Numit Humphumathoi Part-3

NUMIT HUMPHUMATHOI

Part- 3

…. Apa… Henu.. Aaa….

Mapanda khanglao laorakpadu nganba taraduna ahobaduda fat yenge..

Chaoraba lin amana elen gi makhongdu yettuna leire.. Angangdu kibana khanglao laoramgada makhol thoklakhidre …

Nganba hougatke toubadu makhong anidu punkhibana ngamdare mamittu ahobaduda amuk yeng e nak yetta mi amata ude.. Faklangduda ngaraduna yamna wana hougatlak e aduga makhong animak amuktangda pulap pulap thangladuna mei hougatliba adomda lakle..

Uchin nachinna punliba makhutki fidu meida thamduna chakhanlaga louthokle.. Punliba makhongi fiduna kisi thoktuna louthokle aduga khudakta mapanda chenthorak e

Nakalda ngaraga leiramba sing achouba ama tap paikhatli aduga higatuna khu khu kamliba chaoraba lin adugi makokta safu kanna thommi… Cheinaduna lin adu elengi makhongda yetlibadu khara komtharakle.. Khudakta nganba makhutna lin adugi makokwaida paiduna khangching chingthok e aduga laptakna langthok e..

Elen di pakhatpana masadu thak thak nikle… Nganbagi makhut oida makhut machaduna tapna yanlak e.. Nganba fat onthoraktuna paktharaga elen gi makhongdu paiduna yeng e…

Nganba- elen.. Linna chikhideko…

Elen mapi era chenlaga makoktu fat fat hairaduna chikte haibagi maongda engit tourak e

Apuina chingmaidu amuk kakhatlakpada lapna nganba thoklaktuna leibadu ure… Pakhatna chensinlaktuna nganbana pairambagi leiriba sing achoubadu tap paikhatli aduga nganbada safu kanna tharak e
– eina chenganu afaba oiroi haiba natra nang siba kidabra.. Nathwai mangningbra..

Nganba- natte apui ngaikho…

Apui nganbana hairidu tade henna henna fujinlak e … Elensu kiboi karioi ethak thakatna apuida yenge

Apuina nongmei sattuna nganbada nami.. Nganba mamit uisinladuna makhut anidu tapna thangatlak e. Matangduda elen pkhatna apuigi furitu yanlak e aduga makhoigi marol da kari karino khara lat lat touna lonli…

Apui nakalda yengthorak e.. Khara laptakna makok ngaoduna tariba lindu ure..
Thangatlamba nongmeidu tapna louthokhre aduga nganbadu tap paiduna hanagi kaduda amuk chingsinlak e….

Hanagum makhong makhut animak chetna punsinli… Handakmukti machinsu yaona punsinkhre..

Sing achoubaduna thombada nganbagi oithangba laibakki machin pisum mayada soktuna ee khara thokle..

Apui mana punlibadu loiraga nganbada yenglak e- mr nganba eikhoi sida first aid leite nang adumna adum leiba tabani…

Nganba khumde mamittu tapna uisinduna faklangduda ngathakhre…

Somda imphalda nganbagi mayumda… thoibi magi kada mangladuna famli.. Phone du pairaga screen duda ngaihak yenge aduga pisum anidu sukladuna hougatlak e
– keino dada sibo ngarangdei paosu faorakte aduga phone su sum off thamisibu.. Nungdang yoo ga ngaoraga ayuk hougatrajatlo eidiba pran si prok prok chakeda…

Kaduda hangat handa chatlambadagi chap lepi thoibi- adaa moreh da nupi atopada ngao leikhrajatlo… Thabak ki chatkhrine hairaga atombi ga pura lakadi eidi kamai touni…

Thoibidu mapi era chenlak e phone du amuk fat thangatuna yenge…
– dada… Phone amta tourakuba ei pakhatle…

Sanatombisu tafing tafing chensinlak e aduga sor thabet thabet honladuna manamagi khudangdu tap paiduna ching e

Thoibi ngakna- tombi keidourage

Sanatombi- enamma lak o makhada amta kumse..

Thoibi- angaobisidi karino masina tourisibu lan lakpadouna koiching hek ching e turani haiba tombi…

Sanatombi manamagi khudang du tapna thadok e aduga mapi era chenladuna yenglak e- enamma dada do…

Thoibi sanatombigi maongdo chingnare… Wa haiba loidringei makhada khonglei thuna kumthakhre.. Sanatombisu prap prap ennarak e..

Mayai kada maithong emak makna manem maku animak t.v da lakliba paodu yengli…

Thoibisu mamittu t.v duda mityeng tarak e..

” …. Executive engineer ningthoujam nganba amadi mahakki driver oina leiba maibam rajen ngarang nungdangwairam shakhangba kharana thabak mafamdagi fakhre hairi… Hujikfaobagi oina Kari maramgi makhoibu fabano haiba lup amatana khanghanlakpa leitari….”

Thoibi tingak tingak manemda onsinlaktuna tapna yenglak e…

Sakhisu wa ngangde chap yungduna famli..

Biren famlambadagi hougatlaktuna machanupida yenglak e- tombi… Babagi b.p tablet tuga esing glass amataga purak u..

Sanatombi prap prap mapagi kada changkhre..

Sakhi kapli kapli tourak e- eina chatkanu chatkanu haiba hek yadabani echase matamna asuk fatra kansida karino toudourisibu makhoi baba…

Biren sor sangna hondokladuna amuk tapna famtharak e- sakhi..ei sor si chaning chamang honle nangbu khit nachindu lepuda…

Sanatombi esing glass amaga bp tablet tuga puraktuna mapada pi aduga masu nakalda famduna mapagi manamganda tapna tapna nanli….

Aduga Thoibidi…
Thoibi lepliba khongfamdudagi machi lengde.. Mangduna lepli…….

  • thoibi adumna lepkanu haibani angaobi manle

  • mansanu…

  • ae

  • keino ae di..

  • masi tourise yengu..

  • dada…

  • haooo..eigi nupi angaobi…

  • kari mingouno adubo

  • se angaobi mandanaba eigi nakta sida famlu lak o

  • tanli

Nganba nokladuna thoibi gi manakta changlak e- karino nangna hairibo…

Thoibi- keisu haijade..

Nganba- haijouda…

Thoibi- fagi matang chade

Nganba- ehey… Thoibiii…

Thoibi- chatlo dada gi chatfam thokpa thabakto ei karim haijaroi..

Nganba- asigibu saori manle… Hapta ama anigi wani punsi chuppa leikhidou simangai mana tourisi yengu..

Thoibi- adu oirasu…

Nganba amukka henna changsinlak e- adu oirasu hairadi marei loire…

Thoibina khumlaktabaduna khitang cheptharaga nonthariba mamaidu yenglak e… Taru taru pangliba koiraonaraba mitsna anidugi mitluda pirang marik khara tagadoubagi panduna leiri…

Nganba- ae ae… Asigibu kappe

Thoibi makhutna pidu fat teithok e- kapte…

Nganba- thoibi….

Thoibi amukka henna peri peri tourak e- dada… Ei mang yam nungaite..

Nganba- manggi wabu…

Thoibi- fagi natte… Dadagi khonjeldi taraga shaktamdi uba sukfang fangde mangduda ei kayam wai khangbra… Aduga… Aduga fi angouba marakta dada na kouba houdokpa tadana tumlami ..

Nganba makhuttu anidu khungrao gi pocket ta fat humjinli aduga khangnok nokthorak e
– eigi nupise serial yengmanbadagi makok si yadrene oho…

Thoibi saoninglap touraduna nganbada yenglak e- yam nokningbra dada nang…

Nganba- bebhar thetlaga saorakpasidanine eigi thamoigase mathou ngaihak ngaihak leplise..

Thoibi wa machet amata khumlamdabi chakhum lomda prap prap changkhre… Nganbasu monli monli ennarak e.

Nganba- kariginomi adukyam saoridubu

Thoibi- saode..

Nganba- amuk houredo…

Thoibi- ei thabak touge dada handokpiyo

Nganba- saoraga ensang thongladi mahao henli haibaniko…

Thoibi khumde

Fridge manakta hairap ngaraga lepi nganba .. Thoibi prap prap changsinlaktuna fridge tu khanghang hangbada nganba tuge touwe… Thoibi nganbagi maongdu nokninglabani adubu nokte.. Khamen asinba khara louthok e

Sanatombi su prap prap chakhumda changlak e
– kei ensang thongdoino enamma ei semakage

Thoibi- emana leirakpa ngadu taoraga khamen asinbasiga mahi oina thonglasi

Nganba fat yaoksinlak e- ngadu ei sembiraklage

Thoibi tapna- nga asembane

Sanatombi mabungda yenglaga tingkhattana noksinlak e

Nganba- naya yompak manabado utlakanu angang

Sanatombi- ekaikhangdagi kang kotledo…

Nganba- tombi taningde..

Sanatombi- Taningoi taningoi.. Nanai khangjei som saheb ki pukning

Thoibi khangduda thao heina heina mabung ga machal gagi awai akhumdu tabada lotsinduna thamlamba minoktu keku fonglak e..

Nganbasu dinning chair duda sat famthaduna tilhou maru ama paikhatlaga maku khok e. Sanatombina nga piece asembadu nakalgi basin duga chamna chamna mabungda wa ngangdoubagi maya kakhatlakpada thoibi na nganglakpana hanli- tombi thao sadoure ngado purak o

Tombi- hoi enama

Nga asembadu manamada piramlaga mabung gi makhutagi tilhou marudu sat munli- tamo.. Mit yam nare..

Nganba- operation tousiro anaba fanaba

Sanatombi- nahanliba virus to adu hanna thabak paikhatpana anaba thuna fani…

Nganba machanupida feina yenge..

Tanjaduda nga piece animuk thaoda thadaba houbaga thoibi machin khumduna thangnabada leirba washroom lomda chensinkhre…

Nganba tingak tingak yenglak e.. Famlambadagi fuk hougatlaktuna
– keidourage thaona chonglabo… Thoibi…

Sanatombi mabungda khuningna kak kak thinli- tamo nang pao tadribo..

Nganba ngakna- kari paono

Sanatomba- heima chanana khanglamdrena sidi

Nganba- karino haiwani

Sanatombi- eibu hairasirane…

Nganba- hairoidaba oiradi panlakanu taningde

Sanatombi- esh… Hairoi hairoi.. Nungaiba pao ama emunggi mi loi khanglaga tamodi khangdaba uho…laibak thida.. Tonlida..

Nganba- tombiiiii …….

Sanatomba- ho aduburo.. Emung mi hengatourabani

Nganba- keino mi hengat..pa..bo…

Sanatombi mabungda mitchi thak thak khatchinli- adusu khangdaba

Nganba lumangda tariba saidu nantharaduna nokfet tourak e- .. Khanga khanga… Heinu tareng nabung bhab tassss..

Nganba wa ngangna ngangna prap prap washroomda changlak e

Thoibidu mapi era chenladuna basinduda makhut anina souraduna leplaga leirami…

Nganba- thoibiiii…

Thoibi- ei thoklage dada mapanda leiramo

Nganba- ngaikhoda nangbu

Thoibi- kei haige

Nganba tapna changsinlaktuna thoibidu tunglomdagi nungsina konlak e

Thoibi engak ngakna- dada keino touridubu.. Arembada echop chopnaniko

Nganba tapna- eingonda haidaba..

Thoibi- keibuno..

Nganba- echagi warinida..

Thoibi ekaina mamaidu nonthakhre..
Nganba mangda leiriba mingsel duda thoibina ekaina lukthakhiba maithongdu yenglaga nokfet tourak e
– karigino haiba eingonda haidridi

Thoibi- haige tourambane..aduda

Nganba- aduda keidouraba

Thoibi- sum… Ekaiba

Nganba- eingondabu..

Thoibi- dada

Nganba- hao

Thoibi- chatkhino dada nang chatkhino ei kiye…

Nganba- se kuinaga leiroise hapta anidang leige mi eigi nupi kuina thadoklaga thamba yadre moina sangthana leiyu hairasu eina leibidw leitre..

Thoibi peri peri touraduna- hapta anido chatkhinu haiba… Erang yam kanle haiye aada ei ki haiba dada nang chatkhino

Nganba nokladuna thoibidu mamangda onsinhanlak e- masi mama oidoure haibu angang douna adum tourine.. Yengoi hapta anido chak ka yam yam charaga nungai nungaiba film ga yenglaga leirmo.. Houkhiba khanghouroida matam magi khongthangsi lamjel yamna yangbani tanabaga ngampote knamtana..

Thoibi khumde mapi era chenladuna nganbada yeng e..

Nganba thoibigi tarakliba pirang marik kharadu makhutna tapna teithokpi aduga laibakta nungsina chuppi.. Thoibi mamit anidu tapna uisinli..

Mamit panglakpada nganba leiramdre..

Thoibi humang anappi kanglak e sor thabet thabet honlak e… Mamit anidu koiot ottuna nganbabu thi..

  • dada… Dada… Nang kai lotlino.. Dada nang chatlabo.. chatkhino..ei kiye chatkhino… Ei ki haibane… Ki haibane…

Thoibi manakong anidu mensinlaga leimaida famthakhre…

  • enamma enamma se mit pango eine tombi ne gyan tarabo..

Thoibi mamit anidu tapna panglakpada sanatombigi tampakta hiptuna leiramle… Manem ga makubok kasu epa pakhatna yengduna leirami…. Mahakna hiplibadu mayai kagi leimaidani…

Sakhi- ebema gyan tarabo nangbo se kokta esing khraga hapsise…

Thoibi lat lat touna wa nganglak e- ema.. tombi.. Hujikta dada do eigi nakta leirambane.. Aduga kai chatkhrino khangdre.

Sanatombi manamada yenglaga kapli kapli tourak e

Thoibisu makhol thokna kaplak e- ma eingonda karimta hairamdana chatkhrine… Keigino mana adumai touridubo.. Ei waiye..

Sanatombi- enamma se gyan amata taowo tamodo chatkhiba hapta ama khara henlaklabne… Chatlamdaida enamada hairamidudi..

Thoibi- hairamde hujiktani mana emangda leiramlaga tumin mangkhibadu..

Sakhi mamoubu konkhatlaga makokta nungsina nanthabi- adumna touganune ebema nangbu nangna adumna touraga emadi kari oiyo haibano… Se hougatlo echado keisu touroise.. Eshor khoiramsi …yengoi nang wakhal panghen henna khanjinganu emahoi nang pabunghoi eikhoi mayam leirisidi… Nang wakhal waba yaba matam natene

Thoibi manemgi mathanungda hik hik laona kapthok e…

-to be contd.

Warise maong amada ejabane mayam kok ngaobikhinu… 😂

1 thought on “Numit Humphumathoi Part-3”

  1. Stream of consciousness + third person omniscient… Perfect combination of a story, loving it ❣️

Comment piba kaobiganu,writer bu pukning thwgatpiyu

%d bloggers like this: