https://linksredirect.com/?cid=91464&source=linkkit&url=https%3A%2F%2Fwww.amazon.in%2F

” NONGTHANG ” Part-39

~~
Taninglambani khonjeldo
Mikup khuding hanjin hanjin
houkhiba matam amada
Punsigi lamai amada

Tamnarare khonjelsina
Pirare cheina hanjin hanjin
Ngasigi mikup asida
Lamai ama hongkhrabada
~~

Nongthang ngaihak wa haifam khangda tuminna lei.. tarubi nokmi nokmi nungaitaba angakpa karimta faodabagum wa makha tarak e
– dada nungairiko…

Khonjeldu tabada maithongdu ubada fumduna thamlamba thamoigi awaba pumba pirang saklon louduna fudorakke touwe.. nongthang yamna wana khangjinlaga chimbalda nokningdaba minok ama nokladuna khumlak e
– nungairi haibatai….

Tarubi- dada gi nungaiba paodu eisu kuire taba Result hek haidokpa numitta adum social media da paoda ure.. adubu hujikkhakta wish pijage.. congratulations .. theng e haiduna noknabinuko…

Nongthang sor asangba ama hondoklaga- karigi noknadoinoda… Nangdi Delhi sida leibra yumda hanlira.. kei kei hotnari…

Mathang mathang hanglakpa nongthang gi wahangdu tarubi nokfet touna paokhum pirak e
– ei MA loire dada PhD touriye.. hoi yumda thoklakpane… Dadadi training loirabo, delhi sida leibro..

Nongthang- hoi sida lei .. training loire..

Tarubi- city amatada leiminnaraga nongmafao unade ..ngasi chatlamdaisida hek thengnare…

Nongthang tapna wadu makha Tarak e- ei nongma nanggi gold medalist oibagi paodu paper da thengnakhi.. mikuptu nungaiba pukning nungsiba chaothokchaba pumyan yansinnakhi.. eisu thengna wish pigeko.. congratulations.. nanggi tunggi punsidasu maipakpa khakta oiyu… Afaba nungaiba khaktana nanggi lakadouriba lambisida taramna oklamba oisanu..

Tarubi- thank u… Dadasu sideidi thabak puge hairaklani…

Nongthang tapna- umm….

Nongthang gi emak maksinlaba maithongdu uraga tarubi nungaitaba pok e.. ngasai makhei mana manakta fami khangdringeidadi nongthanggi maithongdo maka lamambani adubu hujikti khangamdaba awaba amama kokthakta nanlabagum etuk tukthare …

Matam pumnamakta yengningkhiba yengbagi penbasu naidraba nongthang gi masakni tarubigi mafamdadi .. ngasisu magul manglamdri.. matam amada penna yengjakhibado ngasidi migi oikhre haibadunara sakudaba pal amana thattuna khumjinkhre… Hannagum maning tamna yengjabadi ngamda.. pukninggi wasu fumjinnaba hotna tarugi mathanta nokmi nokmi touduna khang e…

Nongthang makhutta pairiba magazine du konjinduna uru uru unglaga ngaihak kari wahei haini khanduna makok manungdu mathou hapkatli…

Asumna khanghoudana thengnabasina haifamsu khangdabani.. ma thouna pumba khomjinlaga amuktangda hairak e
– tarubi… Nang eibu warouganuko. Eina nanggi sagatchaba asha thugaibikhre.. nangonda sakhiba wasak minamba oihanle. Tasengna masi eigi laibak thiba mapoksina humduna pukhibani. Ethanata wajaba oirabadi ei wakatningai waheisu leiramloi adubu eigi laibak thiba nongdamna nangbusu cheina pikhibado ei esa ethanta karigi asigumba laibakta thudi thirubano haiduna waroujei esa ethanta wakatchei.. ei lanle.. eibu warouganuko …

Tarubi mapi eradi chenlabani adubu nokfet adumak touri
– keigino adumaina hairidubu dada.. kanamta landiye .. dada su lande, dada na aduk pukchel chaoba minungsi khangba nupigi punsibu ekaikhumnabiba mamal leina loubadu ubada eidi penjaribane haraoribane.. chaothokpasu pok e. Houkhiba punsida ei ningdamdaba thamdreda kaobasu tamle..

Nongthang- tarubi…

Tarubi- dadasu enamaga nungaina panbiyu.. enamado lunna toubiyo,

Tarubi nakalda hairap onthokaga khutsaduna mapidu teithok e aduga makha Tarak e- eina luna toubiyo ga haise heipa saba tadoine yengu.. dadagi pukchel ei Munna khangeda.. enamadu laibak fabisinggi marakta ama oirabani..

Nongthang- nangna adumna hairakpase ei wakhalsi khara yanglaboi Ning e… Kuire eina masigi potlumsina nanduna leiraklibase.

Tarubi- eshor mana dadagi potlumdo ngasi thangthaba oirasanu haidana eiga thengnahanliba oiramlani..

Nongthang piroinaba mityeng amaga loinana nokfet tourak e..

Manadre.. pumnamak hongkhre… Matam amada yenglamba mityeng ngasiga manadre.. matam amada sanaramba wari ngasiga manadre.. noklamba minoksu sakfam hongle.. sitlamba nungsit maikei onkhre

Anido amuk amuk wari houduna sanei.. namfuda nokpa minok amamam maithongda leitengnabasu hotnei.. Imphal airport youbaga amuk kainare.. nongthang sor asangba ama hondoklaga wai sangna masagi luggage chingduna thoklak e.. tasengna ma ngasidi pukning wakhal animak pumyang yangkhre..

Mapan yourakpada pari ngaiduna leirami.. nongthang ubada tingkhattana kourak e.

  • nongthang… Somda somda..

Nongthangsu uraduna harao harao changsinlak e..
– ebai..

Pari- haone..

Nongthang nokladuna- hanurame ebai nang

Pari- eh.. keino hek thoklakpaga thagatpirisina

Nongthang parigi lengjumda konboi keioi makhut thamlaga- nungsidana fagi toubanida.. etao ebai!!!

Pari nongthangi mawongduda khangnok nokthorak e- mingoufaodi nappehe.. kaideibu thoklakeba kokno

Nongthang- um handak marak manichandra na kanna kouriye eingonda etao ebai haidana.. som side ki angle dasu kouba yaiyena apply tourijatni…

Pari- haha yai yai kounasi.. lako luggage to garida hapkatlo chatlasi etao esen!!!

Anidu nok noktana wari touraga mayumlomda haitharakle.. mayum youbaga shila na thoklaktuna sumangda mei ok e.. nongthang mangaktu sangdokaga nak yetta panthoi leibra haidana yenglak e.. adubu ude..

Somda emungda Nungsitombi du paikhei chenjinlak e
– enamma tachou lak a maido segairo … Ash nangdremi…

Nongthang thongjin kansinlakpada Nungsitombi gi waheido hek tarure masado swai laowe..
– tombi… Keino ngangneido

Nungsitombi ka manungdagi- ngaikho tachou amukta changlakhinu enamagi maise amta segaikhige..

Pariga nongthang ga mamit laothoktuna khangyeng yengnei… Nap chadaba machannupiduna nganglidu Kari amuk tourajatno khanduna nongthang prap prap hekta hotchinlak e..

Ka manungda panthoidu mamai gado musin muna mamit ga chimbaldukhak fatlaha hamuk teidouna leirami.. nungsitombina teiridu settuna louthokami…

Nongthang ngakna khudombi thinlaga- keino aduna!

Nungsitombi – ash mina changlakhinu hairimatada yam ngaingamdehe aoiba eikhoi tachouse..

Pari engak ngakna- thoi keino namaida nappidubu

Panthoi- tamo charcoal mask ne..!

Nungsitombi- enammagi maise renew touthokpanida hero na ubada thamoi fresh oinaba aduda nangdabei wani hujikti fajaramani ngaihakta ngaiyo yadakhei paisinlaklabanina thamoido fresh oibadi lairadana flop chatlamani

Pari khangnok nokthorak e- haha.. tombi.. nangna hek ngangbasidiba

Nongthang panthoida yenglaga nokmi nokmi makok hottuna lei.. panthoisu ekairap touna nokfet touwe..

Bimol thongjindagi kourak e- ebungo nongthang Hanna eru maithathok u nasado tekhatnaba

Shila- cho cho ebungo nafi narol hongdok u aduga pothanaba, tombi noibu chatlune parigi chara kei2no semlucho

Pari- yaranida ene

Shila- karigi yabanoda fammu2 nachalsingna semjarakkani..

Paridu thariba mayaikagi sofaduda famhanli.. bimolsu changjinlaktuna nakalda famlaga wari sai.. somda Nungsitombi ga panthoiga chakhumda cha semli..

Nongthang magi kada mafi hongna hongna machinda murum2 sonli.
– lak a halak a khangladi Kok changlaktene.. nupinena engit erang ama sukhang khangloidabani.. eina somda masakto yengningbana mit anisi nantharaktoure…

Furittu kundam louthokpa khara hourabani tangkhai chanlabani.. panthoina kada changlakpaduda amuk prap prap panjinli…

Panthoi- heima dada fi hongdribo. Eidi loiraboi ningure.. erunaba esing thanamlabani haige toune..

Nongthang mamaidu mathakki ceiling da yengkhatlaga monli monli hairak e- aa.. keinoni.. furit kundamse eina louthokpadu saorak a!!!

Panthoi ngakna- keino haisibu kundamnabu kamai saorino

Nongthang- ngasai kei hainakhige

Panthoi ngasai nongthangna haikhiba nokfet touraga mabu welcome tourak u haibadu ningsinglak e.. hujiktada nongthanggi matoudu nokninglakle… Ngasidi panthoi ekaiba pumba tungda enthoklamlaga Nongthang gi manakta changlak e.. aduga furit kundamda tanourabi khutsaduna amamam louthokpirak e..

Nongthang panthoina nakna leppadu mihuldu lawai lutonda hunle.. ningthibi maithongduna nokmi nokmi mangondagi inch kharakhak lapnana lepadudadi mit anidu chongthokaga panthoigi khajaida tarakke touwe!

Nongthang sor asangba ama hondoklaga- panthoi… Furit kundamgi matangsi horen to be contd.tourasi.. hujik bera karakkadoure

Panthoi ngakna- hujikta dada bu warouna mareiga toukhidaine

Nongthang- past tense oikhre.. present tense ta hairisina future tense ki oinabani

Panthoi nokladuna- hoi hoi.. ei chakhumda leiramge.. dada na haiba mathel mayamdo loi thongabane eikhoi tamoga chaminnaro

Nongthang matangdudadi panthoigi tangang2bi khajaidu makhutna nungsina sikningba poklak e adubu ma makhuttu thangatlamlaga lumanggi sairomda golai leikhre.. makhuttuna saidu nankhattuna haigatli.. aduga hairak e
– hoi hoi eisu fat chaitharakke kuiroi…

Mapuroibana yumda amuk thunglabagira panthoi yamna haraokhre maithongdu nokfettamak touwe.. nongthang eruba loiraga chakhumda changlak e.. panthoina ningthijana tanan tanan semliba chakluk manakta famthei.. parisu kousinli.. madi charoi haijabani adubu nongthangna yadre namduna kouraga harao harao chaminnare…

Emungdu nongthang halakpagi koilang lang e.. nongthang mapukning da fana yum yourakpagi haraojarabasu manichandra udabasi ewat watpadouna touwe.. mamangdadi yumsida magata loinaduna leibani..

Training mafamdagi thoklakpada emungi sunaba khudol macha amamam leirakpada manichandra gisu yaoribani.. tasengna marup ama oibadagi hendokna manichandradi magi atangba khongloini…

Nongthang phone louthoktuna call touwe.. manichandra su khudakta paikhatlak e..
Paikhatpaga hanna farakna mang thai
– ho ebai.. maroi morok thongba haobro nathanta chabadudi horen maninglomda marathon thaba oijarohe

Nongthang- nungsiyena tourakpa phonese namdana hek pumkhi khihandoureda ,.. esen ebungo rashi leiba Bhim gi putra manba shakto udabasi nungaitena phone tourakpani yam nungsirakoidoure thamo yare..

Manichandra- eikhoi tombidubu enasangda morok Kaya soijinlabajatno ebai ebungo tanap tanappasi yam garam kaida!

Nongthang- ngasigi uti thongba maroi morok thongbagi khuhaodi haidana kanade .. leiton ga handshake tounabada chakhaona momon nok e..

Manichandra- yam lennarakano etao ebai.. somda kap taba adom maikeida puja touba yadraba matam khara curfew thamliba leitonse yanungda eraknahanlaga hatlage haibro

Nongthang- keidi upai lei.. ngaingamdaba thamoiduna taha taha ehou hougattana miyam mangda seat reserve tourubagini

Manichandra- taha tahadaba yadabanine nungsibagi line da general category da leiba eikhoidi tangna fangba opportunity lemna manghan yapottedo! Nattradi punsi chuppa thamoise unemployment oina lenhoudoini!

Nongthang- .. Ekaibado eingonda oina pulap transfer touraklabra keino somda watadu tabada emaisi furitkhaoda hapchinlaga thamninglak a

Manichandra- nungsiyena loina pithokabani nang loina loujaro ekaibado eigi saruksu yaona

Nongthang khangnok nokthorak e- yare dhojo!!! Ebani amuktang unasi ekai khangdaba nasakto kayam thinjinlage Chang onge.

Manichandra- thijinba natte fajaba oina onbiyu… Hendok pathokna fajarabani eise metre ga onladi metre kataga tekkani haibide hainu, unasi etao ebai eigi Kari leirakke?

Nongthang- nanggidi rashi Charong ama leirak a hayeng luhongbada thetnaba

Manichandra- sini marupki marup ebai etao hairisi! Eina hek pamjabado thok a karam kanda pige haino.

Nongthang- ngasidi thenglani ei hayeng hekta nanggi office ta lakke

Manichandra- adudi paka tarene ei makae semlaga ngairamlage..

Nongthang nokladuna- penlabanida eidi!!!!

Anidu phoneda wari saraga khonjel thokna nokminnei…

  • to be contd.

Leave a Comment

Your email address will not be published.