https://linksredirect.com/?cid=91464&source=linkkit&url=https%3A%2F%2Fwww.amazon.in%2F

Nachom (Vol-4) Part-25 (last)

” Nachom – 4 ”
thamoinungda….

Part – 25

” Karitourage….kang’naga chik ero ”

Purnima na hairak’e.

Nongdamba makhwang nan nanduna hougatlak’e.

Changsinduna Romeo da khujinna sik’e.

” Naiye keino….nakong mayasida pet pet wari sarinena.
Adudagi hendoktana kon’ga kollak …. ”

Wa ngangba loidringei Nongdambana tumin leiyu haibagum makhut aduna….

” Suusshhhh ”

Nongdamba gi matoududa Romeo tumin tumin nok’e.

” karitouragemi ”

Purnima na amukkasu hanglak’e.

Nongdamba : Karisu toude,thammo’se yare.
Pung’se aa youkhre.
Pothanaba touro.

Purnima : Um….hayeng college khara nganna lak uko.

Nongdamba : Um thammageko.

Numit adu houkhre.

Mathang’gi numitta….

Nongdamba ga Romeo ga college chatnanaba haina thoklakpada leiraba matungda gari ama thoujillak e.
Kana laklibano haina yenthoklubada Dhiren ga Joy garidagi kumtharakpa adu ure.
Purnima su yaorak’e.

Makhoi ubada Nongdamba chenthorak’e.

Nongdamba : Pabung hoi lakpiri.
Lak’o pabung emungda chang’se.

” Baba….changbirak’o ”

Dhiren yengduna amuk hai.

” Ema di leikhibra ”

” Hoi leiye pabung ”

Asumna makhoi mayam punna emungda changminnarak’e.

” Ema….ema….amukta thokpirak’o ”

Machana kouriba adu taraduna Bina thoklak’e.

Mayam pullap famduna leiramba adu uba engak ngak’e.

Amuksu chingnaboi kariboi Dhiren da yeng’e.

Bina : Tada hoi lakpirammi.

Joy : Um….ngasidi wari amta sanagena laklabani.

” Echatombi,nang pabung hoi lak eye.
Cha ga chanaba kharaga thourang tourak’u ”

Joy : Echasing wanabani semhallurano.
Ahh….eidi ekaobu kaowi.
Nakanda famlibasina ebema Purnima gi baba ni.

Mayam pullingei aduda Romeo ga Thoibi gasu thoklak’e.

Joy : Bina….Nongdamba,ngasidi nakhoigi nafamda ei houkhraba wari amakhak lige.
Loibafaodang’di nakhoi tabiyu.

Bina : Kari karamba warino tada.

Joy : Bina….mi’oiba eikhoi’se wakhal khanthaba ngamba.
Jiba laktagi khwaidagi lousin leiba afa fatta khanthaba ngamba jiba ni hainei.

Adubu mi’oiba eikhoigi maraktasu saa’gi lichat chatpa mi yamna lei.
Saa’sing adugi marak’ta eisu amani.

Bina : Karino tadana haibiriba mayam’se.

Dhiren : Echal haigadra eche haigadra.
Ei wa makha tajage.

Bina : Um haibiyu.

Dhiren : Wari asi taraba tungda adomna pinningba dandi pibada ei harao harao yajage.

Dhiren na houkhraba thoudok wari pumba amata chitthadana lirammi.

Wari adu tabada Romeo ga Nongdamba ga thajaba ngamlamde.

Mamittagi mapi era chelladuna Romeo mapagi manakta changsillak’e.

” Karino eina ngasi taribase Baba.
Haibiyo masibu achumbra ”

Hangjei mapada

” Eimuk fattaba mi leiramlaroi.
Eigidamak wajaraklaba katthokpatana masaruk oijaraklaba eigi marup adubu ekhumak’na…. ”

Joy mamittagi mapi taduna hairak’e.

” Baba….adukyam pukchel pikpa minungsi khangdaba.
Nangbu eigi eparo ”

Kapladuna mapagi mangaksam metpana hotnei.

Bina na Romeo bu chingthoklaga khupaak’na thai.

” Mahak asi kanano khangbra.
Nangbu hek pokpiriba baba ni.
Aduga….thaksi kasi naidaba.
Adumna kanana tou hai ”

Kaptuna leiriba Romeo da onsinduna chei.

” Mabok….pabung do eibu yam luna toujabane.
Eingonda Echatomba Echatomba koubibani.
Adubu ngasidi takhidre.
Pumnamak fattraba eigi baba na ngaktane.
Ei yamna pende mabok ”

Romeo gi matou aduda leiriba makhoi loinamak mamittagi mapi tadaba yaodre.

Joy : Sikhibana henna farabani eidi.
Nongdamba….lak’o pabung bu hatlu nakhu
tmak’na.
Pabung karisu hairaroi.
Aduga Bina….nang eibu amukta ngakpiyuko.

Joy na Bina gi makhong paiduna haijage tou’e.

” Taada….adumna toubiganu.
Mapok thiraba eigi punsida pap ama amuk langsinbiraganu ”

Joy : Nongdamba….nang pabung bu amukta ngakpiyuko.
Nang’gi baba hatpa mihatpado nang pabung nani.

Nakhoibu eina kayada wana thikhiba.
Esana toujaruba pap adugidamak nakhoida ngakpinaba haijage haiduna koithi thikhi,nachil nanao’gi khanbada pabung yamna wakhi.
Nakhoibu mi amamam oinaba semge khankhi adubu fangba kouba leikhide.

Joy makhol thok’na kaplak’e.

Dhiren : Sakti paire ngamme haiduna mi amagum hekta faba punba.
Esagi sakti lanna sijinnarure.
Hingbada matik chadraba eibu amukta ngakpiyu.

” Ei wari pumba hanna mangjounana loina khangjare ”

Bina hairak’e.

Bina gi waheiduda mayam loinamak angakpa fao’e.

Dhiren : Karamna

Bina : Pumnamak eigi echana tambadagi khang’le.
Adubu hingsaa laman khumbagi kanaba leite.
Laman khumningbagi na ngaochatnakhi adubu khantharuba mikupta makhoigisu macha masu leiramganiko haina khallakpada esa ethanta gyan tajarak’e.

Dhiren : Adomgi wakhal pukchel thagatningai’ni.
Taseng’na angakpa fao’e.
Hing’na hing’na siraba misak’ni eidi.

Bina : Mayam pullap pullingeisida ei wafam amata thamjage.
Yabigadra yabiroidra haibaduna adomgi wakhalni.

Dhiren : Ching’naba leitena haibiyu.
Adomgi aningba apamba adumak soidana toujagani.

Mapagi nakanda mamittagi mapi era chenduna leplibi Purnima da yengladuna hairak’e.

” Mapagi minungsi fangjaraktraba echanupana adomgi echanupibu nungsijarura male ”

” Adomgi echanupi Purnima se eigi emou oijarage.
Masina laman khumba sakcharage”

Dhiren : Somna haibirisibu,ei kari haigadabano khangdre.

Mapagi waheiduda Purnima mapa munna yenglak’e.

Joy : Etao….kari khanbiribage wafamsida.

” Ahh….etao ei….haifam khangdre ”

Dhiren wa haifam khangdana machinda murum murum solli.

” Som gi paokhum amatangdi pibirak’u.
Yabirasu yabidrasu ei karimata waroujaroi ”

Hairak’e Bina na.

” Nate….wakhal adu onare.
Lanna khanbikhre.
Eina haige khanbadumak’ni somna haibirakli’se.
Madumak’ni eina pamjaba ”

Dhiren na khumlak’e.

Paokhum adu tabad Bina adukki matik haraojei,Purnima ga Nongdamba gasu adumangai.
Karamnadi haraoroi nungairoi.

Joy : Nungaire yamna nungaire masidagi henna nungaiba ama amuk leiraroi.
Ei pelle pungpen pelle ngasidi.
Bina….eigidi echa nupa anini Romeo ga Nongdamba ga.
Aduna eigi leiriba lan asi makhoi anida chap manana yen’gani.

Bina : ( tapna ) Taada

Dhiren : Etaogi wafamdo eisu yanning’e.
Eigisu echa anikhaktani nupi ngakta.
Eigi leijariba lan thum asigi tangkhai amadi hayeng echa Purnima ga eya haigadra Nongdamba gi mingda panbirani.

Bina : Taada khoigi wafamse tabase yam nungai.
Houkhibana houkhre.
Sidagidi amana amagi mateng pangnaduna tung koina nungsinana leiminnarasi.

Joy : Um….eikhoi mitop amata natrabani.
E marimak’ni khan’gadabani.

Joy famlambadagi hougattuna Nongdamba ga Thoibi gabu mathanungda chet’na konsinduna kaplak’e.

” Marup nang eibudi amukta ngakpiyu.
Ngasidi echa anise eina naorok naokonjarage.
Mapa gi minungsi fangjadraba echa anisibu matam kharadang oirabasu mapa ama oina minungsi utchage ”

Asumna matam khara houkhre.

Nungainadaba pendaba warounaba khudingmak mangkhre loikhre.

Khang’le ure tak’le ngasidi nungsiba minungsi haibasina pumnamaktagi athoibani.

Mi ama oina poklabadi mi’nungsi utpa heigadabani.
Minungsi utpa heitaba khangdaba mi adubu mini haikhidra.

Nongma….

” Mama….chak’to hallak aga charage.
Mapanda mi ngairaga leire ”

Purnima magi kaadagi parap parap kumtharak’e.

Mama : Mi abu kananone.

Purnima : Asshh….amado.
Ngairaga leireba.

Mama : Ebungo Nongdamba ro.
Heima….kousinbirak udana.

Purnima : Oh….ekai haiye.

Mama : Wa pumba loinare,hayeng nahei nasing tamba loiraga adum luhonggadaba leiradubu.
Houjikpu kanada ekairinone mabo.

Purnima : ( ekaina ) Eikhoi masidi.
College thengkhrani ei chatleko.
Horen thillakpada changminnarak’ke.

Mama : Hoi hoi….ningthina chatluko.

Nongdamba na Purnima bu achikpa mafam purak’e.

” Yam fajeiye swai’se….fajadrane ”

Garidagi hek kumthabaga Purnima na hairak’e.

Nongdamba : Um fajei yamna.

Purnima : Kari ching’no adagisibo.

Nongdamba : Eisu khangde.

Purnima : Ngasidi wakhalsu pukning’su eyang yang’e.
Yam nungai.

Nongdamba : Karigi.

Purnima : Sum….tounakhiba mayamduda sum pakhatchaba.
Nang’na eibu miraibiramgadra ethanta thambiramgadra haina pakhatcharure adubu ngasidi ching’naba pumba kok’khare.

” Famsi….fammo ”

Nongdamba na makhada famthaduna hairak’e.

Purnima su Nongdamba gi manakta famthei.

Nongdamba : Onthak’nasu kankhre nungsibagi mayai’se,leirang leinam nungsiba.
Amuksu ethanta khanjei hang’jei…. kalllibasi nungsibagi mayai adubura natraga leirang magi leinam adubura.

Purnima : Leirang magi leinam’na pammuba mahakpu enaktagi lapna chatkhidanaba haiduna thamjabani.
Leirang mahak’na thamoina ekhou langli pangthung adutabu.

Nongdamba : Ngao’e taseng’na ngao’e asengba nungsiba.
Wakhal’na nangtabu khanjari,pukning’na nangtabu hangjari,thamoi mahak’na nangbu nungsi hairiye.

Purnima : Thamoi adugi wahang’gi paokhum thamoi amana piri haiba….khangdabra nahak’ti.

Ekai nungsi yanna famlibi nungsibi mahakpu amuksu yengjari mitfam hongdana.

” Mi’oi babu sembibani hairiba laifaobana nupigi fajabada ngaobani kallakchabani ”

” Leiri famlari enakta mikup asida eigi enakta….eigi Purnima ”

” Kayada ningthijaribano eigini tambiraklaba nahak’se.
Yengbagi penbasu naide,khangde emit asina nang’gi maikei tabu yengjari ”

” Fajabi maithong thaja’gi Purnima ni,ningthirabi lirung tengumlaba misna anina ekaijari maithong’gi fajababu ukhre haiduna,amuk uhallaroi matougum lam hellaba malang mahakpu kouduna humdok’hallibara samlang’se.
Adubu eidi yengkhini punsigi,hugatpikhigani samlang’se ”

Choina tarakliba samlang adubu amuksu hugatpiri.

” Eibusu adu younasu thagatpiganu.
Fajabadi maithong mahaktagini,nungsibana thamoi mahakkini.
Ani asi kari mari leinabage haibadi ei khangde ”

Ekai ekaina hanglak’e wahang ama.

” Eisu khallibani hangjaribani.
Khang’le ngasidi,ngaoribase fajaba adudani maithong,nungsiribasina thamoi adubuni chamlabi ”

Purnima : Kayada nungairaba ngasigi mikup ase.
Nungsibana thalle eigi thamoi’se.

Nongdamba : Nungsinariba thamoi anigi pandamni panthung.
Ngairibani mikup adubu khourang’na.

Purnima : ( ekaina ) Eidi ekaijei.

Nongdamba : Karigi….????

Purnima : Sum….khangde.
Amuksu matamdo yamna thuna lak’hanning’e nanakta leiba khanbada yamnasu harao’e.

Nongdamba : Eidi hayengwai adum fudoine.

” Meyy….hek fubada eidi kaptoini ”

Nongdamba onsinduna sugatladuna hairak’e.

Purnima makhut’na chingsilli.

” Nathanta fammi karigino,ngasaidagi enakta changlakkadra sungchang changak’te.
Masi masi mamai fajabise sik sik hek touba ”

Nongdamba na Purnima gi khajaida sik’e.

” ayoo….naiye hingchaba ”

Matou aduda Nongdamba khang’nok nokthorak’e.

Purnima : Ayaaaa….ei kaninoma mang’khre.

Nongdamba : Haaaa….kari mangkhrage.

Purnima : Eigi thamoi mangkhre

” Nangsidi….hek konthokpa masidi ”

Nongdamba na Purnima konsilli.

” Mi uniye ekaijei haiba thadok’o ”

” Kanasu uroiye,eikhoi anidang’ne leirise ”

” Eibu asumna punsigi mapoksimagi nathanungda thambiyuko ”

Pamuba nungsijaba mahakki mathanungda ngathajari oinajari thawai oiribi mahak’na.

Onthoknasu nungsikhreda kallakkhreda thamoi anigi matou’se.

” Ado ei keinom haige ningsinglingei sida ”

” Karino ”

” Nang yen k.g 3 gi peisa pidriye ”

Mikup tagi pung,pungdagi numit,numittagi cha khara houkhi.

Haina singnaduna chaona luhongle ngasidi makhoi anido.

Luhongbagi numidang’ni.

Purnima chak esing chaba thabak engkhang loiraduna kaada changlak’e.

Hek changlakpaga Nongdambada khurumjei.

” Hougatlo’se….eigi Purnima di Purnima gum masek thok’na leiba oiyuko ”

Purnima maraibak’ta nungsina chuppiduna bor pibi.

” Dada….eibu punsigi thadokpiganu.
Leijage oinajage naakada,sijage hingjage nanggidamak ”

Mapitagi mapi taduna hairak’e.

” Apangbisidi,nang’na kappa uraga dada yam wai haiba natra ”

Purnima mitki pi adubu amuk teithokpi.

” Sonjabi noujabi leirang eise oijarageko nang’gi thamoigi Nachom ”

” Thamlabani nahakpu eigi thamoinungda….eigi thamoi Nachom ”

Semkhre thamoi anigi nungsi panthung.

Ningthibi nungsijabi leirang ado oikhre thamoi magi leirang NACHOM

**** d n ****

Eigi wari asibu pabiriba mayambu thagatchari.

Leo Sap

Leave a Comment

Your email address will not be published.