MITRANG KUMHEI Part 4

MITRANG KUMHEI

Part- 4

Rajen nokladuna waridu amaromda onthorak e
– nganba nang film kumodana

Nganba- kei wanoda tamo

Rajen- fagi nattene asengkini nangna ngasi hero sabadu onthokna pakchakhre heroda hero manline.. Wari ebadagi hendoktana actingsu yamna heiri enaodi..

Nganba khumlakte nokfetamak tourak e.. Nokandaba maithongduna nokfet tourakpadu ayengba khuding gi mityengbu ngaihak oirasu faduna thamba ngambani.. Rajen nganbada yenglaga hairak e
– rashibu yam leirine khara khara toina nokune nangbo

Nganba handakmuksu nokfet tourak e.. Wari watai khara touramlaga masu mayum hanjinlakle.. Magi ka youbaga mafiga hongdringei kethabi da call touwe.. Amuk toubada paikhatlaktaba duda touraroisira haina wakhalna khanlabasu makhuttuna redial toukhibana hankhi… Handakmukti paikhatlakle

Nganba- thabak chinbro

Kethabi- chinde

Nganba- keino nakholgaduna piktru pikeduna

Kethabi- ema leiye

Nganba- thamoro

Kethabi- thamkhinu

Nganba- emana ngangbro

Kethabi- ngangdradi haraogadro..

Nganba- hoine

Kethabi- date lepkhrabaniko damcha

Nganba- ngasi sidagi hapta amamuk kanlaga wednesdaydo numit fei

Kethabi haraona- um… Wednesday haiba

Nganba- nang ema hoida yaningdrini gaina seran turan nganglunuko amuk leela drama douna yumdagi mapan thokhandabi phone lousinbi ga amuk toukhini.. Adumaiga touradi eidi mangjarehe..

Kethabi nganbagi waduda khangnok nokthorak e
– eise nungdi nungsirijatni

Nganba- yare yare thamo eisu halakpada ngairi

Kethabi- thammoi wari sakhini

Nganba- hourakaba nanggi matang chadaba ningaido

Kethabi- damchada toujabani eibu atoppada tourubro..

Nganba- hoine

Asomda roma na laorak e
– kanagano phoneduda ngurung ngurung ngangliduna..

Kethabi- keino ema

Roma- nang tourido ema khangeko

Kethabi- ho esei ngangbane.. Keino khangde bhab fakhibasina.. Ahal oirakpasi adumai bhab fanabro

Nganba kethabigi waduda maraibak pairaga thit thit nok e…

Kethabi tapna- damcha.. Nokero.. Heiya ei uhoudre.. Nathanta nokpa! Adusu ei udringei

Nganba- nokpa yadrabo

Kethabi- ei leitringei atoppa nupigi mamangdaga nokunuko

Nganba- adudani eina angaobi hairaktoise

Kethabi- maram leibeini ebungo…

Nganba- yare thamo emana nganglakedu makha samtharaklani amuk

Kethabi- horen amuk tourako adudi

Nganba- um um

Kethabi- damchana oina thamo.. Eigi khutsina phonesi thamu yadreba thamningdena machifao lengbidre

Nganba- hoi hoi ei thamlage..

Nganba phonedu kaklaga nakalda thamkhre.. Mathanta nokfet touraduna sonlak e – angaobisidi.. Machinse petrong2 pangang ngangaba ase …

Tanjaduda leisnasu prap prap changlak e..

Leisna- nganba

Nganba- hao eche

Leisna- thabak ama leirene

Nganba- eigiro

Leisna moupagi famung machiduda famtharak e
– keisampatta laija drinking water gida supervisor gi ama

Nganba- khabarda yaoriro

Leisna- natte noi nabaigi mamanaba amana hairambani nang di hek changbaga adum khanlani na..

Nganba tuminna taduna lei wa khumlakte

Leisna- thabak si pikpagi pamde hairiro nangbo

Nganba- natteda.. Ei yenge amabu fangladi yareda

Leisna- aduni thabak chilhao thiba hounade… Nangna tamluriba naheiduga yengladi chanababudi yam watle eisu khang e adubu upai leitaba eikhoigidi afang afangbada ngaba tabani

Nganba- um..

” leisna .. Leisna..”

Mapandagi manina kourakpaduda leisna fuk hougattuna khumna khumna thokhre
” kei haige”

“Emase amukta pusinlu”

“Ema keidourage”

” masasi hairang hairang tourakle”

Sanariba waridu taraduna nganba kadagi prap prap thoklak e.. Leisna na samduna mamadu puraklaga mangol machiduda famthei

Mani- ei adum loisinge hairimatada emasina sonli sonli hekta yaorak e

Nganba- ema keidourino

Mani- feidom sima touba loisinge toubani emasu yaosinlakeba

Leisna- emungda oina hipana fattro ema

Tathotlei- sor honbasi wainehe noibo.. Koksu ngaori2 touwe

Nganba- emungda fajana ngaihak potharo ema sida sum famladi waba henjinlani

Nganba changsinduna mamabu samduna hougathanli..

Nganba- poraga thangjinluro

Tathot machagi manamganda khupakna bok laona tharak e- eibu angangdouna amuk laknarine masina

Leiriba makhoi maridu amana amada yengnaraga khonjeldi thoktabi nok e

Numit nini mukki matungda machena haiba laija drinking water gida nganba thabak chatpa houre ayuk pung 10 dagina numidangwairam pung 5faoba magi duty hour ni

Thabak chatna chatna rajen na hairamba thambalnu gi warisu eba hougatli…

Nong nini thabak karubaduda ure madudi mafamdo upai leitaba kayagi punfamni.. Magumba lairik laisu heiraba naha su worker oina esing thangdok thangjin touba yaori.. Leisabi machasu yaori mou naha dagi houraga miyai chanlabi nupifaoba..

Makhoi mayamduga khara2 wari saba sakhangnaba hourakle nganba mamingsu ayambana khangle

Ahal nupa amakhak worker mayamdugi marakta yaowe.. Nganba ahaldu ubada tasengna ngak e kamai touna worker oina yaoramlino haidana magi wakhalna hanjin hanjin lamsinduna hek hek khanhanli..

Ngaihak break thabaduda mayam changang glass amamam thaktuna potharingei ahal nupa duga nganbaga wari touwe

Nganba- kaka achou

Achou- haone kari leire ebungo

Nganba- kaka sibu chahi kaya hairino

Achou nokladuna- chahigi wadi pangyam yamdeduni ebungo.. Keidoure?

Nganba- sum.. Naha maraksida kaka na worker oina yaobasida hangjabani

Achou- chahi 70 changlakeni eise.. Thabak si eina yam kanna haijabadagi yabiraktuna yaobani.. Atei atoppada thabak fangde hanuba eingondabu kanana thabak piningani nattrane.. Sidabu ebungo manager du eiga hanna khangnagi haijabada yabirakpani

Nganba- hakchang sokpa tarene kaka

Achou- Chahi yamlabasu hakchangdi yam kanlida eikhoi

Achouna nokmi nokmi hairakpa wadu nganba nungaitana yeng e

Nganba- yumdadi kana2 leige

Achou- echanupi amaga lei

Nganba fagi oi karioi hairui- adudi emaknupa punna leisi yagadaba ama thirasi kaka

Achou tapna- emaknupadu leikhidaba kuireda ebungo..

Nganba noklamba minokto khanghan hanjinkhre.. Karinunggi hairubano haidu hek tare.. Ma masadu ahaldugi mamangda leppa ngamsinlaktre

Achou wadu amaromda pusinlak e- nangdi angang kaya leire

Nganba khangprek khang e- kaidaginoda kaka yum ga pandrida

Achou nokladuna- eisu khangeda eina laknabani.. Nanggi nawongdu yengningdana kakana laknabani

Nganba achougi mawongduda ngakna yeng e.. Ngaihakki matungda break matamdu loiduna thabak makha amuk samthakhre

Mahousagum nganba thabak loiraduna mayum halakpada rajen ngaiduna leirami

Nganba- ae tamo thajadana lakamida

Rajen- nang thabak chinbaduda ei oina hekta laklabani.. Script tu pukhrage ei

Nganba- um eina type ta fajana namthoklabani

Rajen- paka tare nanggi awaman su pige ngasi friday nidana lakliba sunday sida eikhoi lampak manakki clubtuda haifet haijinlamu..

Nganba- fani tamo

Rajen- artist anouba singdusu sak khangnaba oina nangsu yenglaroba

Nganba- ei soidana lakchage

Rajen- fare2 ei thengna leiba yaroi hannaba tourage

Nganba- cha ga thakhisidana tamo

Rajen- thaklene nachena cha ga pithakle achapot ka su yam puthoraktana pijare

Nganba- adudi ei script louthoklukhige tamo leibirmu

Nganba prap prap changlaktuna che mapundu pinna chapsinlaga stick file amada yepsinduna puthorak e aduga rajen da pire
Rajen su script tu loubaga mayumda hankhre

Nganba handakti wakhal khara yang e.. Thabak chinbana atei atoppa wakhal feidoknaba matam fangdabanara nattraga mana khanjinludabanara magi punsido mi manba hourakle…

  • to be contd.

Hero enak khunba ngaktagi warida ee haibagi lairabagisu ebaniko.. Bit hanbro hero bibula chuba ubase😂

Comment piba kaobiganu,writer bu pukning thwgatpiyu

%d bloggers like this: