangse nungaikhidreda nang famfam thokpa adum famu keidouge..

Somda chanbidu thit thit nok e.. Thoibidi ekaibana mamaidu khitang ngangsinlak e. Sunil ga chanbigadu khara amuk chathoktuna famkhre

Nganba- eigi emanabasi mathong khara chadabani saoganuko

Thoibi- saodeda tamo

Nganba- tamo kouganu

Thoibi ngakna- keigino

Nganba- eigi echalnupi ama leiye eina chahi 8 muk hanba manasu tamo koua ado nangna di ama kouhaning e tamo do tabada echal nupi hekta manlak ke touwe…..

Thoibi ekairap touna chimbaldi kathoktana noklak e- adudi dada kourage

Nganba- yai….

Nganba thoibigi ekaiganba matoududa henna henna yengliba mityengdu mitfam hongningdaba poklak e

Nganba- thoibi

Thoibi- haibiyo

Nganba- adum sengna hairakuko eisu wase koithoklaroige ahalsingna sinlibasida nanggi apamba karino

Thoibi rumal ama pairibadu makhut aniduna hek neibada maong ama tadrabani

Nganba- hekta haiyune koiganu

Thoibi tapna- eigidi emasu leite abokna pisak piklingeidagi ema sakna yokpirakpane.. Handak abokto masa yamna sonjinlakle ada baba hoi abokhoina luhongbagi wasi houdorkpani.. Eidi handak chahida master loibada ngairibani luhongba gi wakhaldi tourudri adubu abokki khanlaga mayam pumbagi apambase eigisu apamba oirage..

Nganba nokfet touwe

Thoibi- ado dada gi di

Nganba- eigiro.. Eigidi

Thoibi koiraonaraba mamit anidu nganbada langtaknana yenglak e madu ubada nganba chap lepkhre

Thoibi- dadana yaningdaba leibaro..

Nganba- ngaikho nang chahi kaya surage

Thoibi- handak 23 subane 24 changlak e ne

Nganba matomda sonli- yamna angang ni

Thoibi- ado.. Dada gi wadi haidri

Nganba- eikhoi yumdo mathak amaga hapchinbani flooring toubadi loire wall plasture di toudri adu oirasu adum luhongbasi thujinlasi tha ama sigi manungda yaba natro

Thoibi nokfet touraduna mamaidu nonthakhre..

Nganba su nokmi nokmi touduna thoibida yenglambadu pocket tagi khinglakliba phone lakpei ringtone duna hek yetlare

Nganba phone du fat louthoktuna yenge mama gi oirambaduda hougatlaga
– ei phone si amukta pairugeko emagini

Thoibi- um..

Nganba chathoraktuna phone du paikhatli
– ema keidourage tanjasida amuk phone tourakesina

Sakhi- unarabo kamdourage hai..nupimacha du yamna monjabani nanggi hounabi ekai khangdabadu tourunuko

Nganba- taningdeda ema

Sakhi- nama eina khangdana hairaklibanine

Nganba- amta thamo gyan tana wari amta sakhige keidouge ema

Sakhi- ehey ehey wari saribo saro saro

Nganba- hoi

Sakhi- ngaikho

Nganba- kei amuk leirage

Sakhi- kamdouge nupimachadubu

Nganba- horen erenjana haige keino hujik amuk hobe hobe touraklisibu

Sakhi- mood sagattouribani nang khangpote

Nganba nokfet touraduna- adum yaii….

Sakhi- ahahaha… Seita eidiba hei angaoba eina khanba emoubu karigi yaroidoinone.. Nama eigi choice ti maong adum tarakani

Nganba mamagi waduda nokfet amuk touwe

“Sir keidourage manglidubu”

Nganba gyan khaklak lak e
– ha .. Kari haiba rajen emana kari hai haibano..

Rajen nokladuna- emana mana khanba mamoubu soi haibra adum paka tarabani sini hairisi..

Nganba tapna- rajen…

Rajen- haibiyu sir

Nganba- nupana kappasi pangdabani nupa thokte hairasu ei hujik yamna kapninglakpagum touri kamai touni

Rajen nganbagi pi ehourakeba mamit aniduda wadi ngangdana tumin yengduna lei..

-to be contd

Comment piba kaobiganu,writer bu pukning thwgatpiyu

%d bloggers like this: