MITRANG KUMHEI Part 33

MITRANG KUMHEI

Part- 33

Hospital manungduda kethabiga romaga koichen chenli… Adubu upai leitre angangdu mangkhre.. Miscarriage toure..

Chanu kapsu kapte pendabagi maithongsu utte tuminna hospital gi bed tuda famduna lei.. Roma na kapli kapli themli
– ei kari haigadabano khangdre ebema.. Singba ngamlaroidaba lan ama eikhoina manghankhre eikhoi yamna lanle..

Chanu paokhumdi pirakte.. Kapli kapli touriba ahaldugi makhuttu chetna paisinlaga thembibagi maongda mamit aniduna yenglak e..

Kethabidi chanugi manaktafao changba ngamdre.. Famungdugi khongyada tumin leptuna lei.. masagi punsigi awababu kana kanadano mana yenliba… Kana kanadano mana meisa hapliba..pumnamaksi khantharubada sor faoba mikuptuda lepkhrasanu haibagi apamba pukningda faorak e…

Yanliba chanugi bagtudagi phone lakpagi khonjelduna ngaihak leiriba ahumdugi fibam honghanlabasu mikuptuda nganbagi phone call oirambaduda kanamta paikhatpa ngamnadre.. Chanusu phonedu paiyu haiba yadre..

Kethabi upai leita phone du puthoklaga thoklak e aduga thouna pumba khomjinduna paikhatli

Nganba- hanlabo nangbo ei louba lakuro

Kethabi khonjeldu nikli nikli touraduna- damcha.. Nang rims ta lak o chanuse emergency ward ta leire

Nganba khanghai hairak e- chau keidourino

Kethabi- sida thuna amukta lak o

Kethabi phonedu kaklaga tarakliba mapidu teithok e aduga machinda sonli- eina asuk mi otlise keigino.. Migi emunggi nungaibasu eina munbire ei paap chenle handakki mapoksida natana mapok mapok khudingdasu kokpa ngamlaroidaba paap!!!

Ngaihakki matungda nganba fingna chensinlak e.. Chanudi nganba ubada mapi era chenba houkhre kapti kapte..

Nganba- keidourino … Nasa ngamdaba henjinlakero sagatliro..

Nganba chanugi maraibakta paiduna yeng e

Chanu- kaka ei keisu toudiye

Nganba- keisu toudraga sida hekta purakpa yabro.. Kethabi keidourino nang hairak o..

Kethabi kapli kapli- eina kamaina haini karidagi houni

Chanu samjinlak e- kaka echado mangkhre

Nganba kethabida yenglambadagi chanuda tapna onsinlak e

Chanu yam wana chimbaldu chingladuna minok ama noklak e – matam natte matam watli hairi manle mama oibada matik chadri ei matam khara leikho hairimale.. ngaisi matam amamuk ei ngaige… keigino adumai yenglidubu ei keisu khandiye ei nungaitaba keisu leite..

Nganba waheina chimbal thoknadi haidabi mapukningda khanli- chanu nanggi keisu khande keisu toude haiba waheiduna cheina henna piye.. Nungda fumliba meiri pumba einadi mayek sengna uri…

Chanusu nganbagi mityengduda tumin mapukningda khanli- adumna yenglakano kaka.. Eina lotliba pumba eho horabagum loina ukhrabagum faoa…

Nganba wakhalda- mitlunungda thingatliba pirangdo maning tamhanluba..

Chanu wakhalda- pirangsina maning tamlaklabadi kaka nang sennaba ngamgadro

Nganba sor sangna hondoklaga- kamaina tourino..

Chanu- esa ethanta tusinbanida…

Kethabi chanugi paokhumduda ngakna yenglak e.. Chanuna lotlabasu ma lotningdre… Waduna lotsinkhrabadi ma punsi chuppa ningamdabgi meirida ngouduna leirani

Kethabi- natte eigi nupa saa duna thokhanbani

Chanu- kethabi adu hainu

Nganba- karino hairise waridu sengna tammu

Romadi nganba lakpaduda wa marak thatpasu ngamda tatu tatu yengduna lei

Kethabi- ngasi tamodo lakame eiga ningai sangdanabada chanuda sokhibane.. Eingonda khut thage tourakpada chanuna fabane aduda enlambadagi tusinbane… Damcha.. Ei makha taba kari haidoino khangdre.. Eise miotpi onle…

Wadu hek loibaha fuk hougatlaga chatke toubada chanuna khudang paiduna yanlak e..
– kaka chatkhino

Nganba saoningbana wa ngangba thoktre
Farakliba chanugi makhuttu louthoknaba tourak e

Chanu-ngaikhuwo eina haidoise amukta tao haiba adumai touno.. Machingdo fathouwo

Nganba mayadu krak krak chikladuna hairak e- makhutto thudekke.. Thouna fariba makhutto eina thudekkani..

Chanu- wasi chaothokloisi haiba… Kaka nang yaorakano

Nganba- chanu!!!

Chanu- kakana yaorakladi wasi amukka henna chaothorakaniye.. Wa chaothokladi emung mioi pumba sokloidro.. Se eikhoi marakta loisinnaba touse khara warasu khara kapnarasu eikhoi masen marakta loisinnase atoppa keisu khangjadaba emunggi mi amuk chingsinlaroise.. Eina haijarise munna amukta khanbiyo kaka…

Nganba chanugi makhuttu fat kanthoklaga prap prap thokhre

Chanu pakhatna- kethabi amta khamo thokhrise amta khammo… Mana chingkhei fururadi wa pumba kairaniye lanjadaba eikhoi loinamak aranba taraniye….

Kethabi su pakhatna chenthorak e.. Mangda chatliba nganbadu kouge hek toubaga nganba chatlambadu chap lepkhre.. Kethabi kathoklamba machimbaldu umsinli aduga yengduna lei

Nganba tumin machi lengdana ngaihak leplamlaga faklangduda masa mathanta makhongu pangkaoda kaosinli.. Fumduna leiramba pendaba saoningba pumba fudorakpagum faklangduda loinamak tainarakle.. Ngaihak adumna touramlaga khuru khuduk kunlaga makhut aniduna leimaida souduna makok nonthana tumin famduna leikhre..

Nak yetta chatliba misingduna nganbada tingak.tingak yenglami..

Somda kethabidi nganbagi angaoba onlaba matoududa makhutna machindu khumlaga kappa khang e…

Nungthilwaiduda chanu dicharge toukhre.. Kethabiga mama ga su mayumda halak e

Kethabigi mapadu mangon machida masam mana efa fana famduna leirami.. Machaga nupiga changlakpa ubada tapna hougatlak e
– kadaida chatlurino nama nachabu

Roma- thokliba mayamse makhoi baba ei mangga chap manare.. Touriba mayamsi ubada ei ngaoduna chatkadoure…

Mapa- moina hekta pangtou touba yaroi eina case touni

Roma- case touni haibadagi sida laklaga thokloidaba mayam ama thokhre

Mapa- sida lakliba??!! Aduk usittaba!! Fei police lockup ta hapta amuktang namsinlaga khangdouni eise makhoin usittaba yaba miro

Kethabi mapagi wadu taba ngamdraduda emungda prap prap changkhre…

Roma kapli kapli mathabak yeiraduna- eikhoise mama mapa ama oibada matik chadrabane

Mapa- tumin leiyu taningde.. Mapa ama oina echada sokpagini eina thengnariba muknariba mayamse… Pangtou toubadi yaroiye moina

Roma- anam kanbado toko makhoi baba.. Nachagi punsise loukhatpa yadare… Mama mapani haidana sembiriba echagi punsise loina machoi machoi tare…

Mapa- roma….

Roma- khit toklo yengba ngamdre hujikfaoba bhab tadribaro.. Pumnamakki hourakfamse eikhoine mama mapa oiriba eikhoine…

Kethabigi mapadu tapna dhariduda famtharaga makok lukthaduna leikhre…

Somda chanu pusinlaklaga hiphanduna pothahanli.. Thokhriba thoudoktugi pao aniduna emungda tamba ngamdre…

Tathot sangom semlaga mamougi kada changlak e- se se si thakchinluse.. Nasado nungaitradi yumda adum pothagedi haidadana emanabigida chatlinina hekta chatkhi.. Amasisu nupina hairabanena hekta thinkhi..

Nganba khumde tumin lei

Tathot- sene sangomsi thakchinlune nasa epat patlido khara kankhatnaba

Chanu tapna- ema ei thakningba pokteba

Tathot- thakningba poktabaga yaroi.. Esudu masa fanabani nangna thakningdrasu eidi namdana hekta pithakni..

Chanuga nganbaga mamagi waduda amana amada yengnei

Nganba mamagi makhutagi sangom glass tu louwe aduga- ei pithaklage ema nang thokhro..

Tathot nokfet touraduna- ho ho pithaku2

Tathot monda nungaina thokhibadu anidu tumin tumin leihouwe …

Nganba sangom glass tu side table da thamlaga chanugi makhuttu loukhattuna pairak e aduga khutnamduda tapna tapna nanli…

Nganba- ei leirambana nanggi punsida nungaiba haidu mangnaba oiramle

Chanu- adumai haino kaka

Nganba- una una khangna khangna karisu touba ngamdaba simuk chakpa saoningba eigi punsida anirak suna thengnadri… Eina nangidamakni haidana karisu touba ngamdre

Chanu peri peri tourak e- ei keisu khandiye…

Nganba- haigano adu haigano… Nanggi keisu khande haibado eina yam tattana sonkhiba waheine waheidugi manungda kari yaori haibado eisu khangene…

Chanu – kaka.. Eina mathong chadaba oirubagi emungi minok ama manghankhre… Ei emahoida enamma hoida kamai haidoino… Enamana angang ama urani khanna haraojariba matousida eina kari haina paosi tamludoino…

Chanu wadu haina haina mapi tarak e
Nganba tapna chanugi makokta thembiba oina nanbirak e..

Nganba- kapnu se.. Adui saruk nungaiba waridum sasi… Handakna loirani haibasu natte mathang tanja mayam ama leirisidi..

Chanu mapidu teithok e

Nganba- nanggi poster si fajeine.. Asibu nupiro nuparo

Chanu- khangde

Nganba- ae khangdana leirakeba

Chanu- maru kokpa angangsibu dress su nupi nupa khaiba skirt nattraga khungaosu setpa natte Huggies setlaga eina kamai khangdoiba..

Nganba- adudi ama oihanlodana

Chanu- umm…. Nupi oihanlasi

Nganba- nupi pambro

Chanu- yam pammi…

Nganba- keigi

Chanu- macha nupidi mapa manleye…

Nganba- machanupadi

Chanu- mchanupana mama manleye..

Nganba- oh adudi eidi machanupa pammi

Chanu nokmi nokmi mapidu amuk tarak e..

Nganba- ehey kaplanu hairaga

Chanu- nupi eikhoidi pise emanabi oiraga sarakpra keino.. Nupi khudingmak pirangga sagonnaduna leiye… Kethabido yam waramni…

Nganba- um…

Chanu- kethabi gumba mayam amasu leiramniko khanbada ei esasi sor fungatli… Nupi eikhoise ekhutta lang kiraga chingningba maikeida samajsina chingduna pubiriye… Mitrang kumheigi kumheiroi oihanliye… Miyamgi mit pennaba…

Nganba chanuda yengduna lei… Ma wakhal amada taokhre chanuna ngangliba makha taba wadu tarudre.. Supnagi ekhutta lang punduna mitrang kumheigi kumheiroi oiri haibadumak nakongdu ninduna leikhre .

Nungdangdu leisna na chak loisinlaktuna mayam punna chaminnare… Chanu masa wabaga nganta tumkhre…

Nganbadi magi table manaktuda choukridu chingsinlaga famduna churup machei ama thaklaga lei… Mangba yaba manglamlaga.. Kuina yomsinduna thamluraba Typewriter tu puthorak e aduga kariba ufuldu fu fu kamthok e…

Enk anouba hanjinli paper ahanba hapchinli.. Aduga loisinlaklaba churup macheidu muthatlaga anouba ama chamkhattuna machinda chaplaga makhut anina type fuba hourak e

Mayektu mathang mathang fujinlaktuna amuba machugi mukna angouba lamaiduda churare…

“MITRANG KUMHEI”

  • to be contd.

Warise nungsinaba nungsinabi yenguna ejaba natteko…..

Comment piba kaobiganu,writer bu pukning thwgatpiyu

%d bloggers like this: